ياجامعيين, شوفو رسالة مشرفي بخصوص طلبي تعويض حجز رسوم الجامعه(دبوزت). ياليت تفيدوني

اخوي لازم تنتظر لمن تسدد الملحقية كامل المبلغ الضمان المالي للسمستر فصل الربيع اذا تم التسديد عن طريق البوابة

بعدها ارفع طلب تعويض وراح يجيك التعويض ثاني يوم .

موفق

القصد من كلامه ..
إنك تبتدي دراستك في الجامعه اللي حجزت مقعد فيها ..
اذا بديت الدراسه واعطيتهم الضمان .. هم راح يرسلون فاتوره للملحقيه لاجل يسددون مستحقااتك اللي عليك من الجامعه ..
اذا وصلت الفاتوره للملحقيه راح يبين كل مستحقاتك (المدفوعه والغير مدفوعه) ..
وهذي العملية عادة تاخذ اكثر من شهر .. حتى توصل الفاتوره ويسددون مستحقات الجامعه ..

اللي تسويه طال عمرك علشان تتأكد ان الفاتوره وصلت ..
تشيك على حسابك البنكي بالملحقيه او حسابك البنكي بالجامعه ..
تشوف كشف الحساب عندهم هل تم الدفع او لا ..

اذا تم الدفع معناته انك تقدر ترجع وترفع الطلب من جديد ..
اذا مابعد دفعوا .. تشيك معهم ومع جامعتك بهالخصوص ..


وحط ببالك لو وصلت الفاتوره للملحقيه .. اول شي تروح للمشرف حقك .. والمشرف يرفع طلب تسديد رسوم .. وادارة الماليه توافق عليها .. وبعدها يصرف شيك باسمك للجامعه .. وبعدين يرسلونه للجامعه ..
يعني بإختصار انتظر دورك ! المسأله تاخذ وقت بسالفة التسديد ..

يعطيكم العافيه جميعا ولله يجزاكم خير لكل الي افدتوهم

اووووه يعني طلب التعويض ما اقدر اطلبه الحين؟؟

ان لله وان اليه راجعون-__- لازم يطفرونا

أنا ما لي تجربة الحقيقة
لكن اللي فهمته من الرسالة
المطلوب أنك تدفع الرسوم الدراسية ، و تطلع فاتورة بهذي الرسوم و لكن ما فيها رسم الديبوزت اللي حطيته
يعني الفاتورة اللي تطلع ، شفها و تفحصها ، إذا محطوط فيها قيمة الديبوزت ، أرجع لهم و قل لهم أنا دفعت الديبوزت و هذي فاتوروته الخاصة و أبيكم تحذفونه من فاتورة الرسوم الدراسية
ليش ؟ لأن إذا الديبوزت موجود ، فالفلوس اللي تبي تدفعها الملحقية للجامعة فيها الديبوزت و بالتالي لما تقول لهم أبي الديبوزت ما يعطونك لأنهم خلاص دفعوه للجامعة ، فلذلك اللي مرسل لك الرسالة جزاه الله خير حب يفيدك و ينصحك ( و هذا واجبه ) بما فيه مصلحتك
وفقك الله لما يحب و يرضى

ببساطة:

انتظر حتى يجيك طلب مقبول من الملحقية بدون ما تكون أنت رفعت الطلب
تدخل على البوابة الإلكترونية تلاقي: طلب تسديد رسوم، وتلاقيه مقبول

هذا معناه أن الملحقية دفعت المبلغ للجامعة، وتقدر ترفع طلب تعويض وقتها.

الغالب أنهم هاليومين يدفعون للجامعات بعدما استقرت الجداول وتبين الحذف والإضافة
أنا للتو الملحقية تدفع لهم أمس.

أو مثلما قالوا الإخوان راح يظهر لك في كشف الحساب في البوابة الإلكترونية

بالتوفيق،،،

مو شرط فديتك مسألة الطلبات هذي تعتمد على المشرف .!

انا سميستر جاني نفس الطريقه طلب تسديد الرسوم مقبول على الايميل ..
وسميسترين عقبه ماشفت طلبات تسديد الرسوم .. (مارفعوها) .. بس لقيت بسجل الحساب حق الملحقيه انهم مسددينها وحاطين المبلغ فيها بس !.

فهي تعتمد على المشرف ومزاجه بالنسبه للطلبات

اما مسألة كشف الحساب اللي بالملحقيه لا هذي تجي من ادارة الماليه نفسها ..
وترا للمعلوميه قريب هذي لاحظتها .. اول مافتحوا النظام الجديد ماكانوا يسوونها .. كنت اصيدهم عن طريق كشف حساب الجامعه .. (متعود على النظام القديم هههه ) ..
بس الان صاروا يحطونها على كشف الحساب الطالب بالملحقيه ..!

يا رجال أنت من يوم قلت لنا أن مشرفك يطلب منك ترسل له كشف بالبريد، وأنت لا يقاس عليك في شيء يتعلق بالملحقية ههههه
أنا إذا تسددت الرسوم على طول يجيني طلب تسديد رسوم وموافقة عليه، ويظهر لي في كشاف الحساب.

على أية حال:

فعلاً قد يكون الموضوع يخضع للمشرف، والرجال ينتظر شهور وما يجيه شيء، نقطة واتضحت.
لكن كشف الحساب هذي تظهر فيها كل الشغلات من مكافأة لتأمين طبي لتسديد رسوم الجامعة، فمتابعة الكشف راح يوضح له متى تسددت الرسوم.

شكراً لك

هههههههه شر البلية مايضحك .. المشرف ومن هو المشرف .. ؟ سؤال لابد أن يكون نصب عينيك قبل إتخاذ أي قرار !
لبا قلبك والله ..
اي والله انك صادق .. لكن الشكوى لله وانا اخوك ..
متكلين على رب العباد ومسلمين امرنا له سبحانه ..