رد: ضمان مالي على حسابي ؟!
اهلين اخي رماااش حياك الله
يوجد بعض الجامعات لا تمانع من إرسال القائمه البنكيه كشف الحساب الخاص بالفتره و البعض يطلب شهاده بنكيه ولكن في العموم يفضلون الظمان الي من الدوله و انت لما ترسل لهم عطهم خبر انك بس تبي تسرع الإجراءات و انه عندك بعثه من الدوله و كذا
المهم انا بقولك إجراء الشهاده البنكه تسمى للعملاء الصغار اي ليس الشركات
تذهب البنك و تتأكد من ان اسمك عندهم مطابق لجوازك و إلا عدل و تروح لخدمه العملاء تطلب شهاده بنكيه بالمبلغ الي تبيه بالدولار و بس النموذج جاهز بس شف إذا تقدر تقنعهم يكتبون فيه انه موجه لدراسه الجامعات يكون افضل لو رحت الصباح ممكن انك تستلمه في نهايه الدوام
و اي سؤال انا حاظر
رد: ضمان مالي على حسابي ؟!
^
اخوي انا بجيب الشهاده البنكيه هذي عن طريق حساب الوالد مو حسابي ! انا سمعت ان هالشيء ممكن ! بس وش الاجراء المتبع عشان اسوي كذا ؟
رد: ضمان مالي على حسابي ؟!
هلا اخوي
انا كنت قرأت موضوع عن الشهاده البنكيه في المنتدى بس للاسف بحثت عنه ومالقيته
بس انا طلعت لي شهاده بنكيه والي اذكر الي تعمله ::
تروح للبنك وتقول للموظف انك تبغي شهاده بنكيه ( ولا تنسى تقول له يكتب المبلغ بالدولار )
ولاتنسى صوره من جوازك ( حتى مايغلط بالاسم )
+
كشف حساب لثلاثة اشهر او اكثر مش مشكله
انا طلعته من ساب ( البريطاني سابقا )
اتمنى اني مااكون نسيت شي ،،
وبالتوفيق ,,,
رد: ضمان مالي على حسابي ؟!
وصحيح ..
مش مشكله يكون من حساب الوالد ،،
رد: ضمان مالي على حسابي ؟!
يعطيك العافيه ,! يعني كشف الحساب غير الضمان البنكي ولازم اجيبها الاثنين من البنك ؟؟
بعدين وش الفايده من صورة من جوازي والكشف اصلا باسم الوالد ؟ يعني اسمي ماراح يطلع فيه ؟!
رد: ضمان مالي على حسابي ؟!
شوف عزيزي
في موضوع للاخ هنا من زمان اسمه هاني الظاهر .. فيه صور الضمان المالي من بنك ورابطه .. عندي باللابتوب الثاني ..
ان شاءالله اشبك بكرا منه واعطيك الرابط
طريقة الشهاده البنكيه تثبت بان بالرصيد 30 الف دولار ويكتب رقم جواز الوالد ورقم جوازك وموجه للجامعه والثاني موجه للسفاره واتوقع السفاره تطلب كشف لحساب ثلاث شهور
وبالتوفيق لك
رد: ضمان مالي على حسابي ؟!
اقتباس:
يعطيك العافيه ,! يعني كشف الحساب غير الضمان البنكي ولازم اجيبها الاثنين من البنك ؟؟
بعدين وش الفايده من صورة من جوازي والكشف اصلا باسم الوالد ؟ يعني اسمي ماراح يطلع فيه ؟!
هلا اخوي ،،
مثل ماتفضلت كشف الحساب غير عن الشهاده البنكيه
ولازم يكونوا الاثنين بنفس التاريخ ( تاريخ استخراج الشهاده البنكيه والكشف)
وصورة جوازك مهمه لانه بيكون مذكور اسمك واسم الوالد في الشهاده البنكيه،،
وبالتوفيق:)
رد: ضمان مالي على حسابي ؟!
أخوي الشغله بسيطه جدا
تروح للبنك وتطلبهم شهاده بنكيه انو في حسابك او حساب الوالد فوق 30 الف دولار فقط لا يحتاج كشف حساب ولا حاجه
راح يطبعون لك ورقه مكتوب فيها هالكلام بالانجليزي وتوقع من مدير الفرع ويختمونها فقط
واي سؤال انا حاضر
رد: ضمان مالي على حسابي ؟!
ههههههههههه ياشباب عطونا رأي واحد كل واحد يقول كلام ,! انا الي اقصده انه فيه فرق بين الضمالي المالي ! والكشف العادي الي يثبت كم في الحساب , لان الضمان المالي يجمد المبلغ في الحساب فـ الوالد مايقدر يستخدم المبلغ الي جمده لانه مقرر لدراستي !! او غير ذلك شهاده الي هي كشف حساب تبين كم المبلغ الموجود في رصيد الوالد ! وهذي بسيطه ! اي وحده اجيب ؟