4.5 الله يرحملي والديكم

الله يعينك ويوفقك أخوي
الاختبار هذا قبل سنة، أنت بعدها ما اختبرت وإلا ما قدرت تجيب أكثر؟

عموما شف لك كلية معلمين في أمريكا موصى بها يمكن يدخلونك السنة الأولى وبعدها تحول جامعة.
غير كذا والله مدري وأنا أخوك بس 4.5 صعبة.

مادري والله عن وضعك بالضبط ..
لكن اذا انت مادرست لغه .. تقدر تجيب قبول مشروط من اي جامعه على اساس انك تدخل بالمعهد حقهم وتكمل بجامعتهم ..

عليك بكليات المجتمع بامريكا
هذا اللي صاروا اغلب الشباب يسونها

العقبه الاولى للمبتعث في امريكا اللحين هي اللغه
اغلب المبتعثين حاصلين على 4.5

لكن ابحث لك عن كلية مجتمع وادرس فيها لمدة 8 اشهر وبعدها تقدر تحول الى جامعه
والملحقيه تسمح لك بس عليك تبحث

المشكلة يا اخوي ولا واحد من ذولا الي انقبلوا بكلية مجتمع حط موضوع يفيدنا وش نظام كليات المجتمع ؟
وهل تأهل لدراسة الهندسة ؟ وهل هي ضياع وقت من زمن البعثة ام تعادل المواد عند التحويل ؟ وامور كثيرة بس الله يهديهم ولا عمري شفت موضوع يتكلم عن هالشي !
لو عندك خلفية بالله اشرح لنا الالية بالتفصيل لاهنت الله يوفقك مابي ادخلها واتوهق واخرتها بس كذا ضياع من مدة البعثة

شوفة عينكم






تكفون يا جماعة الفزعة بقبول لو كومينتي كولج الله يرحملي والدينكم والله اني رحت فيها الحين وانا بالسعودية الفترة تحتسب من بعثتي ماوافقوا على التاجيل لا حول ولا قوة الا بالله احد يساعدني بقبول بالله والله حاسهم قليل وينهون بعثتي

اخوي كومينتي كولج قبولها سهل ومافيه تعقيد كمل الابليكيشن حقهم وارسلهم اوراقك وراجعهم عشان تكمل اجراءات القبول
وبالنسبة للدراسه راح تحسب لك المواد يعني ببتعادلك مانت خسران شي

اغلب كليات المجتمع اذا عطوك قبول نهائي
اول شي يسونه لك يختبرونك انجليزي ورياضيات ( اختبار تحديد مستوى)
بعدين يشوفون اذا درجاتك كويسه بالاختبار
يعطونك جميع الكورسات اكاديميه وبكذا يكون زين
اما اذا كانت درجاتك بالانجليزي موب المطلوبه هنا لازم يعطونك مواد انجليزي (ESL) ولن يتم معادلتها بالجامعات الاخرى عند التحويل

ياشباب ممكن قائمة بكليات المجتمع الغير موقفة بكاليفورنيا .. ؟ مافيه وقت

اذا ماحصلت حل وقف البعثة ....