شحن من السعودية الى امريكا

إذا كان الوزن معقول حطها في نشطه و اسأل عن سعر الشنطة الإضافية في الطيران الي مسافر علية

اكيد لو تشحنها معك بالطياره بتكون ارخص لك .. وممكن بعد ببلاش ... ( لو كنت تحت الحد المسموح بالوزن) ..

اما اذا كنت تبي تشحنها عن طريق شركات خاصه مثل فيديكس وغيرها .. فراح تكلف ..

انا اذكر اني ارسلت شحنه من السعوديه الى امريكا عن طريق فيديكس كرتون 25 كيلو .. كان فيه ملابس وبرادات شاهي وقهوه وتمر ... الخ اغراض لي ولكم شخص ..
المهم انها مليانه فل ..
اذكر انهم اخذوا علي تقريبا 1400 ريال ..

^^ اف 1400 الله يعوضك والله واااجد

1400!!
كسرت ظهري ياجبير !

ههههه وشفيكم متهولين من المبلغ ... يا اخوان والله مقارنة بالاغراض اللي شحنتها انه رخيص ..
لاني اساسا هذاك الوقت كنت حاسب حساب ان ممكن راح توصل الى 3000 ريال .. لكثرة الاغراض ..
فانا اشوفها رخيصه مقارنة بالاغراض والوزن اللي ارسلتها ..

وبعدين هذا امر طبيعي يعني الشحن الدولي لابد يكون غالي .. خصوصا كل ما صارت المسافه ابعد كل ما زاد السعر ..

الشحن غالي لكن خلها معك و الله يعينك تدفع تبع شنطة اضافيه و امرك لله و ارخص ..

حصل لي موقف قبل كم اسبوع انو رخصتي ضاعت و طلبت من اهلي يطلعون بدل فاقد و طلعو ولما جايو يرسلوها على امريكا طلع الحساب بـ 240 ريال !! بس رخصه ياجماعة الخير يعني مافيها وزن ..

ولمن كنت بباريس وراجع للسعودية اخذت شنطة اضافيه وزنها 64 كيلو .. و حاسبت عليها بالمطار بـ 132 يورو تقريبا 600 ريال

انصحك تاخذها معاك واذا كان لا بد انك تشحنها عندك خيارين

اما انك تشحنها من خلال الشركات المعروفه (فدكس وغيرها) راح تكلفك لكن توصل لك سريع

او انك تشحنها من شركات ثانيه مثل (الطيار وغيرها) رخيصة لكن ممكن تتخرج وهي ما وصلت خخخخ امزح بس يعني تطول

انا شحنت عن طريق الطيار او بالاصح احد مكاتب الطيار كرتون ٥٠ كيلو ب ٥٠٠ ريال ووصل الكرتون بعد الشحن قريب شهر وهم نظامهم اذا شحنت ٥ كيلو او ٥٠ كيلو او كيلو واحد كلها بنفس السعر ٥٠٠ ريال

حبايبي مشكورين على الردود
بس انا حاليا بامريكا وفيه اغراض ابيها من السعودية الى امريكا
عن طريق الشحن كم بيكلف وش الافضل
تقريبا كرتون فيه اغراض وشوية ملابس
وشكرا

عندك الشحن عن طريق مكاتب الطيران .. مثل ماقال اخونا ابومالك ..
(او تقدر تشحنها مع احد معارفك لو عندك احد تعرفه شغال بالمطار .. يقدر يضبطلك الشحنه مع اقرب رحله .. وهذي سبق وسويتها انا ) ..

وفيه عن طريق البريد السعودي او فيديكس ..
اذا كنت طويل بال .. فاستخدم البريد السعودي (ارخص من فيدكس) ..
والشحنه راح تطول ... اكثر من اسبوعين ..

اما اذا كنت تبي الشحنه في اقرب من هالوقت ..
فاستخدم فيديكس ... عادة الشحنه فيها ماتطول اكثر من سبع ايام !
ولكن مثل ماقلت لك راح تكلفك شوي .. على حسب حجم الكرتون والاغراض !
انا كرتون فيديكس 25 كيلو (اكبر كرتون عندهم) بـ 1400 ريال معبيه فل ..
هذا الكلام قبل كم سنه .. فاحتمال الاسعار تغيرت ..

هذا والله اعلم ..