تامين اتنا هل يشمل تنظيف الاسنان ( ابعاد التسوس ) ؟ ومن ثم سد الفراغات بين الاسنان
تامين اتنا هل يشمل تنظيف الاسنان ( ابعاد التسوس ) ؟ ومن ثم سد الفراغات بين الاسنان
تنبيه: هذا الموضوع قديم. تم طرحه قبل 4074 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " - اتصلت وماحولك احد ..!7 "
يحولوني على الكمبيوتر ..
مو المشكله إني ناسي بيانات الموقع اللي سجلتها فيها .. الايدي والباسورد ناسيها ..
بس الايميل نفسه ماغيرته .. ولما حاولت استرجع البيانات طلب مني رقم التأمين وانا ماعرفه ..
ارسلت للسبورت حقهم وليومك ذا ماشفت رد منهم ..
واللي فاقع كبدي صارلهم شهرين تقريبا يرسلون لي رساله لتجديد البطاقه الى بطاقتهم الجديده ام صوره !
كيف يبوني اجدد وانا ماقدرت لا استرجع بيانات الموقع ولا بيانات البطاقه ...
والله ماني عارف وش وضعهم بالضبط ..
بكره الصباح باحاول ادق عليهم عل وعسا احد يرد علي .. - تحديث ...!7 "
اخواني ابشركم دقيت عليهم على هذا الرقم 8002317729
وردوا علي ..
اعطوني الايدي حقي اللي مسجل فيه بالموقع وضبطت الوضع ..
وقالي بس ارفع صوره لك وراح تاخذ من يومين الى ثلاث ايام حتى يتم الموافقه عليها ..
اذا تم الموافقه عليها .. احسب من 7 الى 10 ايام .. وراح تكون بطاقتك الجديده ببريدك ..
واعطاني بعد رقم التأمين حقي .. قالي عادي استخدمه لين ماتجيك البطاقه ..
طبعا المعلومات اللي طلبها مني علشان يعطيني هذا كله هو بس رقم بطاقة الاحوال السعودية .!
والباقي اسأله يتاكد فيها من المعلومات مثل الاسم وتاريخ الميلاد والعنوان بس !
عطلة السبرينج باروح اتمشى بالمستشفيات هههههههههه
لا ناوي اسويلي موعد مع دكتورة الاسنان اللي عندنا ..
نشوف ضريساتنا وش صار عليها - اقلكم والله انه غالي !! 500 $7 "
وادفعها وانتظر لين انضم !! - والله ياخوك أنا أسناني حساسة وألم اللثة يضرب في قاع النخاح مع الاشياء البارده خصوصا7 "
والمعجون اللي أستخدمة سنسوداين لكن رحت للدكتور وداني معجون ثاني اسمه Lacalut
للأمانه للحين ماأستخدمته لكن دعواتكم -
7 " - أخوي لازم تعالج المشكلة من أساسها وهو أنه أكيد أن عندك decay في الأسنان7 "
طالما التأمين يغطي هذي الأشياء، شف عيادة ممتازة، ورح لهم
هم أصلا عارفين وش يغطي التأمين وويش ما يغطي
بمجرد تعطيهم الآي دي نمبر هم يطلعونه لك
ويشوفون كل شي
بعدها يسوون لك كشف
ويحددون وش تحتاج
ويسوون لك خطة علاج
إذا ما غطت الـ 5000 دولار
تقدر ترحل البقية للسنة الجاية - وليش تاخذ منهم التأمين وتدفع لهم هالمبلغ كله من حسابك الخاص ؟7 "
لا يابن الحلال ماتسوى عليك والله ..
اذا وصلت بالسلامه ان شاء الله .. شوف التأمين اللي بولاياتك .. بتحصل كذا شركه ...
شوف ارخصها وادخل فيها ..
واذا انضميت ان شاء الله .. وجاك التأمين حق الملحقيه ..
ارفع السماعه طال عمرك ودق على التأمين القديم وقلهم خلاص كنسلوا اشتراكي معكم !
وخلاص يصير التأمين القديم متكنسل والجديد ماشي ..
انا لما جيت على حسابي الخاص قبل سنوات سويت كذا .. ! - ههههههه انا حالة الصحية مااااااااااااااش وناوي ازور ucla ان شاء الله7 "
لان الاطباء اللي في السعودية والكويت عجزوا فيني واصلا كلنا نعرف ان الاطباء اللي عندنا كلهم ابووو كلللللب دلمبخ تجاريين - مشافا ان شاء الله ..7 "
لكن برضوه راح تكلف على نفسك اكثر ..!
لو رحت واخذت من Aetna تأمين شخصي .. راح تعامل مثل بقية الناس ..
بمعنى لو تروح للمستشفى تدفع حق الكشفيه وهم يتكفلون بالباقي ..
كل شركات التأمين بامريكا تمشي على نفس النظام .. الدفع فيك فيك ..
وهذي ترا كلها خطط عند جميع شركات التأمين بامريكا ..
فيه خطط تدفع فيها .. وفيه خطط اسميها م.م ( محمول مكفول) ..
الخطه اللي مشتركه الملحقيه معهم هي احد الخطط اللي مايدفع حامل التأمين شي !
والقيمه اللي تدفعها الملحقيه تختلف عن القيمه اللي راح تدفعها شخصيا للتأمين !
يعني خطة الفرد الواحد .. قيمتها تختلف عن خطة الشركات ..
فعلشان كذا قلت لك خذ لك تأمين مؤقت لحتى ماتنظم ... يعني بالنسبه لصحتك مو معقوله اول ماتجي بتروح وتفر بهالمستشفيات ..
بتاخذلك وقت على ماتتفرغ لنفسك وترتب نفسك للفحوصات ...
وتقدر تأجل هالفحوصات لحتى تنظم ويجيك التأمين .. يعني تراعي صحتك وتنتظر فتره بسيطه ليما يجيك التأمين ..
والله يشافيك وانا اخوك ويعطيك الصحه والعافيه يارب العالمين ..
ادخل على موقع أيتنا على صفحتك الشخصية
راح تلاقي Get an ID card
اخترها وراح تطلع لك بطاقة مؤقتة
فيها رقم الممبر شب حقك
اطبعها أو سجل الرقم
بعدين تواصل معهم من نفس صفحتك أنت
ادخل على نموذج المراسلة واختر أخرى
واكتب لهم سالفتك
راح يوصلك إيميل تأكيد استلام رسالتك
اصبر عليهم يوم يومين راح يردون عليك
وبعدها راح توصلك البطاقة
للمعلومية:
لازم يكون عنوانك في الملحقية مطابق تماما لعنوانك اللي مسجل عندهم.