"مبتعثـو الغفلـة"

مع احترامي للكاتب فلا اتفق في ما كتبه. نعم هناك شريحه ضئيلة من المبتعثين مقصرين ولكن هناك أيضاً شريحه من الموظفين مقصرين وشريحه من الأطباء مقصرين ونصابين وشريحه من رجال الأعمال فاسدين الخ.. التركيز على السلبيات فقط من غير ذكر الإيجابيات أسلوب جداً عقيم. يا ليت الكاتب المحترم يقابل المبتعثين في أمريكا ويشوف المبتعث السعودي إلى اي مرحلة وصل قي العلم والاجتهاد. أسلوب الكاتب يذكرني بالملحقيه مافي ولا مره يرسلوا ايميلات تشجيع او على الأقل رفع معنويات للطالب حتى للطالب المجتهد خاصة انوا الواحد في غربه ولكن ايميلات التهديد والوعيد فما أكثر منها.

اولا اسمح لي اشكر لك تهذيبك في النقاش هذا بحد ذاته نقطه تحسب لك
خليني اقول لك شغلة انا اعتقد والله اعلم انها السبب في كثرة المبتعثين على هـ التخصص
اولا : الوزارة ما شملته من ضمن تخصصات الابتعاث الا لـ الاحتياج له مثله مثل غيره علما بانه ادارة الاعمال ما يعتبر تخصص تطلع لك عليه بعثة وانما فقط التسويق
لكن مع ضعف التخطيط الاستراتيجي عندنا مو بس في وزارة التعليم العالي الا في كل الوزارات انهم تركوا باب الابتعاث مفتوح لـ الجميع من كل التخصصات ,, تفوقك في الدراسة
هو تذكرة خروجك لـ البعثة بـ غض النظر عن مؤهلك السابق ,, اللي صار انه معظم اللي تخصصاتهم مالها امتداد الوزارة دايركت تحولهم على التسويق و تتجاهل رغباتهم في دراسة تخصص
اخر حتى لو اخذ فيه مواد تكميلية و نجح بـ نسبة عالية تظل الوزارة ما تعترف فيه كـ شخص انهى درجة الماجستير او الدكتوراة على سبيل المثال
و بـ الفعل الاغلبية اللي يسافروا من السعودية يكونوا خارجين على اساس انهم تسويق ,, لكن كم شخص يا اخوي كمل في هـ التخصص ؟!
نسبة بسيطة هيه اللي ما تغير هـ التخصص الا اذا كان بـ الفعل التسويق امتداد لـ تخصصهم السابق اما الباقين فـ على طول يغيروا تخصصهم لـ اقرب تخصص متاح

هذا من ناحية
من ناحية انه اكثر المبزوطين هم من قسم ادارة الاعمال ,, انت و انا و الجميع يعرف انه الكلام هذا مش دقيق ,, في النهاية انت ما تعرف كل اللي جايبين العيد في امريكا و اكيد
ما تعرف ايش هيه تخصصاتهم ,, ممكن في اطار الناس اللي تعرفهم غالبيتهم تسويق او ادارة اعمال بس انه نقول في امريكا كاملة كل اللي جايبين العيد هم من هـ التخصص !!! مش صح

مشاهداتك ما تعتبر مقياس مثل ما مشاهداتي ما تعتبر مقياس
لانه لو رح اتكلم عن خبرتي الشخصية انا شفت طالبات من قسم الاحياء و قسم الكيمياء و بعضهم تخصصاتهم جدا دقيقة في هـ العلم و مع كذا جايبين ام ام ام العيد هنا !!!!!!!!!!
و على فكرة تراهم بـ الرغم من انهم عايشين حياتهم على البحري الا انهم شاطرات جدا في دراستهم كيف قدروا يوفقوا ما بين الدراسة و الفلة الغير منضبطة الله اعلم !!


اما من ناحية انه الدراسة ما تختلف ,, فـ يا اخوي الكريم
اذا الروضة في امريكا تختلف اختلاف جذري عن الروضة في السعودية ناهيك عن مراحل التعليم العام فـ ما بالك بـ التعليم الجامعي !!!
اتحدى شخص يقول انه ما لمس فرق كبير في التعليم السعودي و التعليم الامريكي ايا كان التخصص اللي يدرسه ,,
و لـ علمك شوف الازمة الاقتصادية مالها وقت كبير من يوم ما صارت و مع ذلك وحدة من البنات تخصصها ادارة اعمال تحكيني انهم درسوا عنها و عن اثارها
على السوق الدولية !!! الله اعلم بـ صدق الادمية من كذبها انما حبيت اجيب كلامها في معرض الحديث عن انه التعليم الامريكي يواكب كل الاحداث الجديدة و كل التقنيات
المعاصرة سواء على صعيد الاقسام العلمية او الاقسام النظرية

وانا قلت في اول رد لي على الموضوع انه ما احد يقدر يقول انه قسم اهم من قسم
يعني كلنا نعرف نتفه من قيمة هذا القسم او ذاك او نحجمه بـ الحجم اللي يناسبنا سواء عن طريق تضخيم اهميته او تصغيرها
لكن المسألة مسألة كلمة حق نقولها ,, بدل ما نصير نتكلم مجرد كلام نظري بعيد كل البعيد عن الواقع


اشكر لك متعة النقاش معك ,, و اختلافنا في الراي لا يفسد للود قضية