موظف ارامكو افكر في الاستقاله واطلع ادرس .. ادخل وقدم نصيحه او راي

الله يوفقك والمسلمين اجمعين ..

- - - مشاركة محدثة - - -

الله يوفقك والمسلمين اجمعين ..

واضح من كلامك أنك ما ودك بالشغل و معزم ع الدراسه ..

انا اشوف اذا انت مصمم ع الدراسه انك تختبر توفل او ايلتس في المملكه و اذا جبت الدرجه المطلوبه راح يكون عندك فرصه كبيره للحصول على قبول نهائي في اي جامعه ممتازه في امريكا ..

وبالتالي يسهل انضمامك للبرنامج ..

وفي حالة انك ما جبت الدرجه برضو راح تكون اكتسبت خبره و تجربه عن الاختبار ..

لا تزال صغير في العمر و شاب والمستقبل قدامك .. اختبر الايلتس او التوفل و قدم ع الجامعات و اول ما يجيك القبول قدم استقالتك و سافر..

و خصوصا انه تجربتك في ارامكو راح تكون دعم لك للقبول في الجامعات ..

نقطه: لي عم صارله اكثر من 25 سنه موظف في ارامكو .. الى يومك يا عزيزي نادم لأنه ما كمل دراسته ..

ربي يوفقك و يسهل امرك ..

يعطيكم العافيه ع الردود .. اخوي مهندس .. هذا السبب اللي يخليني اطلع .. انه بعد 10 سنين اخاف اقول ليتني طلعت كملت ورجعت .. لان الوضع من سئ الى اسوا ..

كثرت الواسطات فيها .. وانا وضعي فيها ماش بسبب مشكله حصلت لي مع الرئيس .. يعني اشوف نفسي بعد كم سنه مثل م انا ما تغيرت لا تطورت

الله يوفقك... بس اهم شي قبل ماتروح اختبر اختبار الايلتيس. ومن الان حضر نفسك لهذا الاختبار واشتر كتاب لتحضير الايليس اللي هو Campardge IELTS 6 أو 7 وكل يوم تدرب على هذا الاختبار اي بمعنى خذلك كل يوم اختبار يستغرق منك مايقارب الثلاث ساعات وياليت لو تحضر له قبل الاختبار بإسبوعين كل يوم تست ووقت الاوف خليها مرتين.

اسال الله ان يكتب لك الخير اينما كنت وان شاء الله ترجع لنا مهندس.

- - - مشاركة محدثة - - -

الله يوفقك... بس اهم شي قبل ماتروح اختبر اختبار الايلتيس. ومن الان حضر نفسك لهذا الاختبار واشتر كتاب لتحضير الايليس اللي هو Campardge IELTS 6 أو 7 وكل يوم تدرب على هذا الاختبار اي بمعنى خذلك كل يوم اختبار يستغرق منك مايقارب الثلاث ساعات وياليت لو تحضر له قبل الاختبار بإسبوعين كل يوم تست ووقت الاوف خليها مرتين.

اسال الله ان يكتب لك الخير اينما كنت وان شاء الله ترجع لنا مهندس.

انا بختصر لك
بحكم انك تبي تدرس بكالريوس فالامور سهالات
انا مهندس ميكانيكي وحاليا ادرس ماستر
القبول مو صعب للبكالريوس
150 الف تكفيك ان شالله ع بال ماتلتحق بالبعثة
شوف اخوياك وين درسوا وكم مدة الالتحاق اتوقع بعد ثلاث شهور اذا شافوك جيد بالدراسة ع طول يضمونك
اقصد حضور ودرجات وزي كذا
وياما ناس انضمت للبعثة وودك انك ترجعهم للسعودية
المهم ماعلينا

انت توكل على الله وشف لك ديرة حلوة وقدم اوراقك وزي كذا ولا تستقيل من العمل الا بعد ماتطلع الفيزا
وسافر واستانس وادرس وان شالله ترجع بشهادة مهندس

الامور تتسهل
فية جامعات او اغلب الجامعات تقول خلص اللغة وتدرس عندنا
اي شي تبية انا حاضر

يعطيك العافيه حبيبي نايف ..

والله لو تطير محد يعادلك الشهادة ذي
واذا ماعادلوها لك بلها واشرب مويتها
كان غيرك اشطر حاولت قبلك ومافي امل

الا بالواسطة تتعادل

انت لسى يالارامكاوي هههههه
انا رديت عليك اول واشوف كل شوي الموضوع يتحدث
ياابن الحلال خذها مني واطلع
قبلك ناس كثير لها سنوات طويلة بالشركات وإلى الان مكانك سر مع ان رواتبهم عالية بعض الشيء ولكن يحسون بالنقص في داخلهم
وناس مقربين لي اعرفهم نفس الحالة
توكل الله وكمل ولاتنسى انك شباب يعني الفترة اللي بتدرسها وترجع مهندس ومتعلم وبمكان مرموق افضل لك من 25 سنة بالشركة وانت مكانك سر
باختصار
الاربع او الخمس سنوات اللي بامريكا بتختصر لك 15 سنة من عمرك الوظيفي بالشركة

كل التوفيق

نصيحه لا تترك الوظيفه.. اللي يقولونلك اطلع ذولا ناس دوافير انتسب لاي جامعه بالسعوديه

مثل ماقالك الاغلب .. اضمن بعثتك وبعدها اطلع