طريقتك و طريقتي في شراء السيارة

يعطيك الف عافيه وبيض الله وجهك

طيب وش نصيحتك للي مايعرف كيف السيارة نظيفه او لا خصوصا اذا جيت افحصها بنفسي؟ هل الميكانيكيين والكمبيوتر يطلع لي جميع عيوبها؟

أبداً ,,
أهم شئ ما تكون ماشية كثير و لا تعرضت لحادث ..
و المحركات و المستوى العام لها يحدد لك الميكانيكي و يعطيك الأعطال القوية ( أن وجدت ) و تكلفتها و يعلمك هل السيارة بشكل عام جيدة أو لا ,,
(( لكن أنتبه لو قال لك البايع تعال نروح لميكانيكي أعرفه )) قل لا أنا بآخذ السيارة و بروح لواحد أعرفه ..
موفق بإذن الله ،،،

السلام عليكم

موضوع مفيد بخصوص السيارات

http://www.mbt3th.us/vb/forum82/thre...#axzz2M8i2ImQL

تحياتي

أشكرك جزيل الشكر أخي الكريم

ياليت تعطينا فكره طيب عن التايتل وأنواعه؟

وإذا ممكن تعرج على التأمين إذا عندك فكره فهذه أيضاً مهمة

ولك مني جزيل الشكر على جهودك لخدمة أخوانك

التايتل و أنواعه ما أفتيك فيه ، لكن فيصل 100 ما قصر جاب رابط فيه شرح وافي لعلك تقدر تآخذ المعلومة منه ,,

أما ما يخص التأمين : أنا نصبو علي شركة تأمين من أحد أخواااانا العرب الله يخليهم ):
نظام التأمين مثلاً في ميتشقن : اللي نصبو علي خذو مني 270 دولار دفعة أولى و 180 شهرياً ( طبعاً حجتهم أن هذي أول مرة أشتري فيها سيارة و ماعندي سجل أئتماني سابق و هذا طبيعي و هذي هي الأسعار و ماراح تلقى أرخص )
كلمت واحد من الشباب و دلني على شركة ثانية خذو مني 140 دفعة أولى و 84 دولار شهرياً ( شفت الفرق !! ) طبعاً أنا زدتهم 10 دولار و أمنت على الشقة من الحماس (:

ملاحظة :
- اللي أعمارهم تحت الـ 25 يكون تأمينهم أغلى طبعاً .. يعني بدلاً من 84 ممكن يكون 110 إلى 140 لكن أخوك في الله فوق الـ 25 وخذتها بـ 84 $ شهرياً .
- اللي عندهم مخالفات أو حوادث سابقة يرتفع عليهم التأمين .
- بعض الشركات ترفع السعر على حسب خطورة و مشاكل الحي اللي أنت ساكن فيه .
- بعض الشركات تسوي لك خصم لو علمتهم أن السيارة فيها نظام أنذار للسرقة .

نصيحة : لا تتوقف على شركة معينة ,, أبحث و سعَر على راحتك و قل للشركة اللي رايح لهم تراي أسعر و أبي أفضل سعر لأن الموظف له صلاحيات ينزل معك بالسعر .

أنا اشتريت من Carmax

صحيح الأسعار غالية، لكن السيارة تكون نظيفة وكل شيء عنها واضح وغير معدّل، ويعطونك ضمان عليها، وتلاقي السيارة مشيتها قليلة وتضمن إنها المشية الحقيقية.
وإذا لقيت سيارة في ولاية ثانية، يرسلونها لك لمدينتك مجانا إذا كانت قريبة، وإذا كانت بعيدة يرسلونها لك بمبلغ وقدره، وأنت تقرر هل تشتريها أو لا بعدما تجربها.


بالنسبة للتأمين:
أنصحكم يا إخوان اشتروا تأمين من الإنترنت من الشركات الكبرى المعروفة مثل Progressive
شركة كبيرة "دفيعة" بحيث إنك تضمن لو صار حادث أو شيء لا قدر الله
وتلاقي الأسعار أرخص بكثير من المكاتب والوكلاء النصابين خصوصا "العرب" للأسف.

أنا مؤمن عل سيارتي ب 275 لمدة ستة أشهر دفعتها مرة واحدة.
مع ملاحظة أني لما أمنت على السيارة ما كان عندي إلا الرخصة السعودية
ولو كان عندي الرخصة الأمريكية وقتها، كان السعر راح يكون أقل بكثير
وأيضاً لأنها أول مرة أسوي تأمين، فيكون السعر أغلى شوي

أيضاً
إذا كنت طالب دراسات عليا يكون السعر أرخص، ولو كنت بكلوريوس يكون أغلى.

تحياتي

يا سلام عليك ,, معلومات رائعة جداً ,, ألف شكر لمساهمتك (:

موضوع مميز بصراحه أهنيك عليه ..

نحتاج لمثل هذه المواضيع بصراحه ..



الأستاذ ابن بنت ال هليلة فضلا لا أمراً هل بالأمكان وضع موضوع خاص عن تجربتك في ( التأمين ) وشرح كلامك والخطوات بالتفصيل الممل ليكون مفيد للجميع ونستفيد منه ..

ولك كل الشكر مقدماً