مساعدة له دعوة في السر الى يفك حيرتيي

بالنسبة للجامعات فهذي قائمة بأسماء الجامعات الموصى بها

ط§ظ„ط¬ط§ظ…ط¹ط§طھ ط§ظ„ظ…ظˆطµظ‰ ط¨ظ‡ط§

بالنسبة للغة تقدر تخاطب المعهد اللي حاب تجيب منه قبول وتقدم لهم :
ضمان مالي من حسابك بالبنك او حساب الوالد انوه عندك فلوس تغطي تكاليف الدراسه
صورة من جواز سفرك

بالنسبة لمدة الالحاق فهي تختلف ناس انضموا وهم مازالوا في فترة اللغة وناس لازم تجيب قبول جامعي وترفع طلب انظمام

اما فيما يخص الولايات الرخيصة ممكن تختار جورجيا يوتا أوهايو

هذا اللي اقدر افيدك فيه بحكم اني للان ماسافرت ، وفقك الله لما فيه الخير

بيّض الله وجهك اخوي
طيب يمديني اقدم من الحين ؟
وش هي الطريقه اهم شئ تكون معترف فيها عند التعليم العالي صح ولا لا . ولا المعاهد مالها دخل عند التعليم العالي

- - - مشاركة محدثة - - -

بيّض الله وجهك اخوي
طيب يمديني اقدم من الحين ؟
وش هي الطريقه اهم شئ تكون معترف فيها عند التعليم العالي صح ولا لا . ولا المعاهد مالها دخل عند التعليم العالي

اخوي ، ترا كل هالامور سهله سهله سهله ، قسم بالله تخلصها كلها في شهـر بس

انت الحين خلص المدرسه وضروري ماتقدم ب شي الا معك الشهـاده الثنويه

اسمعني ، الطريقه الاولى
1: تروح لمكتب نصيحه والله ماياخذ الا 1500 وتريح راسك وتريح نفسك ( المكتب الي جربته انا أسمه تجسير الفكر )
تقوله ابي اروح ادرس ، وهو يعلمك وش مطلوب عليك : ضمان مالي جواز سفـر شهاده عنوان ، وحاجات سهله

تعطيها المعهد ، يجيك القبــول ان شاء الله تعالى في اسبوعين ونص ،

بعد القبــول ، يسوي لك المكتب حجز في السفـاره الامريكيه .. تروح لهم تطلب الفيزه ، وتدفع رسوم السيفيس + رسوم الهجره ، هذي لازم رسوم الهجره 200 دولار تقريباًَ حوالي 800
ورسوم السيفس تسدده من بنك سامبـا
تروح للسفاره ، تسوي مقابله معهم يسئلك اسئله عاديه مدري وش فايدتها اصلا ، ويقول لك تاشيرتك مقبوله ويقولك الموظف رح ل فيدكس وسدد له فلوس
تعطي فيدكس 70 ريال تقريبا ، وخلاص ثلاث ايام تجيك الفيــززه ان شاء الله وهذي امور سهله قسم بالله

الان في المرحله الي اسهل من الاولــى
لازم تحجز قبل رحلتك اقل شي ب شهر عشان تكون رخيصه
ونصيحه مني ، لاتروح لـ معهد غالي ولا معهد قوي ولا خرابيط
ترا قسم بالله كلها كلام فاضــي ، انت على حسابك ياخوك رح لـ معهد رخيص جداًَ بس اهم شي مفتوح من الملحقيـه
وطقطق دراسه وشد حيلك ، 4 ولا 5 ،÷ شهـور وباذن اللي ماتنام عينه الا انت ملتحق في البعثــه ، حاول تجي قبل رمضان بعـد

لاكن اهم شي تسوي طلب دراسه على الحساب الخاص ، وتخلص هذا من الريـاض ..
ثم لاجيت امريكا تفتح ملف ف الملحقيه والامور هذي كلها سهله ومنتدى مبتعدث موضحها توضيح كامل

دولك معاهد رخيصه ، وفي مدن كبار احسن لك لان الحياه ف القرى كئيبه وتجيب المرض وروتين غبي وممل
رح لك ديره كبيره ، واسكن جنب مسجد ترا والله المسجد يطور لغتك ويفيدك ، لان 90% من المصلين اجانب ويتكلمون انجليزي ولاشافوك تتكلم عربي يحبون يتكلمون معك

والله انا انصحك بـ سان دييغو ، لان فيها معاهد رخيصه جدا ، ولاكن الديره غاليه ، وكاليفورنيا معروفه غاليه مره فيها تقريبا 3 معاهد كل واحد ياخذ ، 350 دولار شهريا ، وهذا مناسب .. والسكن مع العوائل 800 ، ولا يتعداها
وتلقى عوائل ارخص والله ، انا ساكن مع عائله ب 450 دولار .. يعني ياذيبان ، مصروفك شهريا ، 2000 دولار ، سكن ومعيشه + ودراسه ، والله جدا جدا جدا مناسبه واقتصد على نفسك الين الله يفرجها عليك

والان الخطوه الاهم

ادع لي جزاك الله خير

بّيض الله وجهك اخوي
يعني الحين أريح نفسي؟؟
وانتظر الين بعد الثانوي ولا لازم تطلع نتيجه التحصيلي

طيب الله لايهينك تديني اسم كم معهد أسعارهم مناسبة+ اسم المدينه الي فيها المعهد
وانت الحين تدرس لغة ولا جامعه ؟؟
شكلك ناوي على إدارة اعمال وانا مثثثثثثلك
ممكن تكلمنا شوي على هالقسم.
جزاك الله الف خير
الله يوفقك ويحقق لك مرااااادك

الله يسهل امرك
موفق في مشورارك

آمين اخوي
جزاك الله كل خير