استفسار اسئلة واستفسارات مهمةةةة أرجوا منكم المساعدةة

تنبيه: هذا الموضوع قديم. تم طرحه قبل 4069 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

Nadeema
مبتعث جديد New Member

الولايات المتحدة الأمريكية
Nadeema , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى - , بجامعة -
-

-

أنثى
-, -

السعودية

Mar 2013
المزيدl
March 6th, 2013, 04:46 AM
March 6th, 2013, 04:46 AM

السلام علييكم ورحمه الله وبركاته
انا مرشحة وحضرت الملتقى وظروفي لا تسمح بالسفر الا في شهر 11 او 10 هجري
متى ابدا أراسل معاهد اللغة هل من الحين او ؟
ماهي افضل ولاية للدراسة من حيث الجو والاسعار وقوة الجامعات
مالافضل القبول المشروط او غير المشروط ؟
اخيرا ابي اغير محرمي من والدي لاخوي راسلت الوزارة ومافي رد للان ياليت لو احد عنده جواب يرد علي
شاكرة لكم تعاونكم
 المشاركة الأصلية كتبت بواسطة Nadeema

السلام علييكم ورحمه الله وبركاته
انا مرشحة وحضرت الملتقى وظروفي لا تسمح بالسفر الا في شهر 11 او 10 هجري
متى ابدا أراسل معاهد اللغة هل من الحين او ؟

عادي تبدئين تراسلينهم من اللحين و تقولين لهم ايش هو الشهر اللي تبين تنظمين فيه بالدراسه .. بعض المعاهد تشترط ان مايكون بعد سنه من تاريخ الدراسه فانتي في السليم هنا ..

ماهي افضل ولاية للدراسة من حيث الجو والاسعار وقوة الجامعات

كل الجامعات كويسه بس الجو انتي وش يناسبك تتحملين البرد و الثلج للركب خليك بالشمال .. تبين الدفا و برضو برد بس الثلج نادر خليك بالجنوب و انتي و تحملك و الاسعار برضو تختلف و كل ولايه لها مميزاتها وسيئاتها مستحيل تلاقين ولايه فل مارك .. تقدرين تستغنين عن اشياء مقابل مميزات
انا ولايتي جورجيا استغنيت عن الفله و الاماكن الترفيهيه مقابل الجو و الرخص ..

مالافضل القبول المشروط او غير المشروط ؟

الحين جيبو قبول معهد وبعدين لارحتي تفاهمي بالقبول المشروط و القبول الغير مشروط .. لان بنسبة 60% من الطلاب السعوديين ينقلون داخل الولايات بعد الانتهاء من مرحلة اللغه .. لان بذاك الوقت يكون كونتي خبره اكثر بالحياه الامريكية وطبيعة البلد

اخيرا ابي اغير محرمي من والدي لاخوي راسلت الوزارة ومافي رد للان ياليت لو احد عنده جواب يرد علي
انتظري الرد ماراح يتاخر كثير باذن الله بس اهم شي اوراقك كاملة من وكالة شرعية الى ورقة من الاحوال تثبت ان مرافقك متفرغ للدراسه .. و كل هالخرابيط اللي تلاقينها بالموقع تبع التعليم العالي .. او تقدرين تطلبي ارقام التواصل معهم و تدقي او باسوء الحالات يزورهم اخوك بالوكالة في الرياض ..

شاكرة لكم تعاونكم

بالتوفيق و اتمنى من العلي العظيم ان يسر لك ماتبتغين و يكتب لك كل خير
mazen h.
March 6th, 2013, 04:53 AM
7 "
السلام عليكم و رحمة الله وبركاته ،، الاخ مازن ما قصر ,,
بحكم أن معك وقت يخدمك .. حبيت أضيف ( من الأفضلية و ليس من الضرورة ) خلال هالأسبوعين تشوفين وين الجامعة اللي فيها تخصصك أولا ً و معترف فيها من الوزارة و تراسلينهم و إذا قبلوك راسلي أقرب وأفضل معهد في نفس المدينة اللي فيها جامعتك .

( بالنسبة لي ) ما أحب أني أدرس لغة مثلاً في متشقن و أنقل بعد سنة بعفشي وأغراضي لواشنطون علشاني أنقبلت هناك .
و بخصوص الولايات الثانية ما أفيتك عنها لكن اللي أقدر أفتيك فيه ولايتي ,, أخوك في الله ساكن في متشقن تحديداً في مدينة يبسلانتي و أهلها لطيفين و الأسعار تعتبر جيدة مقارنة بغيرها .
هي صغيرة و فيها جميع الخدمات ,, يعني ما راح ينقصك أي شئ كأنك في الرياض .
جوها جو دراسي و مافيها صخب و أزعاج المدن الكبيرة .. طبعاً المدن الكبيرة قريبة من عندنا و المدن كأنها أحياء و كأنك في الرياض و ما تحسين أنك منعزلة عن الناس .
في الصيف الجو رااائع و الخريف أروع و الشتاء بااااااارد .. لكن إذا صار معك سيارة ما راح تواجهين مشكلة كبيرة مع البرد لأن البيت و المعهد دفئ (:
أنا مقتنع و مرتاح فيها لطالما أن كل شئ عندي و ما عندهم عنصرية أو همجية بالعكس راقين و الذوق العام مرتفع .
لكن إذا عندك مشكلة مع البرد ولا تقدر تتحملينه أبداً لأسباب معينه .. فراجعي نفسك (:

و ممكن تزورين موضوعي هذا لعلك طلعين بنتيجة من بعض الردود :
http://www.mbt3th.us/vb/forum41/thre...#axzz2MjKl13XP
علي العمران
March 6th, 2013, 07:22 AM
7 "