خلصت الثانوية وأتمنى الدراسة في أمريكا ( ياليت مُساعدة الشباب في أمريكا )
بسم الله الرحمن الرحيم
السلام عليكم ورحمة الله و بركاته ،
شباب الله يخليكم أتمنى تطولوا بالكم عليّ في هالموضوع لأني لا أملك أي معلومات حول الدراسة في الخارج.
أنا خلصت الثالث ثانوي ، وَ أبسافر إلى أمريكا للدراسة بالجامعة.
إستفساري الأول - كيف أقدر أسافر ايش الخيارات الموجودة ؟
إستفساري الثاني - بالنسبة للفيزا ( دراسة ) كم بتكلف ؟ وكيف أقدر أطلعها ؟ وكم مدة الإقامة ؟ وهل بإمكاني تقديم طلب الحصول على الجنسية الأمريكية فيما بعد أو لازم فيزا أخرى ؟
إستفساري الثالث - لو حصلت ع الفيزا لازم أراسل الجامعة الّي أبيها قبل السفر ؟
وعمومًا كم بتكلفني الدراسة الجامعية في أمريكا تقريبًا ؟
بارك الله فيكم
رد: خلصت الثانوية وأتمنى الدراسة في أمريكا ( ياليت مُساعدة الشباب في أمريكا )
اذا تبي الفيزه لازم تحجز موعد في السفاره الأمريكي عشان يسون لك مقابله وعلى اثر المقابله هذي يحددون يعطونك الفيزه ولا لا !!
الموعد يتأخر شوي يعني تحجز اليوم ممكن تسوي المقابله بعد شهر شهرين تعتمد على حسب الزحمه بنسبه لإجراءات الفيزه اذا بتسويها عن طريق مكتب بياخذ مابين 1600 ر يال الى 2000 ريال شامله كل شيءلى واذا بتسويها بنفسك يعني تدخل الموقع حقهم وتعبي الإبلكيشن الي هو الاوراق المطلوبه + ا لى رسوم السفاره يعني 1200 الى 1300
المهم اذا سويت المقابله تجلس الفيزه وقت احياناً اسبوعين واحياناً شهرين ومن النادر انها تطول اكثر من كذا لكن ممكن تطول لكن في الغالب ماتطول اسبوعين وهي عندك .
اي لآزم تروح السفاره ومعاك قبول جامعه وقبول معهد افظل لك لإن فيزتك فيزة طالب الا اذا تبي تروح سياحه تختلف الاجراءات واهم شيء يطلبونه منك السفاره الضمان المالي الي هو اثبات من البنك بأنك انت او ابوك يملك رصيد كافي لدرستك وكل ماكان الرصيد عالي كل ماكانت فرصة حصولك على الفيزه اسهل ؟
اول شيء تسويه تجيب قبول من جامعه واو معهد عن طريق مكتب او بنفسك ومن ثم تقدم على السفاره وتحجز موعد وتسوي مقابله وبعدها تنتظر الفيزه وتتوكل على امريكا !
تكلفة الدراسه والمعيشه تختلف من ولايه الى ولايه في ولايات رخيصه وفيه ولايات غاليه وفيه نص ونص
اوهايو ومتشقن وانديانا واريغون واكلاهما وكنتااكي رخيصه مررررر ره ومعهدها وجامعاته كويسه وفي بعض جامعاتها تصنيفها ممتاز وقويه يعني 6 شهور بتكلفك بالكثير 60 الف ريال شيكاغو متوسطة الاسعار الى غاليه نييورك وكالفورنيا وفلوريدا غااااليه
اتمنى اني افدتك دعواتك
رد: خلصت الثانوية وأتمنى الدراسة في أمريكا ( ياليت مُساعدة الشباب في أمريكا )
والله ناوي تدرس وتطلع جنسيه ماشاء الله
ياخي وش لك بجنسيتهم ؟؟ والله ماتنفعك ب حاجه
ي الامريكي
رد: خلصت الثانوية وأتمنى الدراسة في أمريكا ( ياليت مُساعدة الشباب في أمريكا )
أخوي غربـ9 :
اقتباس:
اوهايو ومتشقن وانديانا واريغون واكلاهما وكنتااكي رخيصه مررررر ره ومعهدها وجامعاته كويسه وفي بعض جامعاتها تصنيفها ممتاز وقويه يعني 6 شهور بتكلفك بالكثير 60 الف ريال شيكاغو متوسطة الاسعار الى غاليه نييورك وكالفورنيا وفلوريدا غااااليه
هل هذه التكلفة تشمل سكن في الجامعة أو مافيه سكن إلا للأمريكان ؟
اقتباس:
اي لآزم تروح السفاره ومعاك قبول جامعه وقبول معهد افظل لك لإن فيزتك فيزة طالب الا اذا تبي تروح سياحه تختلف الاجراءات واهم شيء يطلبونه منك السفاره الضمان المالي الي هو اثبات من البنك بأنك انت او ابوك يملك رصيد كافي لدرستك وكل ماكان الرصيد عالي كل ماكانت فرصة حصولك على الفيزه اسهل ؟
طيب أخوي المكاتب الموجودة في الرياض بإمكانهم مراسلة المعهد الّي أطلبه أو الجامعة ويتابعون معاهم صحيح ؟
ياخي بارك الله فيك وأسأل الله ان يحقق أمنياتك.
أخوي أبيك : وما : أبيهم :
كل شخص وله ظروفه ، ولو ما احتاج الجنسية الأمريكية ما سألت عنها ، بعدين انا موب أمريكي ، الله يجزاك خير .
أتمنى المشاركة من البقية ، الّي يقدر يفيد ؟
رد: خلصت الثانوية وأتمنى الدراسة في أمريكا ( ياليت مُساعدة الشباب في أمريكا )
اخوي علشان تاخذ فيزة طالب لازم قبلها يكون عندك قبول معهد لغه على الاقل بعدها تبدا اجراءات الحصول على الفيزه تقدر تدرس على حسابك فتره معينه وبعدها تطلب الانظمام للبعثه الفتره تعتمد على امور كثيره انت ونشاطك . اما الحصول على الجنسيه الامريكيه فحاول تحصل على السيكيورتي سوشل نمبر وله عدة طرق لو وصلت هناك بيفهموك لان له عدة طرق . تكاليف الحصول على الفيزه هي رسوم السفار+ السيفيس
حاول تتصفح بالموقع هنا خبرات بعض الاعضاء راح تفيدك كثير والله يوفقك
