الأعضاء الإشتراك و التسجيل

الملتقيات
ADs

استفسار ارسل اغراض للسعوديه بالبريد الأمريكي !! مين جربها !!

استفسار ارسل اغراض للسعوديه بالبريد الأمريكي !! مين جربها !!


NOTICE

تنبيه: هذا الموضوع قديم. تم طرحه قبل 1784 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة hayway
    انا ارسلت اغراض قبل يمكن سنه والين الحين ماندري وينها عن طريق USPS
    وكل ماكلمتهم يقولون راح ندور لك

    نفسس الشيء اغراضي مرسلها من شهر ونص تقريباً ولي اسبوعين الى 3 اسابيع ادوام عندهم ابي اعرف وين الاغراض لكن كانوا يسألوني عن الفاتوره وللأسف ماهي معاي !! بعد شهر واسبوعين وصلت الاغراض للسعوديه بعد مافقدت الأمل

    نصيحتي للي يبي يرسل اغراظ عن طريق البريد الامريكي خاصه او عن طريق اي شركه احتفظ بالفاتوره أيضاً أمن على اغراظك عشان لو ضاعت يعوضونك عن قيمتها خصوصاً لاصارت الأغراظ غاليه بعد ذالك نام ورتاح
    7 "
  2. بالنسبه للشحن فالـ USPS هي ارخص طريقه للشحن الى السعودية ..
    طبعا مدة التسليم تعتمد على المكتب اللي استلم الشحنه في السعودية ..

    الشي اللي الناس تغفل عنه هو ان شركات الشحن لما تعطي وقت محدد للشحنه ..
    هذي المده تكون متقاربه على المده داخل الدولة .. (روتين) ..
    والشركه عليها انها تأمن الشحنه حتى توصل الى البريد السعودي ..
    من بعدها البريد السعودي هو اللي يكون مسؤول عن هذه الشحنه ..

    فتأخر استلام الشحنه او ضياعها داخل السعوديه .. يعتبر خطأ البريد السعودي نفسه ..
    وماهو كل الفروع تمشي على الوقت بالتحديد ..
    يعني يعتمد على الفرع اللي استلم الشحنه ..

    هذي نقطه ..,

    النقطه الثانيه . اللي هي البريد الممتاز ..
    لو كان الشخص عنده البريد الممتاز .. فراح توصله بكل سهوله ..
    لانه مشترك وبياناته كامله عندهم .. فتوصل لباب البيت ! ..

    بس لو ماعنده .. فإحتمال تضيع الشحنه !

    فيه ناس تشتكي وفيه ناس تمدح بالبريد السعودي ..
    وهذا بسبب كفائة الموظفين بكل منطقه تختلف .. وبسبب "البريد الممتاز" ما اذا مشترك او لا ! ..
    ومن المفترض انه سواء الواحد مسجل معهم او غير مسجل لابد الشحنه تكون موجوده ..

    ولكن البريد السعودي "اكشط واربح".. انت وحظك معهم ..!

    فلو ضاعت الشحنه او حصل فيها شيء .. هذا من خطأ البريد السعودي نفسه !
    والشركه المسؤوله عن هذا هي الـ USPS ..
    يعني لما تكلم الـ USPS .. هم يكلمون البريد السعودي ويتفاهمون معهم ..
    بس المشكله تاخذ وقت على مايلقون الشحنه ويتفاهمون مع البريد ..
    واحيانا اذا مو مأمن عليها خلاص انساها لان الـ USPS يقولون لك انت مو مأمن فما راح نقدر نعطيك تعويض !
    هذا الشيء الوحيد اللي يقدرون يسوونه الـ USPS .. اكثر من كذا لاتفكر انك تطالبهم ..
    وراح تلقا هالشيء بشروطهم ..

    بعكس الشركات الخاصه مثل FedEx و UPS .. هذي تقدر تطالبهم حتى لو ماعندك تأمين ..
    ومهما كانت المده .. راح يردون لك الشحنه لو ضاعت او تضررت ! .. (لانها شركات خاصه) ..
    علشان كذا دائما هي غاليه ..

    انا اعرف شخص سبق ونصحته بالفيديكس وطلعت عليه شوي غاليه لكن مضمونه باذن الله ..
    لان الشحنه كبيره ووزنها ثقيل .. مكثر اغراض يعني .. بس مع ذلك راح وارسلها بالـ USPS لانها ارخص .. وبعد اسبوع تقريبا او اقل وصلت الشحنه الى باب بيتهم !
    وهذا الكلام صارله عدة شهور ..

    فإذا الشخص اللي بترسله ماعنده بريد ممتاز .. أما انه يسجل بالبريد الممتاز أو ترسله عن طريق الـ Fedex ..

    الفيديكس انا شخصيا مجربها .. ولعدة بلدان والسعودية كانت اولها ...
    صحيح شوي غاليه .. لكن مضمونه باذن الله ووقت لايتجاوز السبع ايام !

    مشكلة الفيديكس ان اي شي ترسله للسعودية اقل من 15 باوند .. راح يكون تقريبا بـ 100$ ... تكلفة الشحنه كامله ..
    وطبعا السعر يزيد مع الوزن وحجم الشحنه ...

    يعني ممكن تكون شحنتك بفيديكس توصل 500$ دولار بالراحه .. بينما بـ USPS ماتتعدى الـ 200$ ... واقل من كذا بعد ..

    اما الـ UPS فهو اغلى من فيديكس بعد .. فما انصحك فيه بتاتا ..


    بالأخير الـ USPS هو حلك لو ماتبي تدفع اكثر من 200$ ... وغالبا ترا الاغراض توصل ..
    والـ FedEx هو حلك لو تبي ضمان على وصول الشحنه في اقرب وقت .. بس يكلف ضعف تكلفة الـ USPS ..


    هذا والله اعلم .,
    7 "
2 من 2 صفحة 2 من 2 12
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.