استفسار ارسل اغراض للسعوديه بالبريد الأمريكي !! مين جربها !!

أهلا أخي , أنا سبق وأرسلت عن طريق البريد الأمريكي ,
* البريد الأمريكي وسيلة ممتازة , وصلت في خلال اسبوع أو أقل . " بس هو أفضل طريقة ؟ ماادري بصراحه ما جرّبت غيره" بس اللي أعرفه ان فيديكس ويو بي إس وأرامكس أغلى بحكم أنها شركات خاصة".
* السعر كان 16 دولار الوزن كان أقل من كيلو.
* يجب أنك ترسله على بريد شخص في السعودية, فقط اذكر B.O BOX والرمز البريدي للمدينة , والمدينة , وأهم شي : جوال الشخص المُرسل إليه.
* أنصحك تروح أقرب مكتب واساله راح يفيدك أكثر.
الله يوفقنا واياكم لما يحبه ويرضاه.

مشكور اخوي بس ماعندنا بريد ولاعرف احد عنده بريد اقدر ارسله على عنوان فيدكس القريب من بيتنا !!

اهلن
اذا ما عندك بريد ولا احد معارفك او اصدقاء حتى لو موظف بشركة او مكتب يكون عندهم بريد
اذا ما عندك ابد ارسلها عن طريق فيديكس بتكون أغلى وأسرع
وفيديكس لمى توصل عندهم يتصلوا على رقم اللي انت حاطه ويقولوا له عن الاغراض عشان يستلمها
اما لو بترسلها عن طريق البريد الأمريكي العادي ما يوصل لفديكس
وفية بريد أسمة UPS هذا غالي وما فية إلا فرع واحد بالرياض اللي عو بطريق الملك فهد يعني مشوار وما يستأهل

مشكورين والله يعطيكم العافيه

قبل أسبوع تقريبا أرسلت تقريبا 3 باوند ب 60 دولار

بس أعتقد كل مايزيد الوزن تقل تكلفة الباوند لأني أرسلت قبل فترة حوالي 12 باوند ب 80 دولار

وصلت الإرسالية خلال أسبوع

بس إذا كنت غير مهتم بالوقت راح تصل خلال 20 يوم تقريبا والسعر راح يكون أقل


تقريبا أرسلت عن طريق البريد الأمريكي 5 مرات كلها وصلت سليمة والحمد لله بعضها مستعجلة وبعضها عادية


بس زي ما قال غربة البال أعتقد أنه يجب أن ترسله على بريد في السعودية ( تأكد منهم ممكن يكون الكلام خطأ)

بس لا تفكر ترسل بفدكس أو غيره أسعارهم ناااااااااااار

هلا بالفلته
الباوند كم كيلو !!!
انا افكر ارسلها على عنوان البريد السعودي الممتاز لإني توني مستقبل اغراض منه طبعاً بعد مايكلمونه اهلي ينفع ؟
ياليت تشرح لي اكثر وش تقصد كل مايقل الوزن تقل كلفة الباوند ؟

انا أرسلت أغراض وصلت بعد شهرين مستغرب كيف تقولون ٢٠ يوم . أن شالله انه صحيح يوفر كثير والله

عند اغراض تقريب ٣٠ باون ابي ارسلها جدة البريد الامريكا يخيرك في المدة ويوصلها السعودية فقط او يوصلها للعنوان تماما ً او UPS افضل محتار بين الاثنين اذا احد جرب هذا الوزن قبل ؟

انا ارسلت اغراض قبل يمكن سنه والين الحين ماندري وينها عن طريق USPS
وكل ماكلمتهم يقولون راح ندور لك