مساعدة مساعدة لتعليم اجنبي قراءة القرأن

اخوي فيه قران مترجم للغه الانجليزيه هذا مانصح فيه وعسى الله يسعدك لاكن هناك قران باللغه الانجليزيه ولو تبي ارسله لـك لـ ولايتك مافيه مشكله اكسب الاجر معاك

لاني بالسعوديه لاكن برسله لك عبر فيدكس لـ ولايتك عطني بيانات ولايتك واسمك وكل شي وبرسله فيديكس لك او عنوان يتم ارسال اليه الظرف

- - - مشاركة محدثة - - -

وبعد هذا موقع للقران الكريم ، الانجليـزي

http://www.dar-us-salam.com/TheNobleQuran/index.html

جزآك الله خيرأ والله يجعلهآ في ميزآن حسنآتك .. الحمد لله عنده قرأن مترجم واشياء زينه بالانقليزي المشكلة هو بيقرأء القران باللغة العربية بيتعلم وهي صعبه فهل هناك موقع او برنامج يساعدة ؟ هل ادرسه الحروف او اخليه يتبع واقراء ؟

تفضل خله يشتري الكتاب وان شاء الله يتعلم منه
https://pearlinksoftware.com/SecureO...actSalesAR.htm

انت صعب تعلمه لاكن الكتاب الي عطيتك هو ممتـاز جداً للي مايعرفون عربي والكتاب براضو يحدد مستواه وش يبي يتعلم من اللغه ووانت ساعده في شراء الكتاب في بعض الجمل العربيه التي لايعرفه والف شكر عزيزي ونحن بالخـدمه لـ كل شخص هنا يحتـاجنا وعسى الله يوفقنا ويوفقكم ويـانـا

بالعكس تقدر تعلمه بس بـ الاول لازم تعلمه الحروف العربية
بـ معنى تبدأ معاه تعليم اللغة من الصفر ,, و تدريب قراءة القران تقدر تقراه بـ الاول بعدين تصير تقراه كلمه كلمه
وهوه يعيد وراك و بعدين تطلب منه يحاول يقرأ لـ وحده و انت تصحح له الاخطاء
برضوه على اليوتيوب مقاطع كثيرة لمشايخ يقرأوا و نص القران مكتوب تحت رح تساعده كثير
تم

الله يجزاك خييرر .. اشكرك من كل قلبي على مساعدتك وعلى وقتك

الله يجزاك خير ويكثر من أمثالك
أشوف لو تبدأ معه بالسور القصيرة مثل المعوذات حتى إنه بيحفظها بسرعة لأنه بيصير يرددها دايم في الصباح والمساء وقبل النوم ، وأجرها كبير عند الله بإذن الله

طيب بعطيك نصيحتي ، أول شئ اعتبر هذا الرجال أخوك الصغير أو ولدك أبو أربع أو خمس سنين
فلازم تطول بالك عليه على الأخير لأنه لا يقرأ ولا يكتب فلازم تصبر عليه وحط في بالك إنه مستحيل يحفظ السورة كلها بيوم واحد
فمثلا الان تبي تحفظه سورة الإخلاص ( قل هو الله أحد ) ،
يصير بس تحفظه آيتين منها في اليوم كله ( فقط آيتين )
وانتبه لا تكثر عن آيتين حتى لو عندك وقت طويل أدري إنه يوم كامل بس برضه خله يرددها ( قل هو الله أحد * الله الصمد )

وثاني يوم راجعله واعطيه الآيتين الي بعدها وخله يرددها ويعيد ويزيد فيها يوم كامل
واليوم الي بعده يربط الايات مع بعض الايتين الاولى والايتين الاخيرة
يعني ثلاث أيام إن شاء الله وهو حافظها حتى إنت نفسيا بتحس بسعادة وبتستانس

أهم شئ لا تكثر آيات ، آيتين تكفي وإذا الآيه حروفها صعبة مثل الفلق يصير تكتفي بآية وحدة باليوم
يعني اتعب معه شوي والله أجر

المسألة يبيلها صبر هذا إذا بغيت الأجر من رب العالمين ويكفي إنك علمت مسلم كلام الله عز وجل
ما تدري قد إيش ربي يضاعف لك الحسنات ليوم القيامة
لأنه من العلم النافع إلي يستمر أجره لبعد الممات يعني صدقة جارية

على فكرة حبيت أفيدك لأن هذي طريقتي مع ولدي الله يحفظه ويخليه لي من كان عمره اربع سنين لا يعرف يقرأ ولا يكتب
وكنت في البداية أتضايق شوي وساعات أبطل أقوله خلاص موبلازم
لكن طولت بالي شوي والحمد لله حتى آية الكرسي حفظها وغيرها من السور القصيرة

بارك الله فيك وأثابك على كل حرف وضاعف لك حسناتك