عرض للطباعة
السلام عليكم
الحمدلله اولا واخرا
اخواني انا ادرس لغه حاليا وباقي لي 6 اشهر مع التمديد طلبت من جامعه قبول مشروط وطلبو مني ارسال الاوراق وارسلتها لهم
وارسلت لهم صورة من اختبار الايلس جايب 4 في الايلس بعد شهر ارسلو لي رساله يقولون مبروك تم قبولك في الجامعه والدراسه في اوغست وارسلو لي خطاب القبول ومعه الجدول
والخطاب غير مكتوب فيه مشروط احد يقولي ايش السالفه معقوله تصير مو مصدق
اول شي وش اسم الجامعه هذي ؟
وبعدين لازم تكلمهم وتشرح وظعك اخاف تروح عندهم ويقولون اسمك مو مسجل عندنا ،، ويمكن ارسلوها لك بالغلط !!
او شكلهم مشوها من عندهم منغير ما ينتبهون ،، ومبرووك عليك مقدما بس نصيحتي كلمهم واشرح لهم وظعك عشان يكونون في الصورة وما تنصدم اذا بديت تدرس عندهم ،، موفق والله يكتب لنا بعد قبول نهائي يارب
قد يكون بالفعل حصل هذا؛ لأن بعض الجامعات تكتب شيء في الموقع وتطبق شيء مغاير تماما.
أنا مرة كنت أرسال جامعة لأجل صديق لي، وكانت درجته 5.5 وشرط القسم 6.5، وبعد أيام أرسلوا لي قالوا إننا راح نرسل لك قبول
قمت أرسلت لهم: وش الشروط المطلوبة في القبول؟ قالوا لي: راح يصلك القبول ويكون موضح فيه كل شيء، انتظر يومين يجيك بريد.
وصل قبول الرجال على بريدي، ألاقيه قبول غير مشروط.
أنا بصراحة ما صدقت قمت أرسلت لهم قلت أبي أتأكد، قلت هل فيه خطأ وإلا شيء؟
قالوا لا حنا شفنا مؤهلاته الأكاديمية ممتازة، وما نبي نخسر مثل هالطالب ومدري إيش
الزبدة: أنهم يبون الطالب وما صدقوا يقدم عليهم؛ لأن البرنامج وقتها كان توه جديد، يدورون أي طلاب.
وعلى أية حال:
فيه شيء مهم تتأكد منه وهو، إنه إذا كان مو مكتوب أنه غير مشروط
أي أن القبول ما فيه شيء يوضح لا شرط وولا عدم وجود شرط، فلا بد تتأكد منهم
لأن عدم وجود "غير مشروط" لا تعني بالضرورة أنه عير مشروط.
وبالتوفيق،،،
الف مبرووووك تستأهل كل خير
ايش اسم الجامعة .... صاحبتي جابت 4 في الايلتس وتبغى قبول
أنا اقترح انوا لازم التأكد من مضمون الرساله واذا كان فيه خطأ لازم مراسله المعهد... وإذا كل شي تمام فألف مبروك وبالتوفيق ان شاء الله :)
اقتباس:
المشاركة الأصلية كتبت بواسطة حنان الراجحي
وش تخصص صاحبتك واي مدينة تبي صاحبتك
أنا برضوا ادور ع قبول دكتوراه.. معظم الجامعات خلص الددلاين، لكن ممكن اذا احد عنده اي معلومه يقول لي عن جامعات تقبل في فترات غير السنويه؟
ألف مبروك ، وفقك الله ويسر أمرك
ارسلت للجامعه اتاكد وقالو في خطا واعتذرو وقالو بنرسلك مشروط
الان النفسيه زفت وافكر ارفع قضيه تعويض نفسي لهذا الخطا من الجامعه الجامعه طالبه سبعه في الايلتس
وارسلت لي قبول نهائي بدرجة اربعه