لي شهر ونص في امريكا والى ماعرف اتكلم!!

يا رجل !! شهر و نص !!
فيه ناس كملوا السنة و ستة شهور من الوناسة و الفلة و بعدين لقيناهم هنا يولوا
باقي بدري جدا على اكتساب اللغة خاصة لو بديت من الصفر
لغتك حتى لو اتطورت ما رح تحس فيها ,, ما تنتبه لـ اللغة و اكتسابها الا بعد ما تقطع شوط كبير فيها
انا يا محاكيتك خلصت اللغة و دخلت الجامعة و مرات احس انه لغتي ما فرقت كثير عن اول يوم جيته بس لما اذاكر انتبه انه
صارت قرائتي اسرع ,, صار استماعي افضل داخل المحاضرات و هكذا
فلا تحبط نفسك بـ نفسك

اهم شيء لا تخلي وهم السعوديين يسيطر عليك ,, دام فيه سعوديين كثير يعني ما رح اتعلم
لانه لو انت في مكان ما فيه و لا سعودي و ما فهمت شيء ما رح تلاقي من يساعدك و يصير اكتساب اللغة اصعب
يعني لو تلاحظ معظم المعاهد تسمح للمستويات الاولى تبع المبتدئين باستخدام القاموس العادي انجليزي - عربي و ما يرفضوا استخدامه
الا لما تصير في مستويات متقدمة و بدلا منه يطلبوا منك استخدام قاموس انجليزي - انجليزي

اتعوذ من ابليس مالك الا شهر يعني بحول الله بعد السنة لو ظلت على طموحك هذا و اصرارك رح ترجع تقرا الموضوع و تقول يا ربي انا ايش كنت احس فيه
وقتها !!!!!!!!!!!!!

ولا تزعل نفسك ولا ترجع

يا عزيزي و حبيبي اقسم لك بالله انه 90% من المبتعثين من كل الدول مو السعوديه فقط التحدث عندهم مو مثل ما تتوقع من طالب اخذ شهاده من امريكا . كلنا كنا نتوقع نتكلم مثل الافلام بطلاقه جدا . وكل شخص كان يشجعنا يقول انت ما تدري عن نفسك كيف تطورت و كم تطورت ولكن قارن اليوم بالبارحه . اول يوم وصلت امريكا تقلب المنيو تدور العربي . والان تلقاك ما شاء الله تطلب بالتليفون .

اهم شيء تقرا تكتب تفهم وش تسمع من الشخص المتحدث امامك , حتى الاغاني تعتبر صعبه شوي و كثيرين ما يفكون كلماتها حتى لو خلص بعثته و تخرج و اخذ الشهاده لازم يقرا كلماتها عشان يعرف وش تقول الاغنيه .

هذي تجربتي و رؤيتي
تحياتي لك و للامام

طيب واذا ماقدرت تتكلم يعني خلاص ماراح تتعلم؟ ..
وانا اخوك الكلام ماهو شرط اساسي باللغه ..
اللي اساسي باللغه الفهم .. اذا انت تفهم كل كلمه تنقال حولك .. فهذا اهم من انك تتقن الكلام بطلاقه بدون ماتفهم وش قاعد تقول !

الفهم هو بداية الكلام .. ركز على استيعابك للمحادثات بكل اللهجات وكل الطرق سواء محادثات اكاديميه او محادثات عاميه او اي شيء ..
اهم شيء إنك تصل الى مرحله مهما كانت سرعة المتحدث .. إلا انك تكون متابع معه وفاهم كل كلمه يقولها ..
اذا وصلت لهالمرحله .. خلاص الكلام تلقائيا يطلع .. وهذا يجي مع الوقت ...

ولا تحط ببالك الا لازم تتكلم بطلاقه .. لا .. حط ببالك بس انك تبي تتكلم بطريقه مفهومه وسلسه حتى تنفهم فقط !
لانك اذا حاولت تتكلم بطلاقه راح تصعب الامر على نفسك ..
لكن اذا تركت الامر يأتي من تلقاء نفسه .. فالوضع راح يكون اسرع واسهل ..!


فلا تتعجل بالامور .. الصبر ثم الصبر ..

لن تتقن التحدث باللغة الانجليزية الا بعد ثلاث سنوات و اعرف شخص اتقنها في سنة طبعا يعتمد على الشخص
و مدى تقبله للغة و لكن في النهاية لغتك افضل و اشرف لغة بالعالم لغة القرآن الكريم

أنا أهنيك أنك بديت تشعر بوضعك من الحين رغم أن الوقت مبكر جداً
بعكس الإخوان اللي يلعبون لين ما باقي إلا شهر على انتهاء بعثته
ويجي يتباكى في المنتدى:
تفكووووون قبووووووووول سريييييييييع
ويدور القبول بالحلال والحرام، واللي جاء يجي

لكن:
ترى شهر ونص ما يمديك تسوي شيء
لو أن اللغة تكتسب في شهر، شهرين، ثلاثة
كانوا العالم كلهم يتكلمون مئات اللغات.


تحياتي وموفق بإذن الله،،،

Thank you guys i am really happy now i feel good ^^

اذا كانت المدة في الدراسة 6 شهور قليلة
اذا كان دراسة اللغة 4 شهور قليلة

فما بالك ب شهر ونص ؟؟؟

الاعضاء ماقصرو ماخلولي شي اقوله لكن عندي شي واحد ابقوله لك وانا متاكد انك بتنجح فيه

خذ اللغة بشكل تحدي(دون ضغظ نفسي) واثبت لنفسك انك راح تكسر العقدة الصديقة للسعوديين

وانا متأكد ان المشاركة في الكلاس لك 2 من 10 (مجرد حدس)

((( المشاركة في الكلاس وسيلة سريعة لكسر الحاجز بين الطالب واللغة )))

+++ نصيحة


لاتفكر بــ الرجوع لأن الكثير والكثير والكثير يتمنى انه يكون بمكانك ليثبت وجوده لارجع !!

فكر + هيئ نفسك + اجتهد +وقبل كل شي توكل على الله بكل م اوتيت من (يقين)

اسمع و انا اخوك
الموضوع واضح جداً جداً جداً
ركز على الجانب الايجابي في الموضوع وشيل فكرت كثرت السعوديين في كل مكان و البراكتس وووو
حاول تتعب على نفسك بتطوير مهاراتك بالتوازي القرأه و الكتابه و الاستماع
انصحك وبشده انك تقراء ثم تقراء ثم تقراء لأن القراءة تقويك في كل المهارات
وراح ترجع بعد فتره تقول والله فعلاً كنت غلطان .

الله يهديك بس شهر ونص هذي مدة ..!! تهين اللغة كذا

اقتباس:

---

المشاركة الأصلية كتبت بواسطة EBRAHIM21

الله يهديك بس شهر ونص هذي مدة ..!! تهين اللغة كذا

---

هههه حلوة تهين اللغة كذا
تذكرني بواحد من الشباب ممتاز وعقله نظيف ما شاء الله عليه
سافر لأمريكا مبتعث وما عنده من اللغة إلا اسمها
درس وخلص فترة اللغة وجاب 6.5 ما شاء الله عليه
وجاب قبول غير مشروط للماستر

رجع السعودية قبل الماجستير إجازة
ويقول اجتمعت مع أصدقائي اللي قبل البعثة
وكنت مشتاق لهم بعد مرور حوالي سنة وبضعة أشهر

يقول سهرنا مع بعض
ويقوم واحد يقول:
يا أخي لو أطلع صيفية على حسابي أدرس لغة في أمريكا
يمديني لو شديت حيلي وضغطت على نفسي أخلص اللغة في الصيف؟
ويقول المشكلة أنه يجاوب على نفسه يقول:
صدقني يمديني لو أضغط على نفسي

وبقية الشباب يدعمونه
يقول واحد لو تضغط على نفسك صح، أكيد يمديك

يقول: وأنا جالس أناظر كنت مستشار
وفجأة يجاوبون على أنفسهم بأنفسهم
وأنا كارف نفسي سنة وعليها لين جبت 6.5
وماني راضي عن مستواي في اللغة
ناهيك عن أني أدعي أني متقن اللغة