اللي يقدر يشور على اخوكم ويفيده يدخل

والله وانا اخوك اذا الوظيفه اللي انت فيها كويسه .. فماهو لازم تكمل دراستك برى وتفصل من وظيفتك ..
اما اذا وظيفتك مش ولا بد .. فابحث عن وظيفه ثانيه لعل وعسا تلقا وظيفه افضل ..

هذا اللي انا انصحك فيه قبل لا تطلع ..

اما عن الولايه فهي ولايه ممتازه لمن يريدون الدراسه .. يعني المعيشه فيها كويسه مره .. (لكن مافيها اماكن ترفيهيه كثيره ..)
لكن انت ماحددت في اي مدينه علشان اقدر افيدك اكثر ..
وللمعلوميه هذا معدل اسعار المعاهد عندهم .. قيمة المعهد اللي انت اخترته قيمه رخيصه مقارنة ببقية المعاهد بالولايه ...

فكر بالموضوع قبل تقرر .. واستخير ربك ..

والله يكتب لك اللي فيه الخير وانا اخوك ..

والله وانا اخوك اني مستحي اقول الوظيفه اللي شغال فيها هالحين مو تكبر على الوظيفه لكن يشتغلها حتى اللي عنده سادس ابتدائي
وبالنسبه للمدينه اعتقد اسمها رزوفييل وش رايك اخوي؟

يقولك المثل .. راعي البيت ادرى بحلاله ...

اما روسفيل .. فهي مدينه صغيره وممتازه للدراسه .. وهادئه جدا ..
وبينها وبين العاصمه ليتل روك تقريبا ساعه ..
لو كنت ناوي على الدراسه .. ابتدي فيها ..وباذن الله الامور تتيسر ..


ولا تنسى الاستخاره .. ثم الاستخاره ثم الاستخاره ..

الله يوفقك اخوي لكن سمعت ان المواصلات مافيه في روسفيل . هل فيتفل او ليتل روك افضل من ناحية المواصلات؟

المواصلات اللي متوفره بالولايه عموما هي الباصات والتكاسي ..
وهي متوفره بكل المدن ..

والفرق بس بان مدينه تلاقي فيها اكثر واقل من هالناحيه بحسب عدد السكان ..

لكن روسفيل مدينه صغيره .. وعلى حسب اللي سمعته من الشباب اللي فيها ان المواصلات شبهه معدومه فيها ..
واتوقع ان قصدهم قلة الباصات وعدم وجود قطارات ..

ابحث بالمنتدى عن مدينة روسفيل راح تلاقي كذا موضوع عنها .. اقرا ردود اللي ساكنين فيها اتذكر انهم تكلموا عن هالنقطه ..

صحيح كلامك المواصلات فيها شبه معدومه


ننتظر اي احد من الاخوان يرد ويعطينا ولايه ارخص اذا فيه وفيها مواصلات