استفسار مضيفة طيران

خلك دكتوره ياختي وش تبين بمظيفه يتامرون عليك بالطيره ولا واحد يجرحك بكلمه وتعرفين طيران دولي كلهم سكاره بالطياره وطيران سعودي مستحيل يوظقونك

وعليكم آلسلآم ورحمــة آلله وبركآته ..

وآلله مآدري عن أللي تفكري فيه .. لكــن أنآ أتكلم عن نفسي يعني لو إنتي من أهل بيتي أنآ مآ أرضــــى بهآلشي تسآفري لأسآبيع ولآ ندري بأي أرض إنتي !!
عمومآ ..
لجل أختصر عليكـ, مآفي وظآئف للسعوديآت إنه تكون مضيفه بجميع شركآت آلطيرآن .. وهذآ من وزآرة آلعمل.
وآلشي الأهـــم تخيلي تشتغلي بوظيفه ومآترضي أبوكـ وتعصيه لجل " مضيفه " !!


على فكرهـ أنآ مآدري إنتي كم عمركـ ..؟!
ولآ أدري عن مدى إطلآعكـ لسوق آلعمل ..؟!
وهل إنتي نظرتي للأسرهـ أللي إن شآء الله رح تكونيهآ إنتي وزوجكـ ..؟!
ورضآء أبوكـ هل هو مهم بآلدرجه الأولى بآلنسبه لكـ .؟!

صح نسيت أذكرلكـ شي بمآ إن رحلتي كآنت من دبي لسيآتل لمدة 18 سآعه ,, ترى آلمضيفآت 14 سآعه رآيحآت جآيآت ونزلنآ للمطآر وبقى طآقم آلطآئرهـ بأكمله ..
لأن عندهم رحله ثآنيه !!!!!!!

وبمآ إنكـ طلبتي آلحل .. فآلحل من وجــهة نظري :
خلي آلحلم هذآ على جنب, يآمآ نآس حلموآ إنهم طيآرين وأطبآء وكثير وكثير لكــن قدرة آلخآلق غيرت مسآر حيآتهم ..
أول شي إستخيري ..
وبعدين .. سوق آلعمل عندنآ يحتآج لتخصصآت كثير بروآتب أعلى تفوق وظيفـــة " مضيفه " !!
آلحلول كثير إذآ إنتي ببدآية عمركـ, آلتخصصآت أكثر ممآ تتخيلي, آلإبتعآث فرصه لكـ ولغيركـ إذآ إجتهد وحصل على معدل عآلي لجل يبتعث ..
آلعمل كـ " مضيفه " من وجهة نظري غير لآئق لكـ وبيعرضكـ لمضآيقآت كثير نآهيكـ عن سفركـ وتنقلكـ بدون محرم !!
في أمور كثير لآزم تفكري وتحسبيهآ ..
صحيح زدت بآلكلآم مع إني دخلت وكنت بكتب كلمتين لكــن فعلآ تخيلت هآلموقف وهآلفكير لو بيوم من الأيآم تفكر فيه وحدهـ من خوآتي ..
وقلت حرآم تضيعي مستقبلكـ بوظيفـــه مآيختلف عليهآ إثنين إن سلبيآتهآ أكثر من إيجيآبيآتهآ ..

بتقولي عني معقد ومآدري إيش وإنت وإنت هذآ شأن لكـ .. ولكـ آلحق تبدي رأيكـ ولكــن هذآ رأيي لأني تنقلت وإشتغلت بكذآ مكآن وصآر عندي درآيه بسوق آلعمل ..
ويآليت تتعمقي شوي لجل تعرفي عن آلحيآهـ آلعمليه للـ " مضيفه " ولجل تعرفي إيش يدور بمحيط عملهآ بشكل يومي ووين تسكن ووين تروح ومع مين ..
وأشيآء كثير لآزم تعرفيهآ, آلشغله مو ألبس على رآسي طرحه وألفهآ وأجلس أسحب عربيه طول يومي لجميع آلركآب !!


رأيي في آلوظيفه : لآ تنآسبكـ ولآ ترتقي لمستوآكـ آلفكري لأنه إن شآء الله فقط ينقصكـ تخطيط سليم للمستقبل وآلتعمق أكثر بآلتخصصآت .. ورح تنسي فكرة آلموضوع ..
وعلى فكرهـ ترى هذآ رأي خآص فيني وحبيت أبديه .. وأللي مؤيد للفكرهـ لآ يعآرض رأيي فقط يبديه بدون يتطرق لكلآمي ,,

تقبلي تحيآتي ..

تبغي الصراحة .. أنا ما أشوفها وظيفة تستحق حتى إنك تحلمي فيها .. راجعي نفسك وشوفي ..؟

مجرد إنك تقدمي للناس الضيافة .. يعني هذا الشي لا بيزيد من رصيد خبراتك ولا بينفعك بل إنه ضرره أكثر من نفعه خاصة وانتِ بنت!

يعني ممكن تتعرضي لمضايقات وممكن فعلاً تتأذي وراح بيكون احتكاكك بالرجال أكثر وهذا العالم جداً حيكون وقح وسيء بالنسبة لك .. فالوحدة تختار لنفسها أهداف تستحق إنها تسعى لأجلها

مثل إنك تكوني سيدة مجتمع ولكِ مكانتك وفارضة احترامك ع الجميع وهذا له ألف طريقة وطريقة ..

طبعا أنا ما أحتقر حلمك بس مو كل حلم بنحلم فيه معناتو ف الواقع شي كويس وحلو .. أحياناً الجمال ف الموضوع إنه تكون أحلامنا مجرد أحلام فقط .. نحلم فيها وبس

لإنه ممكن لما بيتحول لواقع بيصير وحش وبنكتشف إنه كل خططنا وتفكيرنا كان غلط ..

بعدين مش شرط تكوني دكتورة لازم .. ممكن تكوني تاجرة وممكن تكوني مقاولة .. مدرسة, أي شي ف الحياة يستحق له السعي ..


لذلك باختصار .. أنا ما بأيد الحلم .. ولا أشوفها فكرة ممتازة!

موفقة

احترم حلمك
حلوه حياة السفر وراح تكون صعبه يعني انا مثلاً فكرة اكون طيار <<<(مابقى تخصص يوم من الايام ماجا في بالي
نرجع لطيار راح تكون حلوه وانا مو مرتبط يعني بكرا اذا تزوجت كل اسبوع او اسبوعين راح تكون عندي رحله وراح اضايق اللي عايشين معي راح اكون بعيد عنهم بس بعد ممكن اطفش انا من كثر السفر (مع اني احب السفر ) بس غير اذا كان اجباري وشغلي
هذارائي في الموضوع


وعندي اقتراح ايش رايك في الفندقه (احس قريبه شوي من المضيفه)؟؟
وفي تخصص لها في الابتعاث


انا عاجبتني هذي الشغله يعني بعدين اذا قدرت اسويها في المستقبل البعيد راح اسوي فندق وراح اكون في قمة السعادة وانا اشرف عليه واديره (يعني هذا واحد من احلامي)
قلت اقولك الاقتراح ممكن افتح لك باب في تخصص اتوقع انه قريب من حلمك (بس اخاف تنافسيني في الفنادق


ويارب يوفقك في اللي راح تختارين

تحياتي : ولد هلتون

إذا بتتوظفين مع وزارة الصحة، فما ألومك تشوفين وظيفة المضيفة أحسن هههه
أمزح معك والله يوفقك.

الحقيقة التي يجب ان يتقبلها الجميع هي ان قائد الطيارة سواق والمضيفة شغاله

ولكنهم في الجو !!

احب الشطحات : ) ، يعجبني تفكيرك الاستثنائي ، ولكن قبل لاتفكرين من ناحيه وحده ، وبعد ماتقرين رد الاخ حروف متناثره بتمعن ، والي اتفق معاه بأمور كثيييير ، انتي الحين لسه صغيره ومابعد اقتحم حياتك اشياء مثل ( التعب الجسماني ، الزوج ، الاولاد ، البيت ....الخ) ، الحين بأوج طاقتك وحماسك ، وهي الوظيفه حماااااااااااااس بقوه ، بس بعدين بعد 10 سنوات 20 خلاااااص بتوصلين سن مافيك حيل سفر كل شوي ومايمديك توفقين بين بيتك واسرتك وعيالك بتوصلين تعبانه ومنهد حيلك وزوجك مروق ويبي حقوقه وعيالك فاضين ويبون حقوقهم وغير واجبانك الاجتماعيه ! ، بنفس الوقت مااقولك تنازلي عن حلمك ابداااا ، لاني من أكبر مؤيدين تحقيق الاحلام وان كانت شبه مستحيله ، مافي شي مستحيل بالنسبه لي ، بسسس لما تجين تقولين طبيبه او مضيفه ، بلا منازع طبيبه ( وظيفه راقيه ولها مكانتها الاجتماعيه ، استقرار ، راتب جيد يكفل لك حياة كريمه ) ، فـ الخلاصه / ادرسي طب وبعدين خذي دبلوم كمضيفة طيران ، وحاولي تحققين حلمك بس بكذا تكونين ضمنتي ان عندك اساس سليم يعيشك باقي الحياة لو اضطريتي ، وبنفس الوقت تجربين بنفسك وتشوفين الحال كيف

شوفي رح اكلمك من زاوية غييييييييييييييييييير
الحلم بحد ذاته حلو ,, ايا يكن و مهما كان اللي يحولك يحتقره او يستتفه !!
لكن فيه احلام نحلمها لـ مجرد اللذة و المتعة اللي تجينا من ورى انه نتخيل لو تصير حقيقية ,, و فيه احلام نسعى لانه نحققها
يعني لو تقول لي وحدة انا احلم انه يحبني ادمي ولد ناس و محترم و انا اصير احبه و نعيش غرام و انتقام ..... الخ ما رح اعتب عليها المسألة كلها حلم و خيال
لكن فيه فرق بين اني احلم بـ هالشيء و بين اني انفذه في الحقيقة
نفس النظام حلمك بـ مضيفة طيران ,, للاسف المجتمع عندنا ما يتقبلها و لا بـ اي شكل من الاشكال ,, بغض النظر عن انه سفرك كثير و غيابك اكثر و رزالة المسافرين و الكلام هذا كله
فيه بنات امتهنوا هـ الوظيفة و للاسف شوهوا سمعة كل اللي ينتمي لها من تصرفاتهم ,,
والدك مو موافق لانه ببساطة خايف عليك و قلبه عليك ,, يعرف المجتمع و نظرته ,, ما اقول لك ما رح تلاقي احد يتزوجك فمو نهاية الدنيا انه ما تتزوجي ,, لكن حتى لو انتي ماشية على الصراط
المستقيم رح يلوكوا الناس في سيرتك بناءا على احكامهم المسبقة ,, في النهاية انتي مش عايشة لوحدك في الدنيا و اكيد ما يرضيك انه اهلك ينأذوا في سمعتهم و عرضهم على خاطر وظيفة
و بعدين اذا انتي غاوية سفر ترى الطب يستلزم منك انه تسافري كثير و تحضري مؤتمرات و تطلعي تشوفي احدث التقنيات الطبية و فيه مجال انه تبدعي اكثر


*** ملحوظة بسيطة : بخصوص الاخ اللي قال انه المضيفة شغالة و الطيار سواق و هل تعتبر الخدامة و السواق مسبة او شيء الواحد يستحي منه ناس تجيب لقمة عيشها بـ شرف و كرامة
ما فيها عيب و لا حرام

أنت من جدك !
مضيفة !
يعني معليش ، عمرك شفت شاب سعودي يتمنى يصير .... مثلا .. سكرتير ! و لاّ كاشير ! و لاّ مندوب مبيعات !
الشغل مو عيب ، لكن العمل مضيف في خطوط طيران لا يمثل طموح أبدا
أختي ، خلي طموحك أعلى من كذا
ترى مب شرط إلا طب ، ترى الطموح العالي يمكن في أمور كثيرة .. القائمة كبيرة ، و لا يحضرني شي معين ... لكن على سبيل المثال أحد المواضيع - تو قريت العنوان - عن التصميم الداخلي ، هذا طموح ، إنه مثلا بنت تبي تتعلم كل مهارات و علوم هذا الفن حتى مستقبلا بإذن الله تكون لها شركة تصميم و ديكور و تصبح أشهر وحدة في السعودية !
هذا طموح .....
لكن مضيفة ! لا لا لا .. شوفي غيرها

وفقك الله لما يحب و يرضى