استفسار مضيفة طيران

ما يجوز بارك الله فيك فيه ما عندنا بنات يشتغلو مضيفات اكثر من خيار عندك مثلا دراسات اسلاميه في جامعه نوره الكل يمدح فيه

احس توك صغيره وما فكرتي بمستقبلك بالوظيفه.. فكرة انه تكونين كل يوم ببلد ممكن تكون انترستنق وشيء كل احد يتمناه.
لكن فكرة انه تكوني مظيفه ما احس انها فكرة كويسه.
اول شيء انا ما اتكلم ع اساس انه انتي بنت وانه اختلاط وانه وانه. لا،، انا اتكلم عن مستقبلك بالوظيفه. هل بتكون هي الوظيفه المناسبه في كل مراحل حياتك؟
طيب هل راح تلاقين وظيفه؟ هل يحتاجها سوق العمل؟؟
هل راح يكون فيه تطور بالوظيفه؟ ايش هو سن التقاعد للمضيفه؟
انتي تبغين وظيفه كويسه اكيد. والا ما اضطريتي للابتعاث.
لكن انه ابتعث واتبهذل عشان بعدين اتبهذل من دولة لدولة واخدم العالم

مضيفه ؟؟

بربك هل هاذي وظيفة تناسب امرأة مسلمة ؟

على اي خطوط ، ودك تتوظفين طال عمررك !!

ههههههههههههههههههههههههههههههههههههههه

الله يهديك بس

ياخوان علمتني الحياة بأن احترم رغبة كل شخص
ياخوان ترا البنت تتكلم بجد ومن كل قلب تعشق هذه المهنة والأحساس الي تحسه للمهنه هذي نفس احساسك وحبك لأي مهنه انت تحبها او اكثر لذالك احترموا وجهات النظر والأختلاف في الأذواق البنت تستمتع بالشغله هذي نفس ماتستمع انت بالشيء الي تحبه يعني لا تنظر وتقيس للشغله هذي بمنظورك انت اي نعم بنسبه لي مافظل اي قريبه لي تعمل المهنه هذي
لكن اذا هذي رغبتها وترتاح نفسياً بالعمل هذا بكل تأكيد راح دعمها وقف معاه وشجعها ياخي الحياه قصيره والناس اذواقهم تختلف واهم شيء الراحه الفسيه حتى لو اشتغل زبال وانا راضي ومرتاح نفسياً مافيه مشاكل العالم تدفع ملايين ومليارات عشان تشتري راحه نفسيه خلوووها تعيش حياتها مع العلم بأني صوت ضد العمل هذا لكن مو معناته اقلل او استهين فيه


ماقول لك ياختي الا هذي حياتك والقرار قرارك صلي صلاة استخاره قبل كل شيء

ياجماعة وش هالتفكير حلمك تشتغلين مظيفه !! (الحين يجي واحد يقول وش دخلكم ) الاخت طارحة مشكلتها وطالبة الرأي وماخاب من استشار . الشي الثاني في انسان عاقل يخير نفسه او يختار او يفكر بين ان يصير دكتور او شغاله تخدم على اللي يسوى واللي مايسوى ليل ونهار ؟؟؟ الحين يقول واحد حلم وش هالحلم ؟؟؟ الواحد يحلم يلف العالم معزز مكرم اسبوع في روما واسبوع في دبلن وعشر ايام في النمسا وهو مستمتع مع اصدقائه او زوجته او اهله (مخدوم مو خادم ) مو يحلم ان يشتغل شغاله عند الناس في الجو وفي الارض وارهاق وتعب في الاسبوع 7 ايام !! بعدين خلصت الاحلا م الوردية وجات الى اسوء وظيفه على وجه الارض !! (مظيفه ) !! مليون الف وظيفه وشغله حلوه سواء بالحكومة او خاصة او بالتجاره مافيها مذلة مثل هذي ...حنا شرنا عليك وانتي حره .

اشوف انها افضل نصيحة
يعني اللحين ادرسي رغبتك الثانيه الوظيفه اللي تحبين بعد المظيفه وبعدها خذي دبلوم كمضيفة
وحققي حلمك << يعني ممكن يكون الحلم خلاص وصلتي له وطاح اللي في راسك هذيك الساعه راح تحصلين عندك مجال ثاني تحبين وتتوظفين فيه

وبالتوفيق

أنت الحين لو جاتك أختك الصغيرة و لا بنتك و قالت هذا حلمي ، هل تقول لها أنت بكيفك و أنا احترم رغبتك إلى آخرة الكلام ، أم تنوّر لها الطريق و تعطيها من خبرتك في الحياة و تعلمها أن هذي ليست وظيفة حلم ليست وظيفة تستحق أن يحلم بها الإنسان ، تماما مثل وظيفة سكرتير و لا منسق إداري و لا مراسل و لا مندوب مبيعات ، هي كلها أعمال غير معيبة دام أنها في الحلال لكن هل هي وظايف يحلم بها الإنسان ، هل تمثل طموح ؟
إذا لا ليست طموح ، فدورك هنا هو التنوير و التوجيه

السلام عليكم ورحمة لله وبركاتة
اختي الفاضله ارجوا منكي ان تتقبلي رائيي لا انصحك بهذة الوظيفة اطلقا

سلبياتها اكثر من الايجابيات وشكرااا

المجتمع السعودي يحكم عليك ب اشياء غصب عنك ..

كاآ‘ن ودي اكون موسيقي .. لكن تعرفون كيف مجتمعنا ينبذ الموسيقى ..


على العموم ... مثل واحد يختصر الموضوع .. " تجري الرياح بما لا تشتهي السفن " ..

.. بالتوفيق