استفسار مضيفة طيران

خلك دكتوره ياختي وش تبين بمظيفه يتامرون عليك بالطيره ولا واحد يجرحك بكلمه وتعرفين طيران دولي كلهم سكاره بالطياره وطيران سعودي مستحيل يوظقونك

احترم حلمك
حلوه حياة السفر وراح تكون صعبه يعني انا مثلاً فكرة اكون طيار <<<(مابقى تخصص يوم من الايام ماجا في بالي
نرجع لطيار راح تكون حلوه وانا مو مرتبط يعني بكرا اذا تزوجت كل اسبوع او اسبوعين راح تكون عندي رحله وراح اضايق اللي عايشين معي راح اكون بعيد عنهم بس بعد ممكن اطفش انا من كثر السفر (مع اني احب السفر ) بس غير اذا كان اجباري وشغلي
هذارائي في الموضوع


وعندي اقتراح ايش رايك في الفندقه (احس قريبه شوي من المضيفه)؟؟
وفي تخصص لها في الابتعاث


انا عاجبتني هذي الشغله يعني بعدين اذا قدرت اسويها في المستقبل البعيد راح اسوي فندق وراح اكون في قمة السعادة وانا اشرف عليه واديره (يعني هذا واحد من احلامي)
قلت اقولك الاقتراح ممكن افتح لك باب في تخصص اتوقع انه قريب من حلمك (بس اخاف تنافسيني في الفنادق


ويارب يوفقك في اللي راح تختارين

تحياتي : ولد هلتون

الحقيقة التي يجب ان يتقبلها الجميع هي ان قائد الطيارة سواق والمضيفة شغاله

ولكنهم في الجو !!

احب الشطحات : ) ، يعجبني تفكيرك الاستثنائي ، ولكن قبل لاتفكرين من ناحيه وحده ، وبعد ماتقرين رد الاخ حروف متناثره بتمعن ، والي اتفق معاه بأمور كثيييير ، انتي الحين لسه صغيره ومابعد اقتحم حياتك اشياء مثل ( التعب الجسماني ، الزوج ، الاولاد ، البيت ....الخ) ، الحين بأوج طاقتك وحماسك ، وهي الوظيفه حماااااااااااااس بقوه ، بس بعدين بعد 10 سنوات 20 خلاااااص بتوصلين سن مافيك حيل سفر كل شوي ومايمديك توفقين بين بيتك واسرتك وعيالك بتوصلين تعبانه ومنهد حيلك وزوجك مروق ويبي حقوقه وعيالك فاضين ويبون حقوقهم وغير واجبانك الاجتماعيه ! ، بنفس الوقت مااقولك تنازلي عن حلمك ابداااا ، لاني من أكبر مؤيدين تحقيق الاحلام وان كانت شبه مستحيله ، مافي شي مستحيل بالنسبه لي ، بسسس لما تجين تقولين طبيبه او مضيفه ، بلا منازع طبيبه ( وظيفه راقيه ولها مكانتها الاجتماعيه ، استقرار ، راتب جيد يكفل لك حياة كريمه ) ، فـ الخلاصه / ادرسي طب وبعدين خذي دبلوم كمضيفة طيران ، وحاولي تحققين حلمك بس بكذا تكونين ضمنتي ان عندك اساس سليم يعيشك باقي الحياة لو اضطريتي ، وبنفس الوقت تجربين بنفسك وتشوفين الحال كيف

شوفي رح اكلمك من زاوية غييييييييييييييييييير
الحلم بحد ذاته حلو ,, ايا يكن و مهما كان اللي يحولك يحتقره او يستتفه !!
لكن فيه احلام نحلمها لـ مجرد اللذة و المتعة اللي تجينا من ورى انه نتخيل لو تصير حقيقية ,, و فيه احلام نسعى لانه نحققها
يعني لو تقول لي وحدة انا احلم انه يحبني ادمي ولد ناس و محترم و انا اصير احبه و نعيش غرام و انتقام ..... الخ ما رح اعتب عليها المسألة كلها حلم و خيال
لكن فيه فرق بين اني احلم بـ هالشيء و بين اني انفذه في الحقيقة
نفس النظام حلمك بـ مضيفة طيران ,, للاسف المجتمع عندنا ما يتقبلها و لا بـ اي شكل من الاشكال ,, بغض النظر عن انه سفرك كثير و غيابك اكثر و رزالة المسافرين و الكلام هذا كله
فيه بنات امتهنوا هـ الوظيفة و للاسف شوهوا سمعة كل اللي ينتمي لها من تصرفاتهم ,,
والدك مو موافق لانه ببساطة خايف عليك و قلبه عليك ,, يعرف المجتمع و نظرته ,, ما اقول لك ما رح تلاقي احد يتزوجك فمو نهاية الدنيا انه ما تتزوجي ,, لكن حتى لو انتي ماشية على الصراط
المستقيم رح يلوكوا الناس في سيرتك بناءا على احكامهم المسبقة ,, في النهاية انتي مش عايشة لوحدك في الدنيا و اكيد ما يرضيك انه اهلك ينأذوا في سمعتهم و عرضهم على خاطر وظيفة
و بعدين اذا انتي غاوية سفر ترى الطب يستلزم منك انه تسافري كثير و تحضري مؤتمرات و تطلعي تشوفي احدث التقنيات الطبية و فيه مجال انه تبدعي اكثر


*** ملحوظة بسيطة : بخصوص الاخ اللي قال انه المضيفة شغالة و الطيار سواق و هل تعتبر الخدامة و السواق مسبة او شيء الواحد يستحي منه ناس تجيب لقمة عيشها بـ شرف و كرامة
ما فيها عيب و لا حرام