LinkBack URL
About LinkBacks
انا انصحك انك تسويها بأمريكا او بألمانيا ، طبعاً
راح تقول وش السبب ، ولد عمتي النظر عنده تقدر
تقول ضعيف جداً لدرجة انه بالليل مايسوق سيارته
كثير وعمره توه شباب بالعشرينات ، وراح سوى
فحص نظر وقالوا له لازم تسوي عملية ليزك
( تشطيب ) ، طبعاً الكلام هذا بالكويت ، والدكتور
مصري ، وسال الدكتور عن نسبة نجاح العملية
قاله الدكتور لاتشيل هم النجاح مضمون ، وقال
ولد عمتي للدكتور لو رجع النظر ضعف مرة ثانية ،
تخيل وش قاله ( وماله نعملك تاني ) ، يعني يسوي
عملية مرة ثانية ، طبعاً ماإقتنع بالدكتور ( الجزار ) ،
سافر الى المانيا وراح عند بروفيسور الماني ، المهم
البروفيسور الالماني سوى كامل الفحوصات اللازمة ،
وقاله ماأقدر اسوي لك عملية تشطيب على طول ،
لأن جدار القرنية عندك فيه ثقب ضغير جداً لو
سويت لك عملية تشطيب على طول راح تنعمي ،
قال ولد عمتي للبروفيسور فيه دكتور مصري
بالكويت يقولي بس ناقصك عملية تشطيب واذا
مانفع نسويلك مرة ثانية ( نعملك تاني ) ، طبعاً
البروفيسور جته صدمه وقال هذا وين دوامه
بالضبط ، قاله في مستشفى حكومي بالكويت ،
قال البروفيسور لازم يتم فصل هذا الدكتور
لانه راح يسبب حالات عمى كثيرة ، وهذا اصلاً
ماهو دكتور بالأساس ، نرجع لموضوعنا
البروفيسور سوى موعد لولد عمتي وبعد كم يوم
جاه وسوى له عملية سد الثقب أولاً ، واعطاه
قطرات وقاله تجيني بعد اسبوع والله ماأدري
بالظبط المهم اعطاه موعد قريب ، وجاء ولد عمتي
على الموعد ، وسوى العملية ونجحت واعطاه
قطرات ، وقاله الحمدلله العملية نجحت مائة بالمائة ،
واعطاه موعد بعد كم شهر يجي على المانيا ،
للإطمئنان فقط لاأكثر ، واذا تبي اجيب لك رقم
البروفيسور الألماني انا حاضر ،
---------------------------------------------------
نجي للملكة الغالية والله يصلح شأنها ، واحد من
جماعتنا راح لمستشفى الملك خالد الجامعي ،
وسوى عملية تشطيب ، الله لايعيدها على كل مسلم
مو بتشطيب عيون شكله تشطيب عمارة سكنية ،
الرجال الحين وحده من عيونه وارمه والثانية النظر
ضعيف ، وكل موعد يجيهم اعطوه ابرة ، شكله
منزلين عليه مناقصة ( أبر) الضعيف ، انا انصحك اذا
بتسوي العملية سوها بأمريكا الملحقية راح
يساعدونك في التوجيه لأي مستشفى تروح ،
واذا تبي اجيب لك رقم البروفيسور الألماني
انا حاضر ، للمعلومية العملية كلفة على ولد عمتي
2000 يورو فقط ....
March 30th, 2013, 03:13 AM
السلام عليكم ، بالنسبة لمن أجرى عمليّة تصحيح النظر في أمريكا بكم تكلفة العمليّة ؟ لأنّي محتار أعملها في السعوديّة أو في أمريكا خصوصاً أنّي راح أدفع في كلا الحالتين لأنّ الملحقيّة ما راح تعوّضني و شكرا