عرض للطباعة
السلام عليكم ، أخواني انا قررت اطلع ادرس برا ، وقررت قبل لا اطلع أتزوج ( أدعو لي بالتوفيق ) سؤالي انا بروح امريكا انا وزوجتي ان شاء الله ، ابي تعطوني ولاية تكون يعني أمان + رخيصه + يهمني يكون فيها بحر + تكون الدراسة فيها سلسلة ويعني تميل للسهولة ، انتظر ردكم الله يجزاكم خير ..
كل طلباتك بكاليوفرنيا لكن مشكلتها غالية
يالغالي مستحيل تحصل الصفات هاذي مع بعض ومية بالمية مطابقة للي تبي كل ولاية ينقصها شيء أو يعيبها شي,, لكن تقدر تتأقلم وتتكيف مع ظروف أي مكان بطريقة أو أخرى,, فمثلا المدن الغير آمنة غالبا جرايمه بالليل تجنب طلعات الليل المتأخرة الأماكن المشبوه و المدن الغالية تخلي كل مقاضي بيتك عن طريق الوالمارت لأنه الأرخص تكلفه على مستوى أمريكا كاملة وسعره شبه موحد وتسكن في أحياء مو راقية وكذا راح تقلل مصاريفك تقريبا 30-40 بالمية ,, نصيحتي لك ركز على المدن اللي مرافقها العامة والتعليمية كويسه ومناسبه لميولك والأمور الثانية تقدر تلاقي حلول لهن مثل الغلى والأمان
والله ي اخوان اني مدري ومحتار ، اذا على الغلا م يهم ، يعني تكون المدينة موب غالية مره ، يعني يكون غلاها بالمعقول ، هذي م عندي مشكله فيها ، لكني محتار والله ناس تقولي اطلع ل اوهايو طيب اطلع ل اوهايو وبعدين ؟ اوهايو مدينه تتفرع منها ولايات اروح اي ولاية ؟ وناس تقولي رح ل سان دييغو ، وواحد امس قالي لا تفوت هايفن !! والله ي اخوان اني محتار ، ب الذات ان بتكون معي زوجتي ، لو لحالي موب مشكله ، ابي نصيحتكم وشوركم الله ييسر لكم امركم ..
اخوي انا انصحك تروح اورقن-كورفالس او مانموث المكان هناك حلو ومستوي المعيشه متوسط يعني مو غاليه مره انا عشت فيها سنه ونص
وعندك بعد ولايه كانسس انا سمعت انها مو غاليه مره وعندك ولايه مشغن
طبعا انت اختار المدينه علي حسب اذا عندك قبول جامعه وامورك اوكي توكل علي الله وروح هناك وراح تدعي لي
والله يوفقك
والله ي اخوان م ادري لكن عطوني نصيحتكم ب اختياري للمدينة و الولاية ، انا قررت اطلع ل ولاية كاليوفرنيا مدينة سان دييغو ، هل تنصحوني فيها ؟ هل هي امنة وجامعاتها ومعاهدها كويسه وهل هي تنفع للي معه زوجته او م تناسب وهل يوجد بها بحر ؟ افيدوني الله يجزاكم خير ..
ي جماعة كلمة ولو جبر خاطر :(
هلا اخوي تركي
كل شخص يتكلم عن زاويته فقط فقط فقط ..
لكن انت استخر وشف وش اللي تحسه مناسب لك و توكل على الله
لانه امريكا عالم ثاني وكل مكان له مميزات و سلبيات
الله يوفقك
اخ عبدالله ، م قصرت والله يعطيك العافيه وفالنا التوفيق كلنا ان شاء الله ، مشكور حبيبي ..