امامي خيارين في دراسة القانون ايهما اسلك ؟!

السلام عليكم ورحمة الله وبركاته
( بسم الله الرحمن الرحيم)

قد لا احسن صيغة الكلام ولكن اعذروني

كما هو موضح في العنوان انا ابغى رأيكم

انا شاب ادرس ثالث ثانوي في المدرسة السعودية في كوالالمبور ومخطط ادرس قانون وقارنت ما بين دراسة القانون في " ماليزيا" و " امريكا "

في ماليزيا : لدراسة القانون انت محتاج 5 الى 6 سنوات ( بكلريوس فقط )
من غير الماجستير والدكتوراه

في امريكا : ما فيه بكلرويس للقانون لكن فيه pre-law

وبعدها تقدر تكمل j.d ( حسب علمي انها دكتوراه علمية وتستغرق ثلاث سنوات )

ويعادلونها لك وتصير دكتور في القانون يا حبيبي

المشكلة هنا :-

1- هل كل ما ذكر اعلاه صحيح ( المقصود الدراسة في امريكا )
2- كم تستغرق دراسة pre-law
3- انا من وجهة نظري افضل الدراسة في امريكا لاني وبكل شفافية زهقت من ماليزيا رأيكم ؟!

محتااج دعمكم اخوكم المحامي الصغير ...#

مرحباً يامحامي المستقبل

انا جالس ابحث من قبل شهرين عن هذا الموضوع وتعبت ومازلت ابحث لان كل واحد يتكلم من راسه مو من تجربه

اولاً : بجاوب ع اسئلتك
نعم مافي بكالوريوس في امريكا للقانون بس فيه تمهيد للقانون اللي هو pre law او اشياء قريبة من تخصص القانون دراسات قانونيه وعدالة جنائيه ... وغيرها اشياء
والـpre law فيه سنتين وفي اربع سنوات واتوقع مو متأكد انه السنتين ممكن تأهلك تقدم ع الـjd
(بس انا بعد اللحين احاول اتأكد من هذي النقطة او ع الاقل هل راح يفضلون علي اللي معاه بكالوريوس؟)

اما بالنسبه للـ jd هي دكتوراه مهنيه مدتها ثلاث سنوات ومتطلباتها يكون معك شهادة قبل تقدم عليها مثل ماقلنا قبل وفيه اختبار lsat وتحضير له اتوقع يتطلب ثلاث شهور
(ومهم تكون درجاتك عاليه في الاختبار والشهاده اللي اخذتها قبل التقديم ) لان فيه تنافس ع القبول في هالدرجه حتى الامريكان يحاولون يدخلونها والجامعات ماتاخذ الا اعداد محدده من الطلاب اتوقع الاجانب وبعد الامريكان

واذا تخرجت منها تسمى دكتور هناك بس مو اكاديمي واذا حبيت تمارس العمل الاكاديمي عندهم تاخذ بعدها ماجستير ودكتوره اكاديميه (بس حسب المعلومات اللي قريتها انه قليل في امريكا اللي ياخذ اكاديمي يعني يكتفون بالـ jd ويمارسون القانون بأسم دكتور)
وللاسف واللي ممكن مايعجبك عندنا لا يعادلونها الوزارة بكااالوريوس وموجود هذا الكلام في موقع الوزارة (يعني راح تدرس ممكن 7 سنوات او 5 سنوات ويعادلونها بكالوريوس )

ثانياً:اللحين القرار لك اذا قررت ع امريكا راح اعطيك التفاصيل والمعلومات اللي وصلت لها لانه لخبطه شوي
وانا للحين احاول اتاكد واجمع المعلومات الصحيحه

بالتوفيق لك في اختيارك

J.d للأمريكان كاافية وتؤهلهم انهم يمارسون المحاماة او يشتغلو اكاديمي ويسمونهم بروفسورات
المشكلة ان الملحقية ما تعترف فيها لا كدكتوراه ولا حتى كماستر

قابلت واحد من الشباب قبل سنة تقريبا يقول انه يدرس بكالوريوس قانون بس والله ما اعرف عنه شي والمدينة اللي فيها الجامعة اسمها Kansas city

ربي يوفقكم وييسر لكم

الي فهمته الى الان اني من الممكن ادرس pre-law وبعدها LLM وبعدها دكتوراه وليس j.d

وتخرجت وقتها اذا عادلوا لي الشهادة هل تعادل على انها دكتوراه ؟!

اخوي lfjueohv

ارسلت لك رقم جوالي ليتك تكلمني على الواتس اب

وشكراً للجميع

​لا ماتقدر لان الـpre law ماياهلك تاخذ llm
والـ jd تعتبر اول درجة في القانون واتوقع ان الدراسات اللي تسبقها التمهيد وغيرها ماتاخذ عليها رخصة ممارسة قانون في امريكا بس مادري عندنا تاخذ عليها او لا بس ماتوقع

(القانون في امريكا يعتبر من الدراسات العليا لهذا ماتقدر تدخله ع طول بعد الثانوي اذا مامعك بكالوريوس اي تخصص او بكالويوس قانون من دوله ثانيه مثلاً او التمهيد للقانون اللي نتكلم عنه في
امريكا الـ pre law )

بس متى تاخذ الـ llm اللي هو ماجستير اذا درست مثلاً في اي دوله ثانيه بكالوريوس قانون او في السعوديه مثلاً قانون او شريعة مثل كثير قانونيين هنا في الملتقى وطالعين ابتعاث يدرسون هذي الدرجه
(وهي مخصصه لطلاب الاجانب في الجامعات الامريكيه )
وبعدها تقدر تقدم ع دكتوراه لها كذا اسم sjd او jsd هي دكتوراه في علوم القانون وفي تخصص معين الي تعادل p.h.d دكتوراه فلسفيه

الموضوع لخبطه مثل ماقلت لك بسبب المعادله
يعني الخلاصة انك

1- تدرس بكالوريوس قانون اي دوله او شريعة وبعدها تاخذ الـ llm وبعدها تاخذ sjd

2- تدرس بكالوريوس قانون اي دوله او شريعة وبعدها تاخذ الـ llm وبعدها اذا انت تحب تاخذ الـ jd ممكن تقدم ع الجامعة اللي اخذت منها الـ llm وممكن يقبلونك ويتنازلون عن شرط اختبار الالسات لان بعض
الطلاب يبي ياخذ الـ jd (اعرف هذي النقطة ممكن تكون مو واضحه بسبب انك تاخذ بكالوريوس بعدين تاخذ ماجستير بعدين تاخذ درجه اقل من الماجستير هي ليش كذا بسبب انه مثل ماقلت لك انه الـ llm مخصص لطلاب الاجانب يعني اللي عرفته انا والطريقة اللي يتبعونها الامريكان الثالثه

3-تدرس اي تخصص بكالوريوس يخطر ع بالك بس يفضل التخصصات القريبه من القانون او الفلسفيه او التاريخ ..وغيرها او تاخذ تمهيد للقانون pre law وبعدها تقدم ع الـ jd وبعدها
تقدم ع الـ sjd من دون ماتاخذ الـ llm

(المشكلة في هذي الخطوه انها مو واضحه مره بسبب المعادله وقبول الملحقيه لدراستك لانك راح تلخبطهم تاخذ بكالوريوس وبعدها بكالوريوس وبعدها دكتوراه او تاخذ تخصص مختلف في البكالوريوس
وبعدها تقدم ع الـ jd هل راح يقبلون انك تاخذ بكالوريوس مرتين او راح يقولون لك مو امتداد لتخصصك او ممكن يقولون لك وين الماجستير حقك ماخذ بكالوريوس ودكتوراه وجاي لنا )

اعرف اوجعت راااسك بس تراا انا للحين ابحث وهذ اللي توصلت له (يعني لحد يقرأ كلامي وخلااص يتااااااكد )
ومن ناحية الملحقيه مع انهم ماحد رد علي ماعدا د. سمر السقاف يعطيها العافيه حاولت تساعدني بس مالها دخل لان
هي مديرة البرامج الطبية

ورحت استفسرت من الوزارة وحسيت اني اول واحد يسئلهم لانه حتى هم ماوصلت لهم الفكره (ايش راح ادرس بالظبط) بس مبدأياً قال لي دكتور يعطيه العافيه انك اذا جبت قبولاتك راح يمشي موضوعك لان انا
سئلته هل لو رحت درست الـ pre law وممكن يكون سنتين او اربع سنوات وبعدها قدمت ع الـjd والوزارة تعادل هالدرجتين بكالوريوس قال انتا جيب قبول للـ pre law وورينا برنامجك قبل تطلع من هنا ونأكد لك
وسئلت ادارة المعادلات قال انه احنا مالنا دخل الا فقط نعادلك يعني تجي دارس ثمان سنوات راح نعادلك بكالوريوس
بس للأسف ماسئلته عن موضوع jd وبعدها sjd كيف راح يتعاملون معه

وفي طلاب يدرسون الان jd اللي شفتهم ثنين في الملتقى بس هم كان معهم بكالوريوس وقبلتهم الملحقيه وضمتهم

وفي تخصصات غير الـ pre law في موقع الوزاره اللي هي دراسات قانونية Legal Studies
بس ماعرف بالظبط ايش الفرق بينه وبين الـ pre law وراح اتأكد منها لاني بحاول ابحث عن قبول وبشوف

(اعتذر اذا راح يكون في اي خطاء في المعلومات اللي ذكرتها بس انا الى الان ابحث وهذ اللي توصلت له من خلال بحثي هنا في الملتقى او من مواقع ثانيه
عشان كذا اقول لاحد يعتمد ع كلامي ميه في الميه
وانشاءلله اذا فهمت الموضوع كامل ومتأكد منه راح اكتب موضوع هنا في الملتقى عن دراسة بكالوريوس القانون في امريكا)