"بخاخ" الدفااااع عن النفس !
السلام عليكم ......،
كيفكم ان شاء الله بخير
أمريكا وما ادراك ما امريكا <=الله يأخذهم كلهم .:*_*:.
كل واحد فينا محتمل انه يتعرض للخطر حتى لو بعز القايله :( صح ولا لا ؟
المهم انه من طرق الأمان الي اتبعها اني قبل لا اطلع أشيل بطاقه الصراف والجوال من الشنطه واحطها بجيب البنطلون
مادري ليه أسوي كذا :D بس قلت هه يعني لو احد هددني يأخذ شنطتي لين مافيها شئ الا مرايه وعطر وكم قرطاسه
------الزبده -------
سمعت من البنات عن بخاخ صغير بحجم كفه اليد ينحط بأقرب مكان ممكن يدك توصله بسرررعه
واذا جاك تكروني يستهبل بس اطلع البخاخ :gun: وأبخ وجهه ومادري وش يصير له تدمع عيونه مدري تحره عيونه
وانا أشوف كثير كثير امريكان خصوصا حقون الترينات والباصات يعلقون زي الميداليه بشناطهم وعليها زي علبه هالبخاخ وانا أناظر بس مدري وشي احسبها معقم يد مادريت انه سلاح <= مالت
السؤال الاول : ذا البخاخ وين ينباااااع ؟؟؟ ووش اسمه بالانقليزي ؟
وبس
رد: "بخاخ" الدفااااع عن النفس !
وعليكم السلام ورحمة الله وبركاته
اسم البخاخ pepper spray
ينباع في محلات الأسلحة واحيانا في بعض البقالات وأيضاً أون لاين
في أنواع ضعيفة وأنواع قوية منوا بحيث انوا إذا انبخ على المعتدي يسبب حرق خفيف في العين لمدة عشر دقايق واحيانا اكتر
نصيحتي لكي اشتري النوع الي يستخدموا الشرطة الأمريكية وإذا لكي رغبة باكتبلك اسم الموقع الي تشتري منوا.
بالتوفيق يا رب
رد: "بخاخ" الدفااااع عن النفس !
يعني تتوقعين الحرامي بيوقف قدام وجهك ويحتريك تطلعين البخاخ من الشنطه وتفتحين غطاه، وتقولين له بالله قرب وجهك؟
تعوذي من بليس بس واشتري لك مسدس مويه يمكن يكون افضل.;)
رد: "بخاخ" الدفااااع عن النفس !
هههههههههههههههههه ولد طموح ، هيفاء وربي انه صادق ، اول تقولي امي خذي معك البخاخ ، قلتلها قسم على هياطي دائما واني بسوي وبسوي ، لو صار الجد ، والله ان تطقني ام الركب ويطلع هو البخاخ من شنطتي ويبخه علي وانا مااستوعبت : ) ، الزبده ، احس هالشي احيانا يكون نقمه ضدك مو بصالحك ممكن تطلعينه ويسحبه منك ويستخدمه هو ، فشخصيا مكنسله الفكره ، ومقرره لو صار شي علطول احد رجلي
رد: "بخاخ" الدفااااع عن النفس !
اقتباس:
المشاركة الأصلية كتبت بواسطة JAY
لو صار الجد ، والله ان تطقني ام الركب ويطلع هو البخاخ من شنطتي ويبخه علي وانا مااستوعبت : )
هههههههههههههههههه ام الركب
كذا المفترض نشوف حل لام الركب قبل الحرامية,,,, لان اغلب الناس و منهم كثير من العيال مو بس بنات , يقول بسوي و بسوي و اول ما يجي عند الشي يجيه ذلك الشي,,,,, ام الركب هههههههههههههه
عاد ودي اشوف وجه هيفاء في الوقت الي تجيها ام الركب و هي تحاول تفتح علبة البخاخ :uhhuh:
رد: "بخاخ" الدفااااع عن النفس !
هههههههههههههههههههههههههههههههههههههههههههههههههه هههههههههه
مسسسدسسسس مووووويه اجل هههههههههه
والله عاد انا مب من النوع الي تجيه ام الركب وبسسس انا يجيني شلل رباااعي أوقف مكاني كني مغزوزه ببنج
:D
بس مابي مابي بجيبه يعني بجيبه لان حيانا تصير مواقف تحس انك خلاص منتهي ولا حولك فزعه
وانا ادري انه حتى لو كان معي واتعرض لموقف بنسسسسسى انه معي أساسا لكن خلاص انا وعدت نفسي أصير شجاعه وأدافع
تشكرااااتي mo asu ويالييت تحط الموقع مالي داعي أروح محل اسلحه ههههههه
رد: "بخاخ" الدفااااع عن النفس !
اقتباس:
المشاركة الأصلية كتبت بواسطة Radium
هههههههههههههههههه ام الركب
كذا المفترض نشوف حل لام الركب قبل الحرامية,,,, لان اغلب الناس و منهم كثير من العيال مو بس بنات , يقول بسوي و بسوي و اول ما يجي عند الشي يجيه ذلك الشي,,,,, ام الركب هههههههههههههه
عاد ودي اشوف وجه هيفاء في الوقت الي تجيها ام الركب و هي تحاول تفتح علبة البخاخ :uhhuh:
لا انا بصير ذكيه بخليه مفتوح ٢٤ ساعه للطوارئ هع
وبحطه بجيب الجاكيت وبخلي يدي عليه من اطلع لين أوصل
مخ ياحبيبي مخ
رد: "بخاخ" الدفااااع عن النفس !
ههههههه موضوعك يضحك الله يسعدك!
تخيلي الحرامي يقولك بسرعة طلعي بخاخك لاني بسرقك ههههه وينآ فيه!
قبل ماتطلعين من البيت قولي (اللهم أني استودعتك نفسي ) وربي هو خير الحافظين ..
رد: "بخاخ" الدفااااع عن النفس !
والله اذا تبغي الصدق انا اتفق معاهم ,, اساسا اول شيء رح يقوله لك ارفعي ايديك
فما بالك انه لسى رح تفتحي الشنطة و اذا كانت باك باق مصيبة متى يمديك تنزليها و تفتحيها و اذا هاند باق مصيبتين تقعدين سنة
تسبحين فيها تدورين على البخاخ
هذي من الحالات اللي يقولوا فيها الهريبة ثلثين المرجلة ,, يعني من الاخر اعطيه كل شيء و افقعي
اساسا ما عندك شيء تخافي عليه ,, فلوس ,, لا تشيلي معاك مبلغ كبير
بطايق ,, تتوقف بـ مكالمة تيليفون و تطلعي بدالها
جوالك يمكن هوه الشيء الوحيد اللي ينخاف عليه هوه او الاي باد ,, ولو انتي مطلعتها من امريكا برضوه ما فيه خوف يقدروا يتعقبوها من خلال
الرقم الخاص فيها
يعني من الاخر ,, حطي رجلك و اسلمي بـ نفسك
لا تنسي انه ممكن ترشي البخاخ في وجهه و تكون الفتحة حقته موجهه جهتك وقتها عز الله الا رحتي وطي ,, بيرجع عليك يهبدك لين تقولي لـ العنز يا قشطة
اتعوذي من ابليس و اذا طلعتي اقرأي الاذكار و استودعي الله نفسك و ما تملكين و ان شاء الله مو صاير لك الا كل خير
فم
رد: "بخاخ" الدفااااع عن النفس !
^^^
انا اطلع في عز الصبااح و اخاف مابالكم الليل و افكرت في هالبخاخ لوول
صح انا احب كارتيه او كونق فو دفاع عن النفس اقدر اتدرب عليها ولا مايصلح ابد لانه كل ماصار سرعة اليد سريعة كل ماتقدر تصيده زي بورس لي او جاكي شان لوول
الله يعين ويحفظنا يارب