دلوني على معهد رخيص بامريكــــــا

مرحبا اخووي

اول شي حدد كم المبلغ الي مجهزه للدراسه لان اسعار المعاهد تختلف
انا قبل يومين راسلت معهد وفي يوم واحد جاني القبول والايتوني على طول

بالنسبه للمعاهد لاتخاف القبول ماياخذ اكثر من اسبوع بس انت اول شي في اي ولايه ؟؟
انا معهدي في ولاية اوريقون مدينة بورتلاند الكل ينصح فيها لان لايوجد في ضرايب وتنفع الي رايح على حسابه

انت بس علمنا كم ميزانيتك لجل نعرف تختار لك معهد على حسب الميزانية ؟؟

وان شاء الله انا وجميع الاخوان هنا بنقدر نساعدك باذن الله

مـأتقصــر لآ انت والاخـوان الموجوديــن .. انـأ بعـد في السعـودية ونأوي ومعزم الرحيـل بأذن الله ,, ولاكن ابي الاستشأرة في الولاية المناسبة والمعهـد المنأسب حتـى اللتحق في البعثـة ان شاء الله .. الميزانيــة حدود50 إلي 55 الف ريال.

وش مشورتــك انت والاخـوان ..؟ بالنسبة للولايـة والمدينه والمعهــد .؟

حاب انصحك قبل لا تطلع .. لازم تجيب قبول مشروط من أي جامعه معتمده في امريكا .. لانك ما راح تنضم الا ومعك قبول مشروط .. فاذا كان معك قبول مشروط راح تتسهل امورك مع الملحقيه .. لكن لو ما معك راح تدرس على حسابك لما تجيب القبول الكامل .. فبما انك ما بعد تطلع دور لك قبول مشروط .. وبالنسبه لميزانيتك ومن خلال تجربتي هنا .. اذا توفقت في معهد رخيص ( 800 دولار شهريا تقريبا ) و توفقت في سكن مناسب (600 دولار مثلا) فبالاضافه لمصاريفك الثانيه راح يكفيك المبلغ هذا لتقريبا 6-8 شهور ..نصيحه ثانيه دور الولايات والمدن الرخيصه اوهايو على سبيل المثال او كنتاكي .. راح توفر كثير وحاول تسكن مع عايله عشان تشيل عنك مصاريف الاكل .. وبالتوفيق

فيه معهد في سان دييغو ب 350 في الشهر صحيح انه رخيص لكن يعاب عليه كثرة السعوديين يعني الكلاس فيه 18 طالب 2 اجانب و16 سعودي لكن ميزته الوحيده سعره رخيص

لو سمحت اخوي

هل القبول المشروط يتطلب ضمان مالي

واذا كان نعم كم المطلوب

بصراحة انصحك في مدينة سان دييقو او مدينة بورتلاند من وجهه نظري اشوفها الافضل
بتقولي ليه ؟؟ بقولك ليه

لان في معهد كنت ناوي اروح عليه في شيكاغو وفي الشهر ب 300 دولار يعني يابلااااااااااش بس يوم تأنيت شوي وانتبهت لعدة امور وهيا
اولا المنطقه الي فيها المعهد ي تلاقيها خراااااااابة او تكون في قرية مافيها الا 5 بيوت وتطق من الطفش ولا في احد غيرك يدرس البقيه شياب
ومن بعهدها صرت قبل لااختار المعهد اختار المدينة الي ابيها وبعدها اشوف المعاهد تبعها لان كثير يروحوا يبحثوا عن اسعار المعاهد قبل لاينتبهوا
بالمنطقه الي فيها المعهد وتلاقي اكثرها خرااابه وفرضنا نقول ربي حماك وماصار لك شي وعدت ال 4 شهور على خير وقتها لو اقولك كمل دراستك فيه بتكمل ؟؟

ماراح تكمل لان طول ذي الفتره وانت على اعصابك لين نقلت ولاتنسى ان اهم عوامل النجاح في الدراسة النفسيه والراحه النفسيه

انا شوفني مثلك باقي في السعودية بس لي تقريبا 6 شهور وانا ابحث لين جمعت اكبر معلومات عن كل المناطق بعدها قررت اروح ولاية اوريقون مدينة بورتلاند
لانها مدينة امنة جدا والامن الله ومدينة اكثر من رائعه والاسعار فيها مرره ممتازه واذا ميزانيتك على 50 الف ولو تقدر تخليها 60 الف بالكثير
وقتها تقدر تعيش وانت مرتاح وماتشيل هم انه ممكن ينقص عليك شي بس زودها 10 الاف واذا ماتقدر برضو ال50 تكفي بتقولي كيف ؟؟ بقولك ياصاحبي
بحسب لك الميزانيه على حسب معهدي لانه يعتبر ارخص معهد في بورتلاند وافضل معهد للي بيروح على حسابه وللمعلومية ارخص معهد بس في منطقة
ممتازه ومدينة بورتلاند تعتبر كلها ممتازه ولا فيها مشاكل ولا تحتاج سياره وشعبها ودوودين يعني تهرج مع الي تبي من غير السعودين ماشاء الله

1 / سعر المعهد في الشهر 825$ واذا دفعت حق 3 شهور مع بعض يطلع عليك بحدود 750 او اقل $ << تفكر صح تمشي صح
2 / بالنسبه للسكن اذا تبي شقه لحالك ب 900$ واذا تبي عائلة في 700$ وفي 600$ واذا تبي استديو الي هيا غرفه كبيره ومفتوحه على بعض
فيها حمام ومطبخ وسرير ب 800$ << انا باقي ماحجزت لي سكن بس هذي اسعارها وقاعد ابحث
3 / بالنسبه للمصروف الشهري حق مقاضي البيت يبيلك في الشهر بحدود 200 $ واذا انت ماتصرف يعني تمسك شوي على نفسك
يكفيك مصروفك الشهري بحدود 700 $

تعال نحسبها في الشهر كم تطلع عليك !!!
معهد 750 + سكن عائلة 700 + مصروفك الشخصي 700 + 100 دولار تبع جوال ونت = 2250 $ دولار تقريبا 8500 ريال
8500 ريال ضرب 6 شهور = 50000 الف ريال <<< معليش دورت على علامة الضرب ومالقيتها فكتبت ضرب خخخخخخخخ
هذي حسبه 6 شهور في بورتلاند واذا وفرت في المصروف توفر اكثر ويبقى معك اكثر يعني يعتمد عليك
ولاتنسى انك اذا سكنت مع عائلة بيقل عليك المصروف لان اكلك وشربك كله من عندهم
وهذي حسبه 6 شهور والملحقيه باذن الله حدها 4 شهور وتنضم اذا طلباتك كاملة بس زدناها شهرين تعرف ممكن ياخروا ربعنا في الانضمام
واهم شي تجيب قبول جامعي مشروط وقبول معهد وان شاء الله تنظم وقتها

وبالنسبه للمعهد اسمه Portland English Language Academy

وبالنسبه للجامعات يالغالي اكيد يبيلها كشف حساب وليس ضمان مالي
لان الضمان المالي يحجز فلوسك في البنك وكثير غلطوا في ذي النقطه انتبه !!!!!!

انت خذ كشف حساب حق 3 شهور وبعدها قدم زي ماتبي وانتبه بعض الجامعات تلاقي مكتوب في شروطها يطلبوا
كشف حساب عالي شوي ممكن حوالي ال 100 الف وبعضهم كشف حساب فوق 50 الف ويكتفي
كل جامعه وشروطها

ودعواااتك ان ربي يسهل اموري وانا حبيت اعطيك كل المعلومات لجل تحسبها على مهلك واذا تبي شي
اسال ولايردك الا لسانك كلنا اخوان ونساعد بعضنا
وبالتوفيق اخوووووي وعقبال ماتبشرنا بحجزك وانضمامك للحكومة

^^

اوريقون مو مقفله كلها !!! اول ولاية قفلت هي !!

سلام عليكم ..اخخوي انا في معهد قوي جدا ورخيص نظامة دراسة 4 شهور تكلفتها 2400 دولار لو تحسبها على كل شهر يطلع 600 دولار شهريا ..الولاية رخيصة وحلوة ماهي مثل الولاياة الثانيه بس احسن من غيرها ..
طبعا المعهد تابع لديانة (المورمن) هذا الشي اللي مخربةة . وياليت تقرا عن الديانة هذي اذا ناوي تجي ..
بعطيك الاشياء اللي تعيبة
اول شي اذا انت مبتلي ب الدخان ممنوع شي اسمه تدخين يعني لو يشوفك مدرس تدخن في واشنطن فصلوك من المعهد << لةة سوابق في الشي ذاا .
ثاني شي وهذا اللي مستغرب منةة اللحية تحلقها ممنوع عوارض ,خليجي , سكسوكة شغلات السعوديه .. الى اذا بتروح لمدير المعهد وتقول انا عندي سبب ديني م احلق الحيةة هذا شي ثاني ..
شديد المعهد في الحظور والواجبات .. محسوبك ماكل تبن .
يعني هذي اهم الاشياء اللي تعيبة ..
المعهد مراا حلو من ناحية الدراسة
طبعا المعهد هذا حاليا مافي الى2 سعوديين انا وخوويي بس ..

انا انصحك تدرس فيه 4 اشهر دامك على حسابك وبعدها تنقل منه في معهد ثاني حلو وفيه سعوديين كثير في نفس المدينة ..

والله يوفقك وييسرلك ..

السؤال هذا صعب على صاحب الموضوع ( أتكلم عموما )
لكن الأسهل هو السؤال الموجه للقارئ ، أرخص معهد و أرخص مكان ، و
القارئ - الذي يفترض أنه طالب في أمريكا أو شخص بحث و سأل من مصادر معروفة - يستطيع الإدلاء بما يعرف
أما صاحب الموضوع ( عموما ) فعادة لا يستطيع تحديد الميزانية قبل أن يجمع بعض المعلومات ، لأن الميزانية قد تكون متوفرة الآن ، لكن إذا اضطر الأمر قد يزيدها بالسلف أو ببيع سيارة أو بأي طريقة ، و كل هذا لا يمكن تحديده إلا بعد الاستطلاع الأولي لمعرفة التكاليف