حديت الزواج و أحناج الخطوات بالتقصيل لإنضمام زوجتي
السلام عليكم ورحمة الله وبركاته
أنا مبتعث و جامعي و لله الحمد و تفضل الله علي بأني تزوجت , أتمنى من الإخوان الأعزاء إنهم يرشدوني بعمل الخطوات الازمة اللي أسويها عشان اضيف زوجتي كمرافقة بفيزا F2
جزاكم الله خير
رد: حديت الزواج و أحناج الخطوات بالتقصيل لإنضمام زوجتي
وعليكم السلام ورحمة الله وبركاته
مبروك مقدماً عقبال ماتشوف عيالك متزوجين
الصراحه ما اعرف كيف و راح تاخذ وقت طويل لحد مايضمونها لك اذكر واحد كان يدرس معي قعد تيرم كامل لحد ماضموا زوجته كمرافقه
لكن تقدر عن طريق البوابه تطلب استفسار وتكتب فيه اللي تبي ويردون عليك وانت تسوي المطلوب بالرد
والله يكتب لك اللي فيه خير
رد: حديت الزواج و أحناج الخطوات بالتقصيل لإنضمام زوجتي
اولا تطلب لها اي توني من الجامعة وطلبه عن طريق الانترناشونال اوفيس وتوضح انك بتجيبها كمرافقه لك
ثانيا تاخذ موعد في السفارة و تروح للموعد حقها بالايتوني اللي طلبته لها
ثالثا اذا وصلت امريكا ترفع طلب اضافة مرافق عن طريق البوابة و بس
- - - مشاركة محدثة - - -
اولا تطلب لها اي توني من الجامعة وطلبه عن طريق الانترناشونال اوفيس وتوضح انك بتجيبها كمرافقه لك
ثانيا تاخذ موعد في السفارة و تروح للموعد حقها بالايتوني اللي طلبته لها
ثالثا اذا وصلت امريكا ترفع طلب اضافة مرافق عن طريق البوابة و بس
رد: حديت الزواج و أحناج الخطوات بالتقصيل لإنضمام زوجتي
هذي افضل لك:
1- تطلب إي توني لها عن طريق مكتب الانترنشونال بالجامعة او من مكتب المعهد الي تدرس فيه.
2- تطبع من البوابة هذي الورقة والي راح تثبت للسفارة الامريكية بالسعودية ان حكومتك راح تتكفل بمصاريفك ومصاريف من تعيلهم ( زوجتك وابنائك وكذا ) بهذا الملف ماراح يذكرون اسم زوجتك لاكن راح يكون موضح بان الحكومة تتكفل بمصاريف المرافقين وهذي الورقة كافيه. ( سفير ---> الخدمات الشخصية ---> طلب تعريف ---> نوع التعريف: تجديد تأشيرة. طريقة الاستلام: البريد الالكتروني. مدينة اصدار الفيزا : حسب المكان الي راح تقدم فيه ع الفيزا لزوجتك. الجهه الطالبه للتعريف : اكتب اسم السفارة الامريكية. السبب: اكتب هنا انها لزوجتك. بعدها اضغط ع معاينة وراح يطلع لك التعريف فيه اسمك ومذكوره فيه هذي الجملة.
((The scholarship provides the student and all accompanying dependants with a monthly stipendfor living expenses,))
هذي الجملة تكفي السفارة انهم يعطون زوجتك فيزا اف تو بدون ضمان مالي شخصي(بنكي).
3- تقدم ع فيزا اف 2 , وتروح زوجتك معاها الاوراق المطلوبه.
4- اذا وصلت الفيزا بالسلامة ان شاءالله , ترسل احد من اقاربك لمقر الابتعاث بالرياض في حي الغدير معاه ( صورة من جواز + صورة من جوازها + صور الفيز + بطاقة العائلة "الي تثبت ان فلانه زوجتك" ). وهم راح يضيفونها تحت اسمك + يعطونها تذكره مجانيه ذهاب لأمريكا او لمقر ابتعاثك.
5- التذكره : يقدر يصرفها عن طريق مكتب الطيار وحسب ماسمعت انه قريب مره من مكتب الابتعاث او بجانبه.
موفق , وتوصل ام العيال بالسلامة واتمنى لك حياه زوجيه سعيده يارب.
دعواتك وهذي من وجهة نظري افضل طريقة تسويها عشان توفر عليك مبلغ السفر, صحيح طويلة وشغله بس تستاهل ام العيال.
بعد ماتوصل الزوجه لامريكا بالسلامة, ترفع طلب اضافة مرافق وترفع صورة من جوازها + صورة من كرت الدخول اي94 وصورة من الفيزا + الاي توني بالبوابة خلال يومين إلى 4 ايام يتم اضافته وراح ينزل الراتب باذن الله معه زيادة المرافق.
بالتوفيق, اتمنى وفقت في توصيل المعلومة لك. واي استفسار لا تتردد راسلني خاص.
رد: حديت الزواج و أحناج الخطوات بالتقصيل لإنضمام زوجتي
أسأل الله رب العرش لعظيم أن ييسر أموركم و يفرج همومكم و يجزاكم خير و يجزاكم ربي الفردوس الأعلى
الله يسعدكم يا رب فرجتوا همي الله يفرج همومكم.