تغيير المعهد بعد مقابلة السفارة ـ وقبل السفر لأمريكا ! ـ أرجو المساعدة ~

.








السلام عليكم ورحمة الله ~

إنا أبدرس على حسابي الخاص ..
جاني قبول من معهد EC سآن دييغو ووصلني الـ i20 ،
سويت مقابلة السفارة قبل يومين على الـ i20 اللي معي وقالوا لي بعد أسبوع تستلم الجواز .

بعدها صرت أبحث بمعلومات عن المعهد، وتفاجأت بأسعارهم ،
يعني الأسبوع بـ 400$ !!

فقررت أغير لمعهد ثاني حتى لو بولاية أخرى ،
لكن المشكلة عندي هي السفارة والفيزا اللي طلبتها باسم معهد EC !

# ما هي إجراءات تغيير المعهد قبل السفر ؟!
# هل يلزمني فيزة جديدة ؟! مع العلم أن الفيزة لم تصدر حتى الآن !

# أو لازم أدرس هناك ؟ وكم المدة اللي المفروض أدرسها وبعدها أحوّل ؟


# وإذا فيه أكثر من طريقة، أتمنى نصيحتكم بالحل الأفضل وبأقل الخسائر .،


علماً أن موعد بدء داراستي هو 27 مايو ..،~

عشان تكون امورك واضححه وفي السيف سايد للأسف يبغالكم تقدم على فيزه جديده
انا كنت مثل حالتك , وقدمت على فيزه جديده والحمد الله اموري متسيره وشفني ادرس في امريكا :)

.

طيب أخوي وش الخطوات اللي سويتها ؟!
هل يلزمني سيفيس جديد ورسوم فيزا ؟!

يعني كل شي أسويه من جديد، أو وش الطريقة ؟
مع العلم أنني إلى الآن ما استلمت فيزتي، قالوا لي الأسبوع الجاي ~


وآيهم أفضل ؟ هل أسوي فيزا جديدة أو أسافر وأسكن بفندق وأطلب من المعهد نقلي لمعهد آخر ؟!

اخوي يزيد بأمكانك تروح على المعهد وبعد كذا تحول لمعهد ثاني وهذي افضل فكرة عشان تشوف المعاهد بنفسك, وغالبا المعهد راح يسمحلك تحول بعد اسبوعين لانه تجاري وهذا نظام كثير من المعاهد التجارية اللي نضامعها اسبوعي

عزيزي

ادرس فترة قصيرة بعدها حول على معهد اخر

اذا اردت بنفس المدينة فالولاية كلها غالية المعيشة

والمعاهد الموجودة هي : EC , KAPLAN , LSI , EF , EMBASSY USA , ILSC , GEOUS LANGUAGE PLUS , THE LANGUAGE COMPANY , INTRAX

اما الموجود فقط بسان دييغو هو EC , LSI , EF , EMBASSY USA

واذا اردت معلومات بخصوص الدراسة بالولايات المتحدة او اي مكان اخر بامكانك الاستفادة من منتدى مكتب الدكتورة مرام Maram.net وتوجد به معلومات كافية

وبامكانك التواصل عن طريق hamzah@maram.net

بالتوفيق

السلام عليكم
اخوي واحد من الزملاء كان نفس وضعك وكل الي سواه طلع ايتوني جديد وسافر امريكا
يوم وصل المطار بلغهم بتغير المعهد ودخل بكل اريحيه.
الزبده في الموضوع كله هو رقم السيفس

في حل ثاني
انك تطلع تدرس في نفس المعهد لمدة اسبوعين وبعدها تحول للمعهد الي تبيه
عسى الله يوفقك
تحياتي

.

مشكورين عزام ، علي المحمود ، خوي العز ، 750

والله احترت، واعتقد أن الحل الأفضل أني أطلع فيزا جديدة عشان ما أتقروش هناك وخسائر أقل ،

وش خطوات لو أطلع فيزا ثانية ؟!
هل كل شي من جديد ؟!

أطلب i20 + تسديد سيفيس + تسديد سامبا + موعد مقابلة ... إلخ ؟!

واليوم جاني رسالة بأني أستلم جوازي، مع العلم أن مقابلتي قبل 3 أيام فقط ،
هل لو بطلّع فيزا ثانية يتأخر أو سريع مثل الأولى ؟ وايش الجواب الأفضل لو يسألني عن سبب التغيير ؟

دد

اقتباس:

---

المشاركة الأصلية كتبت بواسطة يزيد ابراهيم

.

مشكورين عزام ، علي المحمود ، خوي العز ، 750

والله احترت، واعتقد أن الحل الأفضل أني أطلع فيزا جديدة عشان ما أتقروش هناك وخسائر أقل ،

وش خطوات لو أطلع فيزا ثانية ؟!
هل كل شي من جديد ؟!

أطلب i20 + تسديد سيفيس + تسديد سامبا + موعد مقابلة ... إلخ ؟!

واليوم جاني رسالة بأني أستلم جوازي، مع العلم أن مقابلتي قبل 3 أيام فقط ،
هل لو بطلّع فيزا ثانية يتأخر أو سريع مثل الأولى ؟ وايش الجواب الأفضل لو يسألني عن سبب التغيير ؟

دد

---

اخوي تبي نصيحتي
ارسل للسفارة ايميل وبلغهم بحالتك وباذن الله تلقى الرد الكافي
مع اني اشوف الحل هو تغير رقم السيفس فقط لا غير

تفضل ايميل القنصل في السفارة الأمريكية
RiyadhNIV@state.gov

عسى الله يوفقك
تحياتي

شيك على هذي الردود وكلها عن تجارب شخصية

http://www.mbt3th.us/vb/forum8/thread400514.html

.

يعطيك العافية خوي العز ،

أرسلت إيميل للسفارة :

Good morning,


I'm already have a visa, and I didn't travel to US until yet.
I want to change the institute of English language that I applied to.
The reason of doing that is change the state from California to New Jersey, it's more suite for me.
I kindly ask you to lead me for the correct way.


Thank you.

: وجاني الرد منهم

Dear sir,
You have apply for a new visa, and bring the new I-20 with you along with all required documents.

Thank you

Consular Section, NIV
US Embassy, Riyadh
Saudi Arabia
--> ac

وأعتقد آن أفضل حل لي هو تغيير المعهد وعمل فيزا جديدة،
:) آقل تكاليف وأريح للبال وآبقى في السيف سايد

:wub: شُكراً للجميع ،

ا