مبتعث جديد New Member
السعودية
3zq3mh , ذكر. مبتعث جديد New Member. من السعودية
, مبتعث فى السعودية
, تخصصى سلامة أغذية
, بجامعة كلية الغذاء والبيئة
- كلية الغذاء والبيئة
- سلامة أغذية
- ذكر
- بريدة, القصيم
- السعودية
- Feb 2013
المزيدl April 16th, 2013, 10:23 PM
April 16th, 2013, 10:23 PM
السلام عليكم ورحمة الله وبركاته
كان موعدي في 15\04\2013 الأثنين أمس وللأسف رفضوني
الكلام هينا انا قدم لي واحد من الشباب الابليكيشن اللي بالانترنت وقدم لي بالثانوي وانا معاي دبلوم فلما سألتني الشقراء الصهباء انت متخرج من الثانوي لك 5 سنين وش كنت تسوي قلت لها ان معاي دبلوم واني كنت اشتغل في شركة لكن استقلت منها قبل فترة وبعدين سألتني عن الضمان المالي وانا الضمان المالي من شركة لا اعمل بها بعدها قالت لي سوري نو تأشيره قلت لها ليه قالت الضمان المالي ضعيف بعدين تناقشت انا وياها وقالت عطني ورقة تثبت انك مستقيل من الوظيفة السابقه يعني اني ماني عاطل هالسنتين او الثلاث اللي راحو وكملت كلامي وقالت تعال مره ثانيه كم اقين
المهم انها عطتني ورقة الاعتذار وعليها تحديد بالورقة اني ( لم يتيبن انك طالب مؤهل لإكمال البرنامج الدراسي في الولايات المتحدة الامريكيه )
السؤال هينا انا وين اخطيت فيه وليه ما اخذت معي ولا 3 دقايق ؟
ووش كان مفروض اني اقول ؟
طبعاً انا معاي قبول معهد فقط وسألتني ليه تريد الذهاب وقلت للدراسه وقلت لها لو امكني التحقت في برنامج الملك عبدالله او رجعت للسعودية وعاودت العمل
وبالاختصار انا خريج دبلوم من عام 2010 م
وعملت في شركة من تاريخ 16\03\2011 إلى تاريخ 20\11\2012
وقبل لا افصل دخلت شركة وتحت التجربه لمدة 3 شهور والأن ع رأس العمل هل اقولهم إني اعمل واني في حالة قبولي راح اخذ اجازة من غير راتب ؟
كيف ابين لهم إني قادر وإني مؤهل وانا معاي جميع الاوراق ؟
واللي يبغى يسأل عن شي حتى يتبين له وش سويت انا يسأل لو حتى شي خاص مسموح بس حلوني من هالموضوع اقلقني وضيق خلقي
وكذالك اعطوني نصايحكم ووش ممكن اسوي واللي حالته مثل حالتي يسدي لي النصائح
انا ما كنت مرتبك ولا شي بالعكس حتى إني رايح لابس شماغ وثوب
الله يعافيكم مقدماً
ماعندي رد
الا الدعاء لك
الله يكون في عونك ويسهل امرك
- - - مشاركة محدثة - - -
ماعندي رد
الا الدعاء لك
الله يكون في عونك ويسهل امرك
MA-MA April 17th, 2013, 01:41 AM
7 " والله ياخوي انا مريت بنفس حالتك بالظبط لكني كنت حذر جداً
انا كنت موظف واستقلت ولما رحت للمقابلة اول شي سألتني عنه
وين ورقة الاستقاله والحمدلله اني كنت جايبها معي ومترجمها.
ايضا فيه سنه جلست فيها عاطل, وسألتني عنها وكان ردي اني كنت اخذ دورات تعليمية.
اعتقد مشلكتك تكمن في ورقة الاستقالة, لانهم محتاجين شي يثبت انك كنت تشتغل واستقلت.
وايضا من الخطأ انك تجيب ضمان مالي من مصدر مالك اي صله فيه.
انصحك تاخذ موعد ثاني وتكون مكمل اوراقك وخلك صريح معهم في كل شي.
موفق.
iHOPE April 17th, 2013, 01:43 AM
7 " نصيحتي وجه لكندا وريح بالك
Risk8 April 17th, 2013, 04:08 AM
7 " المفروض كنت واضح من البداية
و بالأبلكيشن وضحت كل شي ، من مؤهلات و من دورات و من وظيفة
هم ما يحبون اللي يجلس عاطل فترة طويلة ، و دايم يسألون وش كنت تسوي هالفترة
المهم لا تيأس
قدم مرة ثانية و راح يقبلونها بإذن الله
أهم شي تجيب إثباتات لكل فترة قضيتها ، سواء دراسة أو شغل أو دورة
موفق ❤❤❤
بنت حصة April 17th, 2013, 05:46 AM
7 " الله يوفقك وييسر لك امرك
اهم شي بالمقابلة في السفارة هو الصراحه التامه والوضوح لازم تكون صريح وواضح والابلكيشن المفروض تقوم بتعبئته بشكل واضح تبين الدورات ... الخ
magd_honda April 18th, 2013, 01:41 AM
7 " من بعد اذنك اخوي الضمان المالي كم اللى معاك
انا بجيب لهم شهاده بنكيه فيها 28000 دولار >>>>تمشي او يقولون قليل
السؤال الثاني >>اذا ردفضوا الواحد متى يحق له يقدم عالسفاره مرررره ثانيه
انتظرك الله يسعدك
الزهراااااني April 18th, 2013, 03:50 AM
7 "
April 16th, 2013, 10:23 PM
السلام عليكم ورحمة الله وبركاتهكان موعدي في 15\04\2013 الأثنين أمس وللأسف رفضوني
الكلام هينا انا قدم لي واحد من الشباب الابليكيشن اللي بالانترنت وقدم لي بالثانوي وانا معاي دبلوم فلما سألتني الشقراء الصهباء انت متخرج من الثانوي لك 5 سنين وش كنت تسوي قلت لها ان معاي دبلوم واني كنت اشتغل في شركة لكن استقلت منها قبل فترة وبعدين سألتني عن الضمان المالي وانا الضمان المالي من شركة لا اعمل بها بعدها قالت لي سوري نو تأشيره قلت لها ليه قالت الضمان المالي ضعيف بعدين تناقشت انا وياها وقالت عطني ورقة تثبت انك مستقيل من الوظيفة السابقه يعني اني ماني عاطل هالسنتين او الثلاث اللي راحو وكملت كلامي وقالت تعال مره ثانيه كم اقين
المهم انها عطتني ورقة الاعتذار وعليها تحديد بالورقة اني ( لم يتيبن انك طالب مؤهل لإكمال البرنامج الدراسي في الولايات المتحدة الامريكيه )
السؤال هينا انا وين اخطيت فيه وليه ما اخذت معي ولا 3 دقايق ؟
ووش كان مفروض اني اقول ؟
طبعاً انا معاي قبول معهد فقط وسألتني ليه تريد الذهاب وقلت للدراسه وقلت لها لو امكني التحقت في برنامج الملك عبدالله او رجعت للسعودية وعاودت العمل
وبالاختصار انا خريج دبلوم من عام 2010 م
وعملت في شركة من تاريخ 16\03\2011 إلى تاريخ 20\11\2012
وقبل لا افصل دخلت شركة وتحت التجربه لمدة 3 شهور والأن ع رأس العمل هل اقولهم إني اعمل واني في حالة قبولي راح اخذ اجازة من غير راتب ؟
كيف ابين لهم إني قادر وإني مؤهل وانا معاي جميع الاوراق ؟
واللي يبغى يسأل عن شي حتى يتبين له وش سويت انا يسأل لو حتى شي خاص مسموح بس حلوني من هالموضوع اقلقني وضيق خلقي
وكذالك اعطوني نصايحكم ووش ممكن اسوي واللي حالته مثل حالتي يسدي لي النصائح
انا ما كنت مرتبك ولا شي بالعكس حتى إني رايح لابس شماغ وثوب
الله يعافيكم مقدماً