استفسار بخصوص امان التعامل مع الاشخاص اللي يجبون قبولات
السلام عليكم ورحمة الله وبركاته.. عندي استفسار بسيط ابيكم تفيدوني فيه. هل هو امان اني اعطي اوراقي ووثائقي اللي بالمنتدى هنا يعرضون خدماتهم عشان يجيبون لي قبول ؟ لان كثير يقولون بنجيب قبول وبنساعدك وانا متردده هل ارسل لهم او لا لاسيما اني مااعرفهم ؟ وش تنصحون به يااخوان ؟
رد: استفسار بخصوص امان التعامل مع الاشخاص اللي يجبون قبولات
وعليكم السلام والرحمة
انصحك ان تدخلي على موقع الجامعه وتطلبي القبول بنفسك لكي لايطلع احد على خصوصياتك !!
ربنا يوفقك
رد: استفسار بخصوص امان التعامل مع الاشخاص اللي يجبون قبولات
اول شي لازم تعرفي ان اصابع يدك مو سوا
فاللي في المنتدى فيهم الطيب وفيهم النصاب
المعروف ان التقديم في اغلب الجامعات أونلاين وهذا معناته انك ما يحتاج تعطي احد اوراقك واثباتاتك الخاصة مثل صورة الجواز والمعلومات الشخصية وغيرها واذا كان صادق يبي يخدمك فخليه يساعدك في خطوات التسجيل وانتي ترفعي كل شي ع الموقع بدون ما ترسلي له
ولو حبيتي خبريني اي جامعة تبين واعطيك الرابط حق التسجيل وتعبئة الابلكيشن مررة سهل
موفقة يارب
رد: استفسار بخصوص امان التعامل مع الاشخاص اللي يجبون قبولات
البلى بلي ماعنده شهادة بنكية ياشباب هنا المشكلة ولا التسجيل للجامعات والمعاهد مقدور عليها .....
رد: استفسار بخصوص امان التعامل مع الاشخاص اللي يجبون قبولات
من ناحية الاطلاع .. ماتوقع فيه شي يخوف .. لانه مايقدر يسوي شي ..
لكن البلى باللي ياخذ دراهم لان بعضهم نصابين
وابرزهم واحد فلسطيني اسمه دكتور غسان نصاب محترف
رد: استفسار بخصوص امان التعامل مع الاشخاص اللي يجبون قبولات
أغلبهم نصابين إلا من رحم ربي
يطلب منك الفلوس قبل التقديم ويسحب عليك
سواء مكاتب أو أشخاص
يعرفون كيف يستغلون وشوفي شعارهم المبني ع حاجة الطلاب
قدمي بنفسك وإذا فيهم خير يعطونك اسم الجامعة وانتي بطريقتك تقدري تقدمي
رد: استفسار بخصوص امان التعامل مع الاشخاص اللي يجبون قبولات
اختي فيه وحده انا مراسلها تجيب قبولات ارسلي لها ايميل >>>وبتكلمك البنت >>>ماتكلم الا بنات
الشهاده لله تعاملها ممتاز الى الان >>>انتظر القبول
وكل تعاملي معاها على الايميل
واحسن شيء الدفع بعد استلام القبووووول
يشهد على الله اني مااعرفها ولا ابغى اسوي دعايه لاحد >>>لكن صراحه تعبت في القبوووول >>>اغلبهم يقول حولي 1000 قبل الاستلام والباقي بعدين
لكن تعاملها اعجبني وارسلت اوراقي لها بالفيدكس على الجامعه لانها موظفه وظيفه مؤقته في قسم القبووول
واذا تبغين ايميلها راسلني عالخاص >>>عشان لاحد يقول دعايه
والله يوفق الجميع
رد: استفسار بخصوص امان التعامل مع الاشخاص اللي يجبون قبولات
شوفي انتي ايش محتاجه لو متخوفه من انك ترسلي بياناتك
وممكن اتابع خطوات التسجيل وتسجلين وترسلي الاوراق بنفسك
اختاري الجامعه الي تفضلي تراسليها واكتبي لي عل الخاص او هنا وان شالله تتسهل وتجيبي القبول
بالتوفيق
- - - مشاركة محدثة - - -
شوفي انتي ايش محتاجه لو متخوفه من انك ترسلي بياناتك
وممكن اتابع خطوات التسجيل وتسجلين وترسلي الاوراق بنفسك
اختاري الجامعه الي تفضلي تراسليها واكتبي لي عل الخاص او هنا وان شالله تتسهل وتجيبي القبول
بالتوفيق