الأعضاء الإشتراك و التسجيل

الملتقيات
ADs

كنت .. وصرت

كنت .. وصرت


NOTICE

تنبيه: هذا الموضوع قديم. تم طرحه قبل 1697 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية @nouf_alotibii
    @nouf_alotibii

    مبتعث جديد New Member

    @nouf_alotibii السعودية

    @nouf_alotibii , أنثى. مبتعث جديد New Member. من السعودية , مبتعث فى السعودية , تخصصى 3متوسط , بجامعة ----
    • ----
    • 3متوسط
    • أنثى
    • جده, اذا ربي كتب boston
    • السعودية
    • Apr 2013
    المزيدl

    April 23rd, 2013, 06:07 PM

    السلام عليكم ورحمه الله وبركاته

    اللهم صلي على محمد وعلى آله وصحبه اجمعين

    والله مدري وش ابدا بس ادري بخلص عليكم
    المهم بصراحه انا ما كنت افكر بالابتعاث ابدا بس بمجرد ما كلمت بنت عمتي وكنا نطقطق على الابتعاث وكذا بعدين صرنا نتكلم جد وكنا نقول ان الابتعاث يبغاله اصرار وشطاره ورفع راس
    المهم ذاك اليوم وادخل على هالموقع بصدفه كنت ابحث انا وبنت عمتي عن ماهو الايلست ودخلت على المنتدى ولقيت كل شي ابغاه وسجلت فيه ومن ذاك الوقت من يوم سجلت في المنتدى وانا حاطه برسي الابتعاث يعني لو مو الله ثم منتداكم كان ما ببتعث وبصراحه حبيت اشكر جميع اعضاء المنتدى وبصراحه منتدى لا يوصف واللحين انا صرت ببتعث لين يجي ذاك الوقت الي هو بعد سنتين ان شاء الله ~

    وبسس والله يعطيكم االف الف عافيه ❤~
  2. وعليكم السلام ورحمة الله وبركاتة


    ليت كل اللي يفكرون في الابتعاث سوو نفس طريقتك
    بعضهم خبط ولزق فجأه تلقاه في امريكا.. ووقتها يتعرض لاشياء ماكان متوقعها
    اما زي وضعك أنا اعتبرة شئ ممتاز جداً ان تقراء عن شئ انت مقبل عليه بعد فترة
    تعيشين جو الابتعاث من الآن وتتعودين على اشياء كثيرة من خلال المواضيع وبتجدي حلول لاشياء ممكن تواجهك مستقبلاً
    انصحك بالاستمرار في زيارة هذا القسم اذا كنتي تفكرين في الابتعاث لامريكا لأخذ فكرة عامة عن امريكا قبل زيارتها ومعرفة الكثير من الاشياء المتعلقة بالابتعاث
    وان شاء الله بعد فترة تدخلين امريكا وكأنك كنتي عايشة فيها وعارفة كل شئ بيواجهك من تحديات وعقبات ...

    بالتوفيق
    7 "
  3. ماشاء الله تبارك الله

    اشجعك على التخطيط المسبق للأبتعاث
    واتمنا انك تحطين في بالك جميع الأحتمالات الممكنه لأن الدراسه فيها صعوبه بعض الشي وقد يدفع الأنسان من وقته وماله وراحته النفسيه مقابل ذالك
    لا تتوقعي بأنه طريق ممهد بالورود وبنفس الوقت ليس من الصعب اجتيازه
    ما اقصد اني احطمك ولكن رأيت انك لا تلتفتي الي جانب في خطتكي قد تواجهينه فكوني مستعده لجميع الأحتمالات.
    7 "
  4. الله يوفقك ويكتب لك الخير وين ما كان.

    الابتعاث فرصة ممتازة لكن مثل ما يقولون الأخوان، ليست العملية بالسهولة اللي يتخيلها بعض الناس في السعودية، حيث يعتقد أنك في سفرية سياحة، وليست بالصعوبة التي يتعذر دونها كل شيء.
    أنا متأكد لو كان يدري كل مبتعث بصعوبتها الحقيقية قبل البعثة، أن كثير من المبتعثين لن يختاروا البعثة، ولكن لما يصلوا هنا خلاص لا مجال للتراجع (وأنا أحدهم).

    ولكن اسمحي لي أضع لك نقاط:

    1) إذا كان غرض الابتعاث علشان أقول ترون أنا مبتعث، فالبعثة صارت الأكثر شيوعا وصارت الدراسة في الداخل أقل؛ لذلك إذا كان غرض الابتعاث فقط لأجل الابتعاث، فزمان كان صحيح الابتعاث ندرة وتميز بس ألحين كل بيت في السعودية منه اثنين مبتعثين.
    لذلك، لا تستغربي أن بعض من درس في الخارج رجع السعودية وما لقى وظيفة لا معيد ولا محاضر، وفي المقابل ناس تخرجت من السعودية وتعينت على طول إما محاضرين أو معيدين، والسبب: أنهم طيلة دراستهم كانوا قريبين من أساتذة القسم وعرفوهم بتميزهم فلما جاءت المفاضلة والترشيح كان الجو مهيأ لهم بالتعيين، رغم أنهم قد يكونوا ليس بأفضل من طالب تخرج من جامعة كذا الأمريكية، لكنهم خلقوا لأنفسهم فرصة معينة طيلة سنوات الدراسة.

    2) البعثة فيها شقاء ما أحد يقدر ينكر، أنا شخصيا تمر علي لحظات وربي أني أفكر أقول وش أبي فيها يقال عني دكتور؟ أنا والحمد لله محاضر في الجامعة وما أحد يقدر يجبرني على ترك الوظيفة أو إكمال الدكتوراه طالما أني على وظيفة محاضر، فليش العناء؟ ومع ذلك تجيك أحيانا لحظات تشجيع تحس ودك تدرس بقية العمر هههه

    3) البنات (وبعض الأولاد المدللين) قد يكونون متعودين على نعمة في السعودية، خدم، وطباخين، وسواقين إلخ. لما يجي هنا يتفاجأ أنه لازم يكرف نفسه ويروح ويجي، وأحيانا يضطر أنه يركب الباصات، خصوصا في الأيام الأولى أو الأشهر الأولى من البعثة لين يدبر نفسه بسيارة ورخصة وموقف خاص إلخ.
    الناس اللي من هذا النوع تتعب في البعثة أكثر من غيرها، ولو سألتيها عن رأيها في البعثة راح تلاحظين أنه سلبي أكثر، في حين أن الشخص اللي متعود على حياة عادية في السعودية راح تجد رأيه محايد أو مشجع على البعثة.

    4) فيه ناس ما تقدر تتحمل البعد عن أهلها، بمعنى آخر: عاشت أيامها كلها حتى تخرجت من الجامعة ويمكن توظفت وهي في كنف ابيها وأمها، وهذي النوعية من الناس أحيانا تتعب في بعدها عن أهلها وتتذمر كثير، في حين أن فيه ناس قد تكون وهي أصلا داخل السعودية تعيش غربة لأنها إما تدرس أو موظفة في منطقة بعيدة عن أهلها، ولذلك رأي كل فريق من هالناس راح يكون مختلف تماما.

    5) الدراسة ليست بساط يطير بك لين منصة التخرج، هناك صعوبات وعقبات لازم يكون الواحد قوي في مواجهتها. اللغة مثلاً: صحيح أن الكل يمشي في الأخير والقليل اللي يفشل لكنها مرحلة تعذيب نفسي، خصوصا لما يكون تخصصك يطلب درجة عالية في المرحلة الدراسية، ومرحلة اللغة مرحلة لا يستقر لك فيها حال، فمرة تشعر أن لغتك كويسة، ثم يجيك موقف يضرب بك في البلاط تشعر أنك مو ما تتكلم إلا إنك أطرم. تأتي بعدها المرحلة الجامعية أو الماجستير أو الدكتوراه وفيها من التعب والمعاناة الكثير، وفيها من حلاوة النجاح والتفوق الكثير أيضاً.

    أتمنى لك التوفيق،،،
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.