وش احسن خط رحلة "خط سير" لشيكاغو .. وكيف طريقة الطيار ؟

كل ماحجزت بدري كان أفضل من ناحية السعر
ليش تنتظر لين قبل الرحلة؟؟ اذا فيزتك جاهزة احجز من الآن

بالنسبة للخطوط شوف الأقل محطات في الوصول
مثلاً عندك الأردنية تطلع مباشرة على شيكاغو من عمان والتركية مباشرة من تركيا لشيكاغو
يصير خط رحلت الرياض عمان شيكاغو .. وكثير خطوط تطلع بنفس الطريقة هذي واتوقع من ضمنها البريطانية والاتحاد والقطرية

ايه صحيح كلها لازم تروح لبلد الخطوط ومنها لشيكاغو لكن ودي اعرف الافضل والاقصر ..

بالنسبه للسعر .. الطيار او البعثة بالاصح يتحملون التذكرة .. صح ولا .. لاني حاط براسي انها على حسابهم وهالشي اللي اعرفه .. هالشي صح ولا في شي لازم انا ادفعه ؟

وودي اعرف طريقة تحويل الدرجة من سياحية لاولى.

اطلع على الإماراتية أو القطرية من أفضل الخطوط
أما من نيويورك راح تحتاج تطلع على خطوط أمريكية داخلية
خل الطيار يحط لك التذكرتين برقم حجز واحد علشان العفش ما ينحسب عليك من مطار نيويورك.

الشغلات التوصيات ومدري إيش، إذا كنت في أول اللغة، يمديك عليها تسويها إذا رجعت السعودية
أما إذا كنت تتوقع أنك راح تدخل الجامعة في سبتمبر 2013 فمن الحين سوها قبل تسافر.

فيه عنددك القطرية والاتحاد

ادخل مواقع شركات الطيران وشف وش اقصر وقت وتوكل على الله وخذها وانا ارشح الاتحاد وبقوه طياراتهم حلوه وخدمتهم احلى ،، لكن حط في بالك ان الجواز والاي تويني لازم يكونون معك في الطياره ( لازم ) لانك لو حطيتها مع العفش راح تتورط ،، ونصيحه احجز من اليوم لانك ممكن تتاخر وتروح عليك المقاعد ..

جزاكم الله خير.

و عليكم السلآم ..
انا كمان دراستي تبدأ الشهر الجاي و توني واصلة امس حتى يمديني اجهز لي مكان و اتعود عليه و اعرف له , طلعت ع الخطوط القطرية كانت مره ممتازة صحيح كلها هنود بس الحمد لله مريحة من الدمام لقطر و من قطر لشيكاجو دايركت سحبة وحده ما فيها تعب مثل ما قالوا الناس و صلت العصر و ريحت الليل و الحمد لله .. طبعا الطيران الخليجي بشكل عام ممتاز و يكون دايركت سحبة و حده بعكس الاجنبي لازم فيه ترانزيت و بتنتظر في المطار .
و عادي تروح مكتب الطيار بقرار الابتعاث و الجواز و يحجز لك .

اذا انت رايح ماستر اخذ توصياتك معاك أحسن و حطهم في العفش .. اييي لآزم تكون ب أظرف خاصه من الجامعة الا دارس فيها البكالريوس و مختومين كمان ..


ان شاء الله اكون أفدتك .

هل بالامكان احجز قبل إصدر قرار الابتعاث.
لأن دراستي في العيد (أغسطس)ولابد ان يكون الاصدار قبل السفر بثلاث أشهر .

الله يعطيكِ العافية .. شكلي باختار الاتحاد .. مع اني محتار بينها وبين البريطانية .. الخبر البايخ اللي قرأته قبل شوي ان صار الزامي نسافر عالخطوط السعودية حتى لو ماتنزل بالولاية المطلوبة .. تنزلك لاقرب ولاية ! .. مدري وش الحل لهالمشكلة ..

انا رايح ماستر .. كيف طريقة التوصيات وتقسيمها .. عندي الظاهر اربع خمس توصيات بالكثير وعدة نسخ .. كم نسخة اخذ وكل كم نسخة احط بالظرف وكم ظرف احتاج .. وضروري حركة التختيم هذي ولا يكفي اخذ الاوراق وخلاص ..

وهل اخذ معي الوثيقة وكشف الدرجات .. واذا اخذهم هل اخذ الاصل والا النسخ المصورة منها تكفي .. شكراً جزيلاً.