=> طلـبت من الأمـازون وحـطوا الـطلبــيه عند باب الـبـيت واعـتــقد فيه احد صرقها !
ياجماعه انا اطلب اون لاين كثير وكذا مره اجي بدخل البيت وشوفهم حاطين الاغراظ قدام الباب ومن حسن حظي اخذها لكن هالمره طلبت طلب لي اكثر من شهر استناه وماوصل يوم ارسلت لهم رسائل واتصلت عليهم قالوووا تأكد من الأوفيس وسأل جيرانك !! في الحاله هذي من الي اخطاء انا ولا هم وهل لي حق اطالبهم بفلووووسي !!!
رد: => طلـبت من الأمـازون وحـطوا الـطلبــيه عند باب الـبـيت واعـتــقد فيه احد صرقها
هلا بك اخوي
بالعاده الشحنه ما تسلم الا بتوقيعك فلو تركوها لك ع الباب بدون توقيعك اكيد لك الحق وبالذات لو كنت مشتري من امازون نفسه لو كلمتهم باللي صار على طول بيرسلوا لك الشحنه بدون ما تدفع سنت
هذا من واقع تجربه خوي اشترى كاميرا مع عدسات من بسيت باي قيمتها اكثر من ١٠٠٠ دولار وصار له نفس مع صار معك وكلمهم ارسلوا له طلبه مره ثانيه بدون ما يدفع شي ..
والافضل انك تلصق ورقه على الباب تطلب من شركات الشحن ترك شحناتك عند الاوفيس افضلك من وجع الراس ...
بالتوفيق
رد: => طلـبت من الأمـازون وحـطوا الـطلبــيه عند باب الـبـيت واعـتــقد فيه احد صرقها
طالب شركة التوصيل وهي UPS في الاغلب او طالب امازون واطلب تعويض بانك لم تستلم البضاعة
قبل شهريين كنت في امريكا وطلبت شي من امازون ولقيت الطرد جنب صناديق البريد ولقتيها بالصدفة وكانت في مكان عام بامكان اي احد سرقها
رد: => طلـبت من الأمـازون وحـطوا الـطلبــيه عند باب الـبـيت واعـتــقد فيه احد صرقها
مشكورين على الردود الي يقهرني ويزيد غبني لهدرجه شركات التوصيل غبيه يعني بالعربي تعال ياحرامي وسرق اجل كرتون جديد بقراطيسه قدام الباب ويرحون ويخلووونه ومعروف انه من الأمازون وان صاحبه للحين ماجاء ههههههههاي
رد: => طلـبت من الأمـازون وحـطوا الـطلبــيه عند باب الـبـيت واعـتــقد فيه احد صرقها
طيب ممكن اعرف نبذه عن شركة امازون وايش طريقة عملهم يعني سستمهم كيف جاي وشركات أخرى لشحن
رد: => طلـبت من الأمـازون وحـطوا الـطلبــيه عند باب الـبـيت واعـتــقد فيه احد صرقها
هههههههههههههههههههههههههههههههههههههههههههههههههـ ~
لآ تسكتت أرفع شكوى ورجعع حقكك
بس م قلت لنآ وش آللي شإحن هـآ
رد: => طلـبت من الأمـازون وحـطوا الـطلبــيه عند باب الـبـيت واعـتــقد فيه احد صرقها
الأمازون طال عمرك موقع مشهور تطلبين منه اي شيء تبينه وبأسعار رخيصه نوعاً ما سوا ملابس او الكترونيات او مكملات غذائيه اودوات مطبخ جزم او جزمات كل مايخطر في بالك موجود في هالموقع
رد: => طلـبت من الأمـازون وحـطوا الـطلبــيه عند باب الـبـيت واعـتــقد فيه احد صرقها
اقتباس:
المشاركة الأصلية كتبت بواسطة غربـ9
ياجماعه انا اطلب اون لاين كثير وكذا مره اجي بدخل البيت وشوفهم حاطين الاغراظ قدام الباب ومن حسن حظي اخذها لكن هالمره طلبت طلب لي اكثر من شهر استناه وماوصل يوم ارسلت لهم رسائل واتصلت عليهم قالوووا تأكد من الأوفيس وسأل جيرانك !! في الحاله هذي من الي اخطاء انا ولا هم وهل لي حق اطالبهم بفلووووسي !!!
أول شي تسويه تعرف ايش شركة الشحن اللي وصلت لك الشحنه ...
عادة الـ UPS ماتحط الشحنه الا بتوقع الاستلام ..
اما الـ USPS فيعتمد اذا كانت الشحنه مسجله بخدمة التوقيع على تأكيد الاستلام .. او لا ..
اذا كانت مسجله فراح يحطون لك ورقة في صندوق البريد تراجع فيها الاوفيس وتستلم الشحنه من هناك .. واذا كانت لا .. فراح يحطون الشحنه عند باب الشقه او عند الاوفيس !
اذا عرفت اي شركه شحن .. شوف التراكنج نمبر بالاوردر حقك بالامازون .. اذا كان مكتوب انه تم التوصيل .. فشوف باسم مين اللي استلمها (الـ UPS يحطون اسم المستلم بصفحة التوصيل ) ..
شيك مع الاوفيس او جيرانك شوف اذا الشحنه عندهم او لا ..
اذا لا .. ارجع للامازون وادخل على صفحة الاوردرز حقتك .. وارسل رساله للي ارسل الشحنه وعلمه بانك ماستلمت الشحنه ..
وقولهم انك شيكت مع الاوفيس ومع الجيران ولكن ماعندهم اي خبر بهالموضوع ..
تلقائيا راح يعتذر منك وراح يرسلك بدال هالشحنه بس المره هذي راح يكون مأكد عليها بانها تستلم بتوقيعك ..
والامر طبيعي جدا .. واالامور هذي تحصل كثير .. والخطأ دائما من شركات الشحن .. وهم اللي يتحملونها .. علشان كذا البائع يرسلك بدل السلعه اللي ماستلمتها بكل سهوله لانه راح يعوضونه شركة الشحن عنها ..
لان غالبا اللي يبيعون بالامازون يكون عندهم تأمين على الشحنات اللي يرسلونها .. حتى يتم التعويض عن اي شحنات ضائعه مثل اللي حصل معك ..
وانا كذا مره حصلت معي بس مع الـ USPS .. لان اغلب الشحن عندهم بدون توقيع ويجيك هذا يقط الشحنه عند الباب .. والمشكله ان عندنا الاوفيس يستلم كل الشحنات ويوقع باستلامها ويحفظها الى ان يجي صاحبها يستلمها ويوقع عندهم انه استلمها ..
لكن يعتمد على ساعي البريد .. احيانا يوديها للاوفيس واحيانا لا .. واحيانا حتى يتثاقل انه يوصلها للباب .. فيكتفي بورقه يحطها بالبريد ويخليني اروح للمكتب علشان استلمها !
وسبق وتكلمت مع المكتب بهالخصوص .. واشتكيت عليه انه كذا مره ضيع بعض الشحنات وكذا مره يخليني اجي للاوفيس علشان استلمها وهو المفروض انها توصلني الى باب شقتي .. ولا بعد قال انه يجيني دق الجرس ولا رديت عليه وترك لي نوتس !؟
وهو يكذب .. فعلمت الاوفيس عنه واعتذروا مني وماكمل الاسبوع الا جايبين واحد ثاني ومن عقبها مافيه شحنه الا وتوصلني ولا شفت اي مشاكل لله الحمد .!
فالمختصر .. انت مو ملزوم انك تعلمهم او تحط ورقه تعلمهم فيها .. هم عندهم نظام يمشون عليه .. اذا كانت الشحنه مسجله على اساس انها توصل بتوقيع فهو ملزوم انه مايسلمها الا بتوقيعك ..
واذا لا .. فهو ملزوم انه يوصلها لك الى باب شقتك .. ويدق الباب عليك اذا مارديت .. بامكانه يترك الشحنه عند الباب .. او .. انه يعطيها السكن مكتب السكن .. او يحط ورقه ويردها للمكتب !
واذا حطها عند الباب وانسرقت ... فهم مجبورين انهم يعوضون اللي ارسل الشحنه عنها .. لانك انت ماطلبت منهم يتركونها عند الباب ! فالمجمعات السكنيه المفروض يحطونها عند مكتب السكن !
أما انت .. فالبائع اللي في الامازون هو اللي يعوضك .. انت مالك شغل بالشحن بتاتا .. ! وهذي من شروط الامازون !