وين تنصحوني اي ولاية

مرحبا اخوي
اول شي عسى الله يوفقك ويسهل امورك
ثانيا مستحيل تحصل احد يفيدك ويقول انصحك تروح الولاية الفلانية ,, لأن كل ولاية ولها محاسنها وعيوبها .
بس يعتمد على الشخص حسب التالي:

• كم ميزانيتك؟؟ طبعا للدراسة وكم حاط في بالك سعر السكن في الشهر وكم حاسب صرفيتك
• نوع الجو اللي تفضله؟؟ برد او برد وثلوج او الحر او الجو الممطر
• حيوية الولاية او المدينة؟؟ هل يهمك تكون مدينة حيوية وصاخبة او تكون هادية
• طبعا اكيد دامك تبي تدرس لغة لمدة ثلاث اشهر او اكثر او اقل فراح تبحث عن معهد تجاري يكون فيه نظام الليفل شهر واحد .

بعد ما تحدد الأشياء اللي فوق راح تحصل احد يرشحلك الولايات اللي تتناسب مع شروطك
تحياتي...

بارك الله فيك اخوي خالد

ميزانيتي تقريبا 20 الف اذا فيه مجال واقدر اطلع بها حلو لو ما فيه مجال ممكن ازيدها شوي ياليت انت تفيدني كم الميزانيه المناسبه عشان انا اظبط اموري
ولا اعرف اي شي عن السكن طبعا انا ابي مع عائلة وصرفيتي قلت لك انا ما اعرف شي عشان كذا انا حطيت الموضوع هنا راجيا من الله تعالى ثم منكم مساعدتي

الجو عادي ما تفرق بس مو ثلوج عاد حلو لو يكون معتدل لا برد ولا حر

والحيوية اكيد تكون حيوية وصاحية عشان استفيد من مخالطة الناس


هذه كل المعلومات اللي طلبتها بارك الله فيك اخي الغالي ورحم والديك لاهتمامك وحرصك ...

اتمنى ان تفيدوني وفقني الله واياكم .

شوف يالغالي من ناحية ترشيحي لولاية فأنا أرشحلك 3 ولايات بما أنك راح تجلس لفترة قصيرة .

1. ولاية أوريقون ( وهذي الولاية ارشحها لك وبقوووة من ناحية الجو والطبيعة وأسعارها وما فيها ضرائب).
2. ولاية كاليفورنيا (ولاية غنية عن التعريف طبعا ولاية بشكل عام غالية ولكن هناك بعض المدن تكون أسعارها معقولة جدا).
3. ولاية فلوريدا (وهذي الولاية برضو غنية عن التعريف اللي فيها شاطئ ميامي اشهر مكان بالعالم الولاية جوها مو بارد وفيها وأيضا مدن أسعار المعيشة فيها معقولة).

وبالنسبة لاختيار الولاية أنصحك أنك تقرا كثير قبل تختار وتوكل على الله .

أما من ناحية الدارسة وحسبة التكاليف راح اعطيك أسعار تقريبية يعني ممكن تزيد وممكن تنقص تعتمد على حسب المدينة والمعهد اللي بتختاره

• تكلفة المعهد للشهر الواحد تقريبا 800 الى 1000 دولار
• تكلفة التأمين الصحي 300 الى 500 دولار (وهذا يعتمد على المعهد اللي بتختاره فيه بعض المعاهد على ما اعتقد بدون تأمين وبعضها إلزامي) .
• تكلفة الكتب الدراسية 150 الى 200 دولار
• تكلفة السكن عند عائلة 600 الى 800 دولار بالشهر
• تكلفة صرفيتك بالشهر 200 الى 500 دولار بالشهر

يعني لو جينا نحسب التكلفة لمدة شهرين بتكون:
المعهد 1800 + التأمين 400 + الكتب 170 + السكن 1500 + مصروفك 1000 = 4,870 دولار يعني 18,263 ريال سعودي

طبعا مثل ما قلت الأسعار يمكن تزيد أو تنقص بس هذا تقريبا بنسبة 90% إنشاء الله

أتمنى اني أكون أفدتك وأي استفسار آخر انا حاضر وأتمنى من الاخوان المشاركة لتعم الفائدة .
تحياتي ...

اولاً الله يوفقك ابوفهد وصعب اننا نرشح كل ولايه ولا نقولك هالولايه احسن من الولايه هذيك
هي تعتمد على حسب ميزانيتك وحسب معيشتك وعلى حسب طريقة دراستك فيه معاهد لتحسين اللغه وفيه معاهد لتأسيس اللغه
انت جاي بس تدرس ولا ناوي تتمشى مع الدراسه؟ اذا قلت لي ٢٠ الف اقول لك غبها لليوم الاسود لانها ماتسوي شي
حنا يالمبتعثين نستلم ١٨٤٥ دولار بالشهر يعني حدود ٧٠٠٠ ريال ولنا فتره بامريكا وتكاليف الدراسه مدفوعه والتأمين مدفوع يعني هالسبع الاف بس للمعيشه والكتب ومع كذا نهاية الشهر مطفرين
كيف اذا انت جاي وماتعرف احد وبتدفع للطياره اقل شي ٦٠٠٠ ريال والعائله اذا كانت رخيصه ب ٦٠٠ دولار اكلمك عن ارخص الاسعار والباص بالسعرر الفلاني والكتب والتأمين والاكل لان احتمال كبير مايعجبك اكل العائله تكاليف الرحلات الداخليه وتكاليف شحن الشناط والشريحه ووووو
غير اذا بغيت تشتري هدايا قبل لاترجع لاهلك وربعك وووووو
لازم تستعد قبل بفتره كافيه علشان ماتضيع بامريكا
من ارخص الولايات ايداهو واهايو واوريقون وتكساس

اخوي خالد ولاية كالفورينا وفلوريدا من اغلا الولايات بامريكا اذا كان فيها شي رخيص فهو بيطلع خايس
يعني مافي امل تلاقي ولايه ب٧٠٠ دولار في كالفورينا اغلب العوائل الكويسه ب٨٥٠ وانت طالع والشقق ب٩٠٠ وانت طالع
اذا لقيت شقه ب٦٠٠ وحلوه وجديده اغلب الظن انها بعيده ولا المنطقه مافيها امان يعني لازم يصير فيها شي يخربها

الله يجزاكم خير ويرحم والديكم والله ما قصرتو

طيب وش رايكم في فلودونفيا ؟؟؟ من ناحية الفايده والاسعار والاجواء والعوائل والناس ؟؟؟

- - - مشاركة محدثة - - -

ومتى اقدم للسفارة واخلص اموري ووش احتاج في البداية هنا وين اقدم ووين اروح ؟؟