الأعضاء الإشتراك و التسجيل

الملتقيات
ADs

مسافر بعد اسبوع ولكن راسي ملياااااااااان استفسارات

مسافر بعد اسبوع ولكن راسي ملياااااااااان استفسارات


NOTICE

تنبيه: هذا الموضوع قديم. تم طرحه قبل 3566 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية patriot966
    patriot966

    مبتعث مستجد Freshman Member

    patriot966 غير معرف

    patriot966 , ذكر. مبتعث مستجد Freshman Member. , تخصصى MBA , بجامعة CSU- East Bay
    • CSU- East Bay
    • MBA
    • ذكر
    • Hayward, CA
    • غير معرف
    • Jan 2008
    المزيدl

    March 12th, 2008, 09:23 PM

    اولا احيي هذا المنتدى واحيي اعضائه اللي فادني كثيييير وتعلمت منه كثير

    ثانيا انا مسافر يوم الاحد 23 مارش الساعة وحدة نص الليل على الخطوط الفرنسية وبوقف في باريس ومدة الرحلة 21 ساعة الله يعين واوصل بالسلامة



    ثالثا عندي اسئلة كثيييرة بطرحها واللي يعرف يجاوبني له مني جزيل الشكر
    • الحين اذا صرت في امريكا كيف اقدر اسحب فلوس من حسابي اللي هنا بدون ما يكون في رسوم ونهب انا فكرت في الشيكات السياحية والفيزا سمعت من كثير ان لها مشاكل كثيرة اللي جرب الشغلة هذي يفيدني
    • انا قريت هنا في المنتدى عن العفش على الخطوط الفرنسية وفيها تعقيدات بخصوص الاشياء السائلة والهلامية واللي فهمته اني احطها في كيس بلاستيكي مع العفش لكن هل فيه تحديد على حجمها وحجم الكيس ولا عادي اي حجم وهل هذا نفس الشي في الخطوط الاخرى مثل خطوط يونايتيد اللي بطلع عليها من واشنتن الى بورتلاند؟؟
    • انا ارسلت ايميل للملحقية من اسبوعين على sacmusa.sacm.org ولا ردوا علي تعرفون ايميل يردون عليه؟؟؟
    • بالنسبة لاشعار الملحقية قريت من الاخوان ان الاشعار يكون باللنك هذا http://www.sacm.org/pdfs/travel.pdf لكن هل هذا يكفي ؟؟ لاني لقيت على موقع الملحقية نموذج اسمه فتح ملف الطالب الجديد. هل لازم اعبي النموذج هذا ؟؟ وكيف ارسله فاكس ولا بريد؟؟
    • لابتوبي قديييم ولا ابغى اخذه معي لانه ما عاد يسوى وناوي اشتري من امريكا لكن ما ادري هل اسعارها نفس هنا ولا غير؟؟ والمدينة اللي بروحها اللي هي كورفاليس في اوريجن صغيرة جدا ولا اظن فيها محلات تسوى فما ادري الاقي فيها؟؟ ولا اشتري من واشنتن استغل اليومين اللي بقعدها
    ارجوا اللي يعرف ومتاكد يجاوبني والف شكر لكم

    طبعا اللي معي غلى نفس الرحلة يعطيني خبر عشان احس اني مو لحالي
  2. هلا بك بتريوت تروح سالم غانم

    فيه ماستر كارد مسبوقة الدفع من البنك الأهلي مرة ممتازة وبدون أي فوائد

    تحط فيها المبلغ اللي تبغاه وتسحب من أي مكان بالعالم بدون خصم فوائد

    مرة بتريحك وفعل خدمة أهلي أون لاين وتسير تقدر تحول من حسابك الجاري على بطاقة الفيزا بتاعتك

    وعيش حياتك

    تحياتي
    7 "
  3. بالنسبه لموضوع السحب والفلوس فيه فيزه يسمونها فيزه مسبوقة الدفع , هذي تقدر تسأل عنها حسب الي سمعت ان رسومها 100 ريال في السنه ولا ياخذون منك شيء لما تسحب , بس اسأل عنها وتأكد بنفسك ,,
    ثاني شيء بالنسبه للابتوب هناك راح يكون اغلى شوي من هنا لكن فيه سبب , السبب طال عمرك ان الابتوبات الي في السوق السعودي كلها تجميع صيني , يعني توشيبا هالحين ما تلاقي لا الماني ولا ياباني ولا حتى تجميع امريكي , ماتلاقي الا صيني , بينما الي في امريكا راح تلاقي شيء افضل من الصيني ويستاهل الزيأده الي تدفعها ,وتقدر تاخذها بأي اجازه وتقدر تشتريها بالنت ويوصلونها للمنطقه الي انت فيه بلاش ,!

    والباقي ماعندي علم عنه ,
    يعطيك العافيه , بالتوفيق , وتوصل بالسلامه
    7 "
  4. أخــوي patriot966 !!!

    ** بالنسبة للفـلوس فإنت لك الخيار .. بإمكانك تستخدم شيكات سياحية تطلبها من البـنـك اللي حسـابك فـيه , وتـقدر بـعـد تسـتـخدم بطاقـة الـصراف العادية لأن أغلب بطاقات الصراف حقت البنوك السعودية مكتوب عليها من الخلف " Cirrus - Maestro " وهذا مـعـناتـه إنـها دولية , وتقريبا كـل صـرافات أمـريـكـا تـقبل هالبطاقات وتـقدر تسحب منها بس طبعا يخصمون منك حـول 8 ريـال على كل عملية سـحـب ,, وبـرضوا تقدر تـستخرج بطاقة إئتمان اللي تكلموا عنها الأخـوان قبلي وأنا صـراحـة مـا أدري عـنـها ,, أنا اسـتـخدمت الشيـكـات السياحية وكـانت مـعي من أروع ما يـكـون .. بس بـرضـوا أفـضل يـكـون مـعـاك " Cash " يـعـنـي 200 - 300 دولار بـفـئـات صـغـيرة .. ابـن آدم وش يـعـرض لــه .

    ** بالنسبة للسوائل .. فأنا انصحك تـحـط كل مـعاجين الأسنان والأدوية والـعـطـور والسـوائل عموما في الشنـط الـكـبيرة اللي تـشـحــن وهـذي ما عـنـدك مـشـكـلة فـيـها ومـاراح تفـتش ,, والـشـنط اللي بتشيلها معك في يـدكـ وتـدخلها معـاك كابـيـنـة الطـيارة فما يـحـتـاج تـحـط فـيها سـوائـل .. الا اللهم إن كـان زجـاجة عـطر إن شاء الله ما هنا خـلاف ,, والا فإن كـل سـائل حجمـه فوق 50 ملل تقريبا .. راح يـصادر منك زي الـسـلام عـلـيـكم . وغـير كـذا انـتـبه لوزن عـفـشك .. شـركـة United Airliens ما تسمـح بالـحقائب اللي وزنـها فـوق 50 بـاونـد = 26 كـيلو تقريبا .. واللي راح يدفـعـونك حـول 250 ريـال على كل حـقيبة زائـدة عن 50 بـاونـد .

    ** أمـا النـموذج اللي عبيته .. فهو النموذج الـصـحـيح الله يحفظك علشان تستقبلك الملحقية في مـطار واشنـطـن , ومـا نـموذج " فـتـح مـلف طـالب جـديد " فهذا لامـنـك وصـلت بالسـلامـة الملحقية .. هم راح يـسلمونه لك وتعبيه عندهم علشان يفتحون مـلف طالب مـبتـعث جـديد .

    ** وبالنسبة لللابتـوب .. فـهذا راجـع لك والله .. أنا صـراحة شـريت Dell من السعودية وشغال معاي زي الـحـلاوة .. والشباب أشـتـروا من أمـريـكـا . وما شـفـت ذاكـ الـفـرق صــراحــة ,, ويـمـكـن الـمـيزة إنـك تـشتريه من السعودية إنك تـضـمـن إنه يكـتـب بالعـربي بس طـبعا تأكد إن نـظام التشـغـيل Windows وكـل Office programs أصـلية عـلشان لا يـسون لك مـشـكـلة في الـمـطـار . وإنـــت لـك الــخــيــار تـشـتـريــه مـن الـسـعــوديـة والا مــن أمـريـكــا .



    وبالــتــوفــيــق عــزيــزي @@@@@@@@@



    hadeer :- لا خــــلا ولا عــــــدم يــا وخــيـــتــــي
    7 "
  5. البنك تقدر تستخدم حسابك بس بفوائد جيب معاك حسابك السعودي اذا اتورط الاهل الله يحفظهم يرسلولك على حسابك السعودي وتسحب عادي واذا انك طالب تفتحلك حساب طالب ما اظن تحتاج اكثرالي الملحقية ترسلك المكافئة كل شهر على حسابك ... تستخدم debit + cridet بس انصحك داااااائما تستخدم ديبيت لأنو صاحبي الخبل دايما يستخدم كريديت وما يراجع حساباتو ويوم راح يسحب البطاقة تقلو ما عندك فلوس راح البنك رصديو -250 دولار

    فأنصح الكل انه يستخدم ال debit الا اذا متأكد انه عندك مبلغ في الحساب.


    والبالنسبة للملحقية تمام عليك عطيتهم خبر انك جاي .

    والاب توب والله انا اشتريت واحد من هنا عشان اظمن انو ما يسولي قروشة في المطار .. قروشة = هبالة ويطفشوني ... لأنو سمعت في ناس يفتحو لاب توب حقهم ويشوفو اصلي ولا مو اصلي ومدري ايش .. المهم اشتريتلي واحد HP ارخص من عندنا في السعودية اظن ب 200 ريال بس مو داك الفرق او تقريبا نفس السعر والله مادري.. افضل محل اسمه best buy تقدر تدخل جووجل هادا محل زي اكسترا عندنا في السعودية فيه كل شي ومووجود بكل مكان .. شوف دور اقرب محل للمنطقة الي انت فيها


    موفق وتوصل بالسلامة
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.