قرار نهائي عفت أمريكا

لحول !!
وش هذا التحطيم !
انا رايح تكساس مدينة لوبوك تحديدا بعد شهرين ان شاء الله
ياخوفي يكون هناك عنصريه وتعامل سيء (مع اني مااتوقع كذا)
والله احبطوتنا صدق

أسأل الله ان يوفقك لما فيه الخير ولكن يااخي

انت قبل فترة قلت انك بترجع السعودية لأنك ماحصلت قبول جامعة

ومره تقول انا بالسعوديه ومابرجع امريكا

ومره تقول انا في امريكا وتعبت من العنصريه وراح اطلع منها

ومره تقول ماحصلت درجة ايلتس عالية

رجائي لا تحطم العالم ، فيه شباب وشابات لو طلعوا ووجدوا الفرصه لأبدعوا وياكثر المبدعين والعلماء اللي تخرجوا من برنامج الملك للابتعاث

اذا انت تضعف بسرعه وتتراجع فأنصحك أنك تكون انسان طموح ، وتعلم ان الحياه كلها متاعب سواء في بلدك او خارجه

لن تجد حياة سعيده الا فالجنه نسأل الله ان يرضى عنا ويكرمنا بها

يا زين ايرلندا الي فيها انا ...من يوم السعودي يدخل المطار العسكري يقوووله خشمك ههههههههههههههههههه بجد ايرلندا احلى من شعبها والتعامل معنا منهم ما قد شفت افضل ..ولا احد يشتكي منا الحمدالله حتى المطار ندخله ولا يفتشونا ناخذ الشنط وبرا المطار سيده

أولا: في الأصل أني إنسان محترم في تعاملي وحديثي لكن إذا لقيت شخص على النقيض تماماً ما عندي مشكلة أنزل لمستواه، وأتجاذب معه قلة الأدب طالما هو رضيها لنفسه.

ثانياُ: أنا أدخل المنتدى بشكل شبه يومي أو نصف يومي بل أحياناً أكون متصل طيلة اليوم، وأعرف موضوعاتك كلها، وأنت ما جيت تقول إنك كرهت أمريكا بسبب تربصهم بالسعودي إلا لأنك أصلا فقدت الأمل في الرجعة لأمريكا.

أنت درست سنة ونصف لغة(18 شهر) وجبت آخر شيء 4.5 وانتهت بعثتك في ديسمبر 2012
ورجعت السعودية بعدما كتبت موضوع في المنتدى تعترف فيه بأنك إنسان غير جاد:
http://www.mbt3th.us/vb/forum8/thread402274.html
جلست تحاول تدور جامعة تقبلك (طبعاً وأنت في السعودية) وكل يوم تنزل موضوع
تطلب فيه أن أحد يشوف لك جامعة تقبلك بـ 4.5 في الآيلتس، هذا أحدها:
http://www.mbt3th.us/vb/forum8/thread412320.html
وكل شوي موضوع لين جاء موضوع تقول إنك راح تنتحر فيه انتحار عظيم:
http://www.mbt3th.us/vb/forum8/thread417214.html
ومن وقتها وأنت تحاول تدخل كلية مجتمع، وكل يوم تتشكى في المنتدى
http://www.mbt3th.us/vb/forum8/thread415645.html
مرة تقول المشرفة رفضت أنك تحلتق بكلية المجتمع ومرة مدري وش صار
وكل يوم تخبط جديد مرة تقول بأروح بريطانيا ومرة كندا
http://www.mbt3th.us/vb/forum107/thread418597.html
والمشكلة أنك تكذب وتقول أنك تدرس في أمريكا وأنت لك شهور في السعودية
http://www.mbt3th.us/vb/forum66/thread418598.html
وأنا أقتبسها لك علشان ما تغيرها:


فأنت لما فقدت الأمل في الرجعة لأمريكا، جيت وقلت أن السبب هو النظرة اللي يعاني منها السعودي في أمريكا
علشان كذا أنا ما حبيت أعطيك إياها كاش في الوجه من البداية، لكني لمحت لك بواقعك الصحيح، علشان أعرفك من هو السبب في عدم رجعتك لأمريكا هل هو أنت نفسك أو أمريكا!

ثالثاً: أنا مشاركاتي في المنتدى اللي تزيد عن 1250، تراها أجوبة ومساعدة لأعضاء المنتدى، أتحداك تلقاني سألت أكثر من 5 أسئلة في المنتدى بعكس مشاركاتك الـ 108 كلها ولولة وبكاء وشكاوي واستفسارات.
فأنا ماني وقح مع الأعضاء بالعكس، أكاد أكون من أكثر الناس اللي يدخلون المنتدى ويردون على الناس، وإذا رديت مرة بشيء غير مناسب فهذا طبيعي لكثرة ردودي ومتابعتي، مو مثل اللي يدخل في الأسبوعين مرة علشان يحط لنا ولولة جديدة.

رابعاً: الأعضاء الاثنين اللي معطينك لايك، مدري على إيش بالضبط، واحد منهم توهم مسجل أمس وله أربع مشاركات، ما يعرفني ولا يعرفك، لا تكون أنت سجلت بمعرف ثاني علشان تحط لنفسك لايك؟

خامساً: أنت الحين تعطي صورة سلبية للناس اللي مقدمين على الابتعاث لأمريكا، وكثير منهم راح على الأقل يتردد؛ لأنك تتحدث كشخص عاش في أمريكا ثم فجأة سيغير اتجاهه، وتظهر للناس سبب مفبرك، وحنا عارفين السبب الحقيقي.
ليش تظلل آراء الناس بسبب فشلك؟

واحترامي للأعضاء المحترمين.

Oh man .. Full history

تقول اذا كان العضو وقح تنزل لمستواه؟ طيب اسالك انت الحين وش الكلمة الغير مهذبة الي نطقت بها في موضوعي؟ موضوعي مافيه قلة ادب صيدك انت قليل ادب ومروءة ويبيلك تربية
يعني فوق قلة الادب يابجيح تجي وتشتم وتقول انزل لمستواه وكلام فاضي ؟؟ وش هالالفاظ السوقية هذي ؟ انا مستغرب عن الادارة الي مخليتك تمرح بكل موضوع !
المواضيع الي انا حطيتها يعني اسالك بالله المبتعث مايمر بمشاكل مع الملحقية ومع مشرفه ؟؟ المنتدى 80% مواضيع شكاوى عن الملحقية والمشرفين
وانا مافقدت الامل ولاشيئ ابشرك قبل اسبوع حصلت على I-20 من كومينتي كولج والدراسة تبدأ يوم 17 Jun يعني عيب عليك تلفق علي اكاذيب من راسك ؟؟؟
انا ملاحظك بكل موضوع يجي واحد ويسال عن حل عن مشكلته الي يمر فيها (ما اقصد نفسي) اعضاء كثيرين يطرحون مشاكلهم بالمنتدى
واجابتك تكون لهم محبطـــة جداً واطلع سلبيـــاتهم كلها وتنتفهم تنتيف .. ياخي عيب عليك قل خيرا لو لتصمت يا اما تعطيه حل لمشكلته يا اما تضف وجهك
وانت عارف ان طلبة كثيرين يدرسون بكومينتي كولج بدرجة 4.5 في الايلتس وكل الي بالمنتدى عارفين
( ناهيك ياخي انك ماتدري بظروف الناس الي تمر فيها ) لذلك مالك اي احقية تخوض في نواياهم تعلم ياخي تقدم حسن الظن على سوء الظن
لعلمك انا درست لغة في امريكا سنة فقط والملحقية يوم الجمعة الي فات اعطتني تعويض 6 اشهر في الللغة الي ضاعت بسبة مشرفي السابق والحمدلله انحل موضوعي القديم هذا
انت ماخليت عضو بالمنتدى هذا ماحطيته فاشـل .. والله انك قليل ادب صحيح ومتشائم ووقح العتب على الادارة الي مخلية اشكالك يابو شخصية نرجسية يالبنوتة
انا ملاحظك بكل موضوع تتشكى من يعطيك لايك ومن مايعطيك لايك يالنرجسي ههههه

اللون الأحمر:

كل ألفاظي للآن ما زالت مؤدبة، وأول رد لي لم يكن فيه أي قلة أدب على حد تعبيرك، بل أنت راجع ألفاظك وشف وش فيها.
هناك مثل عربي يقول: رمتني بدائها وانسلت، يضرب للشخص اللي يسوي شيء ويعيب على الناس نفس الشيء اللي هو مسويه.
وهناك مثل شعبي أعتقد أنه عند أهل مكة يقولون: النعجة ما تشوف سبلتها، يضرب للشخص اللي ما يشوف عيوبه.

اللون الأخضر:
يقولون السعودي ما شاء الله عليه، النسبة عنده جاهزة على طول، أنت مباشرة 80% شكاوي على المشرفين.
يا حبيبي الصغير: الشخص اللي ماشي صح، ما أحد يقدر يسوي له شيء، والاستثناءات قليلة جداً.
أنت شكاويك سببها الأول والأخير أنت، باعترافك بنفسك في موضوعك.

اللون الرمادي:
ضع لي روابط للردود اللي قمت فيها بتنتيف الأعضاء، كما وضعت لك روابط لتخبطاتك التي تعيشها.

اللون البرتقالي:
قولي أنك درست 18 شهر، هذا ليس كلامي، هذا كلامك في موضوعك عام 2012
وأنت هنا تقول ما درست إلا سنة واحدة، حدد هل أنت تكذب هناك أو تكذب هنا؟
وهذا نص كلامك، واقرأ أشياء أخرى حافلة تعطي مؤشرات من أنت بالضبط:

 المشاركة الأصلية كتبت بواسطة 4.5

السلام عليكم ورحمه الله وبركاته

تحياتي،،،

أولآ .. سلمني على تفكيركـ ، مشآء الله تبآركـ الله


وآتمنى من صآحب الموضوع تقبل كلآمكـ بصدر رحب وآنآ من قريت كلآمك وربي آرتحت رآحه مآيعلم فييهآ الآ الله

وبنسبه لـ آخوي صآحب الموضوع الله لآهينك طآل عمركـ فكنآ من التحطيمآت ترآ والله المقبلين ع الآبتعآث نفسيتهم بـ آي لحظة تروح فيهآ
وذآ عندك طموح حآول توآصل طموح ومو آي مشكله تعرض بطريقك تستسلم لهآ ،ولآتحآول تكتب موآضيع مثل هآذي لن ممكن تحطم وتكون السبب في رجوعه عن حلم يتمنآهـ
آنآ رحلتي بـ 20/5/2013 وآنآ متوكل على الله وهو خير وكيل ..


والله يوفقنآ ويوفقك عزيزي ،،

* آتمنى منك تقبل كلآمي كـ نصيحة وشكرآآ .!

عزيزي .. كلامك صحيح في مضمونه .. ولكن ليس على كل حال.. الاكيد ان : السعودي لما يدخل مشكله دائما هو الغلطان عند الشرطه ودائما كفالته عاليه .. والسبب ان الحكومه تدفع كفالات عاليه فلقوها باب رزق جديد مع الاسف..
وبالنسبه للمشاكل والعنصريه انا بنفسي سبق دخلت في اشتباك مع احد الجيران بسبب الكلب الاليف اللي يعتبره ولده .. والحمد لله انه لم يدفع تامين قيمة الكلب للسكن والا كان دخلني في قضايا.. لاني "مزعته برجلي"
اللي يقول مافيه عنصريه .. قله قدم على وظيفه والا تدريب وشف فيه عنصريه والا لا .. انا قدمت على انترن شب على اكثر من 55 شركة .. وانا طالب ماجستير وسيرتي الذاتية ممتازه .. ولا احد طاع يقبلني

يقولون إمشي عدل يحتار عدوك فيك,,أمريكا مثلها مثل أي بلد فيها قليل من العنصريه لكن لاتقارن بعنصرية بعض الدول العربيه والاسلاميه ,أنا في مطار تركيا تعرضت لتصرفات عنصريه من موظفي المطار فقط لأني سعوديه بعكس مطار لوس أنجلس على اني وصلته ونفسيتي زفت إلا إن تصرف موظفين المطار والأمقريشن وابتساماتهم وتسهيل أمورنا بدون اي تعقيد رفع معنوياتي وزانت النفسيه الحمدالله,,الحين انا بولاية أورقن بمدينة بورتلاند ولله الحمد ماشفت اي تصرفات عنصريه على اني اشوف بنات محجبات حجاب كامل الله يثبتهم لكن أمورهم تمام ولله الحمد هي مره وحده شفت واحد يصارخ بحرم الجامعه ع بنت سعوديه ويسب الاسلام والسنه وكان واضح انه امريكي لكن من اصول عربيه,,يعني بالعربي العنصريه تصرفات فرديه وإذا كانت في دول فالي يقدر يتحمل عنصرية الدول العربيه وبعض الاسلاميه ضد السعوديين بيقدر يتحمل اي وضع ثاني,,أمريكا بلد الحريه والأحترام لشخصك كاأنسان مالهم علاقه بعرقك أو دينك لكن إبعد نفسك عن الشبهات.