السلام عليكم,
أخوي مرحباً بك في مبتعث
وطالما زوجتك من مواليد أمريكا ماتحتار ولا تقلق
بمجرد تروح السفارة الأمريكية راح يصدروها لها جواز ولا تحتاج فيزا لأن أمريكا تعتبر بلدها
اعرف ناس معايا مواليد أمريكا وجايين بالجواز الأمريكي وبكدة تقدر تدخل وتطلع من أمريكا براحتها
وتقعد قد ماتبغى
وطالما هي أمريكية يعني راح يطلع لها جواز امريكي ماف شي اسمة جرين كارد ولا هجرة ولا فيزا
هذة الأمور لغير الأمريكا
فخليها تروح السفارة وتوريهم شهادة ميلادها وراح يطلعو لها جواز أمريكي.
سلام
7 " أخوي مرحباً بك في مبتعث
وطالما زوجتك من مواليد أمريكا ماتحتار ولا تقلق
بمجرد تروح السفارة الأمريكية راح يصدروها لها جواز ولا تحتاج فيزا لأن أمريكا تعتبر بلدها
اعرف ناس معايا مواليد أمريكا وجايين بالجواز الأمريكي وبكدة تقدر تدخل وتطلع من أمريكا براحتها
وتقعد قد ماتبغى
وطالما هي أمريكية يعني راح يطلع لها جواز امريكي ماف شي اسمة جرين كارد ولا هجرة ولا فيزا
هذة الأمور لغير الأمريكا
فخليها تروح السفارة وتوريهم شهادة ميلادها وراح يطلعو لها جواز أمريكي.
سلام
March 12th, 2008, 10:25 PM
السلام عليكم ورحمة الله وبركاته ....
أعرفكم بنفسي أولا أنا اخوكم عبدالله عبدالمجيد عضو جديد في المنتدى , وهذي بصراحة أول مشاركة ليا في شي اسمه منتدى وسبب اشتراكي هو أني حصلت على موافقة نهائية للإبتعاث , ولقيت في منتداكم هذا ماشاءالله معلومات كثيرة و قيمة تفيد أي مبتعث وإن شاءالله تكون في موازين حسناتكم والله يوفقكم جميعاً .
وبصراحة ماأدري ايش أقولكم ..
بس في موضوع شاغلني ..
ومالقيت له حل ألين دحين ..
عشان كده أتمنى من أي واحد عنده خبره في هذا الموضوع أو حالته زي حالتي يفيدني
الموضوع بإختصار هو إني متزوج وماني عارف أيش الفيزا المناسبة لزوجتي عشان تجلس معايا طول فترة دراستي هناك
ح تقولولي F2
ح أقولكم ماينفع لأني من مواليد أمريكا ومايعطوني F1
والسفارة الأمريكية تقول ماتآخذ الزوجة F2 إلا إذا كان زوجها F1
ح تقولولي F1
ح أقولكم F1 لطلاب الإبتعاث (يعني دراسة جدية) وهيا ماتبغى تدرس هناك انتظام هيا بس تبغى تآخذ لغة ودورات مختلفة.
والسفارة تقولي ماعندك غير حلين
الأول: انها تآخذ فيزة B1 أو B2 وهذي الفيز للسياحة والزيارة وأقصى مدة ممكن تجلسها هناك بالفيزا دي هيا 6 شهور وبعدها لازم ترجع السعودية , وتسوي طلب زيارة تاني.
وهذا الحل طبعا مو (عاجبها) قصدي مو عاجبني لأني ابغاها تكون جنبي هناك على طول
الحل التاني: هيا انهم يسوولها إجراء هجرة يعني يصدروا لها (جرين كارد) وهيا حره هناك تجلس المده إلي تبغاها ووقت ماتبغى ترجع ترجع
-----------> بس بصراحة متخوف من حكاية هجرة وماهجرة ونحنا نبغى نروح ندرس ونخلص ونرجع إنشاءالله سالمين غانميين.
مانبغى مشاكل وخصوصا انه موضوع الهجرة شويه معقد ويآخذ وقت اطول من الفيزا يعني بكده اروح لوحدي وتبدأ الكارثة في البيت
فأتمنى من أي واحد مر بتجربة زي كده
أوعنده خلفية عن الموضوع
أو يعرف صديق له هناك متزوج يسأله عن وضع زوجته هناك وأيش الطريقه عشان تجلس معاه طول فترة دراسته.
وأخيرا اتمنالكم التوفيق جميعا
وشاكر ومقدر تعاونكم معايا