افكر بالدراسة بأمريكا بس محتاجه ان الصوره توضح لي بالكامل عن الابتعاث .....
السلام عليكم
مساء الخير عالجميع
انا فعلاً استمتعت بالمنتدى الاكثر من رائع ,,..
و قررت المشاركة معكم لأن عندي كثيــــر استفسارات ياريت لو توضحولي الصوره الكامله عن الابتعاث :::
اولاً انا هالترم و بإذن الله خلاص راح اتخرج من كلية التربية اللي تابعة لجامعة البنات بالرياض
تخصصي computer science بكالوريوس طبعاً
و افكر لما اتخرج اسافر مع اخوي اللي مقدم على جامعة اوهايو على حسابه الخاص و ينتظر القبول
لكن ما ابغى على حسابي الخاص
ابغى ماجستير لسى ما حددت التخصص اذا بالبرمجه او الشبكات او علوم الحاسب عامه
يعني ابغى اكون مع اخوي بنفس الجامعه
............ هذي حالتي و ما عندي ادنى فكره عن الابتعاث خصوصاً اني بأدرس ماجستير و ابغى اكون تبع
بعثة الملك عبدالله و ابغى اكون بجامعة اوهايو و طبعاً لازم اكون مع اخوي
ما ادري اذا بيحطوني مرافق لأخوي او العكس مع العلم انو انا بدرس ماجستير و اخوي بيدرس بكالوريوس في هندسة الحاسب
كم احتاج معدل ؟؟
هل بتكون الدراسة على حسابي؟؟
هل بكون مع اخوي بجامعة اوهايو ؟؟
مين اللي راح يكون مرافق للثاني ؟؟
لو كانت الدراسة على حسابي كم بتكون التكلفة الاجمالية سواء للجامعة او السكن او غيره للسنه الواحده ؟؟؟
متى اقدم بعد ما اتخرج هالترم ؟؟؟
و اللي عنده اي اضافات يبغى يوضحها لي ياريت يقول لأنو فعلاً محتاجه توضحولي الموضوع من جميع جوانبه ,,,
ادري ازعجتكم بهذرتي بس اتمنى اتمنى تجاوبوني ,, ادري ما تقصرون ,,
اختكم
د.ميمي
:
:
رد: افكر بالدراسة بأمريكا بس محتاجه ان الصوره توضح لي بالكامل عن الابتعاث .....
وعليكم السلام ورحمة الله وبركاته
هلا اختــي
التقديم ان شاء الله يبدأ بشهر 7
تقدري تقدمي حسب شروطهم
وبعدها مرحلة القبول المبدئي
بعدها مرحلة التدقيق ..
وبعد التدقيق تعلن الأسماء النهائية
طبعا تاخذ فترهـ ووقت
بس تقدري تحطي رغبتك الاولى أمريكا .. واذا جاكِ القبول ببرنامج الملك عبدالله
تجيبي لنفسك قبول من نفس جامعة أخوك
وووووو
تحطين محرمك أخوك
رد: افكر بالدراسة بأمريكا بس محتاجه ان الصوره توضح لي بالكامل عن الابتعاث .....
د,ميمي........بعد التحيه
للاسف الاخبار التى وردت لنا بان المرحله الرابعه لبرنامج الملك عبدالله لن تكون الى لدول محدوده واسيويه فقط .
ايضا انظمة الابتعاث تعطي حق الابتعاث لزوجة المبتعث او زوج المبتعثه...اما اخت المبتعث فلا
عليكم عمل التالي
طلب الالتحاق ببرنامج الابتعاث العام لوزارة التعليم العالي عن طريق الملحقيه الثقافيه في امريكا وذلك بالحصول على معدلات ممتازه وشروط معينه للدخول على حساب الدوله في برنامج الابتعاث
وبالتوفيق ....
رد: افكر بالدراسة بأمريكا بس محتاجه ان الصوره توضح لي بالكامل عن الابتعاث .....
مشكورين عالاجابة ,,
بس للحين ما وضحت الصوره ككل و من جميع جوانب الفكره ياريت بقي الاعضاء يفيدوني باللي يعرفونه ..
و انا ممنونه لكم على استجابتكم لي ,,
د.ميمي
:
:
رد: افكر بالدراسة بأمريكا بس محتاجه ان الصوره توضح لي بالكامل عن الابتعاث .....
شوفي أعرف شعورك .. لأني مريت فيه
الحين أخوك يروح بالسلامة لأمريكا ويدرس
انتي ماتحتاجي تسوي شيء
الين يجي شهر رجب ( لما يعلنون عند بدء التقديم للبرنامج )
وتسجلين بالنت ( بموقعهم )
وتنتظرين لين يجيك مسج بالجوال .. بس الأكيد انهم بيعلنون الأسماء بموقعهم
ووقتها بيكتبون لك الأوراق اللي يحتاجونها
وطبعا .. لازم تنتظري لين تطلع الأسماء المقبولة نهائياً
اذا طلع اسمك بالسلامة ان شاء الله ( أخوك وقتها بيكون بأمريكا ان شاء الله )
تطلبين منه يجيب لك قبول مشروط من الجامعه اللي بمدينته
او قبول معهد بما انك من اصحاب الدراسات العليا
ووقت الملتقى ( الوزاره راح تعلن عن موعدهـ بعد الأسماء النهائية )
تقولين لهم أنا ابغى أجيب قبول .. وتاخذين ضمان مالي منهم
بس نصيحة .. لا تاخذين الضمان المالي الا بعد ماتتأكدين انه انقبلتي وبس باقيلك الضمان للتأكيد
لأنه اذا استلمتي الضمان المالي .. راح توقعين على تعهد انك برف 3 اشهر تجيبين لنفسك قبول
هذا اللي عندي
وكله من اللي مرينا فيه أو مروا فيه أخواني بالمنتدى هنا
أتمنى أكون أفدتكـ
رد: افكر بالدراسة بأمريكا بس محتاجه ان الصوره توضح لي بالكامل عن الابتعاث .....
السلام عليكم ورحمة الله وبركاته
الموضوع مرة طويل اختي الابتعاث اكبر من اننا نتكلم عنه برد واحد..
بداية قبل كل شي الابتعاث قرار كبير ومو بالسهل يعني يبي ليه نية قوية للدراسة وصادقه وهدف معين ..
قبل كل شي ياليت تقولين لي اختي كم معدلك؟؟او كم تتوقعينه؟
الشي الثاني
في حالة انك تبين (امريكا)فهذي يبي صعبة نوعا ما لأن التقديم الجاي راح ينحصر على الدول الاسيوية كما اعلن..
بس فيه طرق اخرى ..وهو انك تلحقين وتجين في اقرب فرصة بعد التخرج انتي واخوك ومن ثم تفتحون ملفاتكم في الملحقية الثقافية في واشنطن ..وغالبا راح يجيكم الرد قريب بضمكم في البعثة ..الانضمام اسهل بكثير من القبول من الوزارة..
طبعا يبي لها توفيق نوعا ما ويبي لها التزام بالدوام ..
في حالة انك بتدرسين على حسابك الخاص كمعدل متوسط في ولايات امريكا يبي لك انتي واخوك شهريا مالايقل عن25الى 35 الف ريال (هذا مجرد اجتهاد مني وعلى المتوسط يعني مو متأكد)
وطبعا شامله كل شي من دراسه وسكن واعاشة..
هذا الي اقدر افيدك فيه اختي
واي شي ثاني انا في الخدمة
اخوك : فيصل
رد: افكر بالدراسة بأمريكا بس محتاجه ان الصوره توضح لي بالكامل عن الابتعاث .....
اقتباس:
المشاركة الأصلية كتبت بواسطة DR.meme
السلام عليكم
عليكم السلام
مساء الخير عالجميع
مساء النور
أولا الله يوفقك انا فعلاً استمتعت بالمنتدى الاكثر من رائع ,,..
و قررت المشاركة معكم لأن عندي كثيــــر استفسارات ياريت لو توضحولي الصوره الكامله عن الابتعاث :::
اولاً انا هالترم و بإذن الله خلاص راح اتخرج من كلية التربية اللي تابعة لجامعة البنات بالرياض
تخصصي computer science بكالوريوس طبعاً
و افكر لما اتخرج اسافر مع اخوي اللي مقدم على جامعة اوهايو على حسابه الخاص يقدر ينضم للبعثة بعد ما يدرس فترة بسيطة ممكن خمسة أشهر على حسابة بشرط أول ما يوصل واشنطن يفتح ملف إلحاق بالبعثة ويستمر يتابعة و ينتظر القبول
لكن ما ابغى على حسابي الخاص
ابغى ماجستير لسى ما حددت التخصص اذا بالبرمجه او الشبكات او علوم الحاسب عامه
يعني ابغى اكون مع اخوي بنفس الجامعه
............ هذي حالتي و ما عندي ادنى فكره عن الابتعاث خصوصاً اني بأدرس ماجستير و ابغى اكون تبع
بعثة الملك عبدالله و ابغى اكون بجامعة اوهايو و طبعاً لازم اكون مع اخوي
ما ادري اذا بيحطوني مرافق لأخوي او العكس مع العلم انو انا بدرس ماجستير و اخوي بيدرس بكالوريوس في هندسة الحاسب
كم احتاج معدل ؟؟
إذا على حسابك ما يهم المعدل كثير يعني اتوقع جامعة أوهايو تقبل 3من5
إذا على البعثه البرنامج الثالث قفل على معدل4.08 من5
هل بتكون الدراسة على حسابي؟؟
تقدري تدرس على حسابك لفترة بسيطة ثم تنضمي على حساب الدوله الفترة ممكن تكون شهر فقط وممكن تكون سنه على حسب متى يمشي ملفك ومتى يوافقو عليه
أما على حساب البعثه فإجرائاتها طويله ومعقده تمتد إلى 8أشهر بعد تخرجك حتى تبتعثي
هل بكون مع اخوي بجامعة اوهايو ؟؟
إذا درست في البدايه على حسابك يصير ما عندك مشكلة فقط تقدمي على نفس الجامعة
أما على حساب البعثه يقدر أخوكي يجيب لك قبول أو أنت تحضري قبول من جامعة أوهايو كأنك راح تدرسي على حسابك ثم إذا جا القبول تقدميه على الوزارة في الوقت المناسب ويعتمدوه
لكن في حالة أن البرنامج الرابع منعو أمريكا فلازم تدرسي على حسابك كم شهر في البدايه حتى يضموك للبعثه
مين اللي راح يكون مرافق للثاني ؟؟
أخوك يكون مرافق لك
لو كانت الدراسة على حسابي كم بتكون التكلفة الاجمالية سواء للجامعة او السكن او غيره للسنه الواحده ؟؟؟
كل جامعة لها رسوم تختلف أما السكن جامعة أوهايو تقع في مدينة صغيرة تسمى أثينس المعيشة والسكن فيها رخيص جدا ومناسب أتوقع السكن ممممم ممكن 350-600دولار في الشهر
هذا إذا ما كنت تقصدي جامعة ولاية أوهايو لأنها تختلف
متى اقدم بعد ما اتخرج هالترم ؟؟؟
في شهر سبعة
و اللي عنده اي اضافات يبغى يوضحها لي ياريت يقول لأنو فعلاً محتاجه توضحولي الموضوع من جميع جوانبه ,,,
جهزي لك ثلاث توصيات من الدكتورات اللي درسوكي في المواد اللي جبتي عندهم درجات عاليه وجهزي لك موضوع لا يقل عن خمس مئة كلمة عن التخصص اللي راح تدرسيه ومدى رغبتك فيه وبعض المقتطفات من تخصصك السابق
ادري ازعجتكم بهذرتي بس اتمنى اتمنى تجاوبوني ,, ادري ما تقصرون ,,
الله يوفقك عزيزتي ما دامك تتناقشي مع طلاب علم فلا تخافي
أو بالأصح لا تحاتي:yay:
اختكم
د.ميمي
:
:
ـــــــــــــــــــــــــــــــــــــــــــ
سلملم
رد: افكر بالدراسة بأمريكا بس محتاجه ان الصوره توضح لي بالكامل عن الابتعاث .....
تسلمولي يارب والله من دونكم ما كنت فاهمه شي اللحين اتضحت الصوره عندي و بإذن الله
بأفكر بشكل جدي بالتقديم بعد التخرج ,,,
اما اخوي اللي يسألني عن النسبه اتوقع تكون 3,5 من 5 يعني اش بتكون حالتي بهالنسبه المتوقعه د.فيصل ,,,
و اذا عالجامعه اخ الميموني انا اقصد the university of findlay يعني ما اقصد اللي تبع اثينس ..
شاكره لكم وربي يوفقكم جميعاً ..
د.ميمي
:
:
رد: افكر بالدراسة بأمريكا بس محتاجه ان الصوره توضح لي بالكامل عن الابتعاث .....