عرض للطباعة
السلام عليكم مبتعثين
انا لي كم شهر فقط بالبعثه وابي اطلب التذكرة السنويه هالفترة هاذي هل اقدر اطلبها والا لازم بعد 9 شهور
والاجازة السنويه اقدر اطلبها ؟؟
,,,
طيب واذا وافقو يعطوني اياها كيف احجز طيران لاني الصراحه ماعرف
الله يجزاكم جنات الفردوس ساعدوني عاجل
و عليكم السلام ورحمة الله وبركاته .. ما أظن اخوي تقدر تطلبها .. لكن حاول انت منت بخسران شي .. طبعا لما تجي تختار تذكره سنويه .. النظام اوتوماتيك ما راح يمكنك من تسليم الطلب ويقولك انك ما كملت تسعة شهور .. لكن اختر اخر خيار اللي هو تذكره اخرى .. و سو الطلب وحط اسبابك اذا عندك اسباب مقنعه .. وهم بيشووفون امرك .. وبالنسبه للطريقه لا تحاتيها .. جدا سهله وبسيطه .. اذا وافقت الملحقيه على طلبك .. راح يحولونك على الطيار .. يا اما تدق عليهم اذا كنت مستعجل او هم بيدقون عليك .. بعدها تتفق معهم على الي تبيه .. وصلى الله وبارك .. والله يوفقك اخوي وييسر امورك
انا نفس حالتك اول ماجيت امريكا جلست ستة شهور وقدمت على تذكرة طبعا ماقدر اطلب تذكرة سنوية لأني ماكملت 9 شهور ولكن طلبت تذكرة اخرى وكتبت السبب اجازة سنوية والحمدلله تم الموافقه عليها
ايضا شخص معي بنفس الجامعه بس ماكمل خمسة شهور وطلب تذكرة وجاته
لكن لكن لكن اكثر من واحد من اصحابي بنفس حالتي طلب تذكرة ولكن تم رفضه
طبعا الحمدلله اولا وأخيراً لكن ليه وافقو لنا ورفضوهم الله اعلم