قدر الضغط ؟؟؟ استفسار

عادي تخلص من الكرتون لانه يأخذ مساحه وحط القدر بالشنطه

ايه مسموح في الجمارك عادي تراه قدر ، انا حملته معي جوا شنطتي وعادي بس انا قدري حجمه وسط مو كبير ترا

وترا امريكا فيها قدور ضغط تنباع بالبقالات العربيه نفس حقاتنا اللهم اختلاف بسيط في طريقه تقفيل القدر

وبس

تسلمين أخت هيفاء

بالنسبة للي موجودة بأمريكا سيئه ما يستفاد منها

والله اللي في امريكا افضل من اللي بالسعوديه .. لان اللي في امريكا كلها انواع كويسه مره .. وكلها تحت الضمان يعني ماعليك خوف منها باذن الله ..
بينما اللي بالسعوديه .. خليطي .. حسب معرفتك بالقدور وجودتها .. ممكن تطيح بصيني .. وممكن تطيح بالماني !
واما عن الامان .. فالواحد يتشهد قبل يستخدمها .. ..

بس المشكله دائما بالقناعه .. يعني لما تكون مقتنع ان القدور اللي بالسعوديه افضل .. فخلاص تبقى عندك انها افضل مهما كانت جودة السلع الاخرى !

انا اتكلم بحكم تجربتي ..

عندي قدرين ضغط .. صغير وكبير .. شاريها من ول مارت .. وصارلها عندي مايقارب الثلاث سنوات ولا فيها الا العافيه ..
اطبخ فيها بشكل دايم .. والقدر الكبير دايم مع الشباب يطبخون فيه بشكل يومي ..!
ومبسوطين ومستانسين ولا علينا خلاف لله الحمد . ..

والله ياخوي أنا ما أفهم في القدور ولا في الطبخ والنفخ

بس واحد من الشباب طلب مني أجيب له من السعودية والسبب يقول اللي في أمريكا جودتها مش ولابد.

على كل حال بقوله يشوف "ول مارت" يمكن يطلع كويس ..

تحياتي ..

عطه هالرابط : pressure cooker - Walmart.com
يشوف اللي يعجبه ...

بس اهم شي يتأكد ان القدر Stainless Steel .. يعني حديد مضاد للصدء ..
وراح يلاقي انواع ممتازه .. حتى فيه انواع على شكل قدر الضغط اللي بالسعوديه ..

وان شاء الله ماراح تحتاجون قدور من السعوديه .!

قدور الضغط صارت تستخدم لغير الطبخ، انتبهوا

أعلن عن سحب موضوعي وتراجعي عن اقتناء قدر الضغط وسأكتفي بـ"الحله" وارد باسيف والله الموفق.

ردك أكدلي كلام مرافقي ههههه بيقولي مالك ومال قدر الضغط أهم شيء سلامتنا في المطارات ^^ خلاص ماحنا أخدينه وإن شاءالله نحصله بأسواقهم ..

مانصحك بعد الي صار تاخذه الان هنا متًوفر كل شي وانا شريته من هنا وتيفال احسن نوع