رفض طلب ضمان مالي بغرض القبول من المدير الاقليمي لتخصص مختلف ... مساعدتكم
السلام عليكم و رحمة الله وبركاته
يسعد ايامكم اخواني
انا عندي مشكلة و اتمنى من اصحاب الخبرة و التجربة افادتي الله يجزاكم خير
انا خريج ادارة اعمال من السعودية و قرار الحاقي كان بتخصص ماجستير ادارة اعمال
الان باقي من مرحلة اللغة شهرين بالضبط ، و لله الحمد حصلت على درجة ايلتس و جيمات معقوله
و انا من قبل ما اجي امريكا حاط في بالي اني راح ادرس تخصص مختلف عن تخصصي في البكالوريوس
قبل شهر حصلت التخصص اللي ابيه بعد تعب شديد وهو تخصص ادارة المخاطر M.S. in Risk Control
و بعد محاولات مع الجامعة بحكم درجة الايلتس حقتي منخفضة عن المطلوب قالوا فيه مجال نقبلك للفول القادم
لكن لازم تسوي التطبيق على الموقع و تدفع ابلكيشن و ترسل اوراقك مع الضمان المالي بغرض القبول او شهادة بنكيه بمبلغ 25 الف دولار خلال شهر لا اكثر.
المشكلة الان اني سويت طلب ضمان مالي بغرض القبول و المدير الاقليمي رفض و السبب ان التخصص مختلف و بعد ما راسلت المشرف قال لي ارفع طلب ثاني و اكتب سبب تغيير التخصص و راح يوافق، بعد ما سويت طلب ثاني رفض المدير الاقليمي و قال ان التخصص هذا ما له اي علاقة بتخصصك في البكالوريوس.
السؤال هنا: كيف احصل على ضمان مالي بغرض القبول لهذا التخصص؟
السؤال الاخر: وش تنصحوني اسوي؟
و هل اذا سافرت الى واشنطن .. في امل ان اجد حل للموضوع هذا؟
شاكر لكم مقدما اخواني
رد: رفض طلب ضمان مالي بغرض القبول من المدير الاقليمي لتخصص مختلف ... مساعدتكم
وعليكم السلام ورحمة الله وبركاتة .. الله يكون بعونك والله ياخوك مافيه اللى تجحز على واشنطن وتروح لهم وان شاء الله يوافقون واتمناالك التوفيق والنجاح
رد: رفض طلب ضمان مالي بغرض القبول من المدير الاقليمي لتخصص مختلف ... مساعدتكم
احجز على اقرب طياره لواشنطن وادخل على العيسى واشرح له وش سالفتك واشرح التخصص اللي راح تدرسه وانه مقارب لتخصص البكالوريوس وان له مستقبل كبير في البلد وان شاء الله ما راح يقصر معك
لان يبدو لي ان المدير الاقليمي لا يفقه شي ومالك الا الله ثم العيسى
رد: رفض طلب ضمان مالي بغرض القبول من المدير الاقليمي لتخصص مختلف ... مساعدتكم
الله يجزاكم خير و يوفقكم يا شباب
شكل ما فيه الا نحجز على واشنطن عند نزول المكافأة القادمة
والله يكتب لي و لكم الخيره يارب
رد: رفض طلب ضمان مالي بغرض القبول من المدير الاقليمي لتخصص مختلف ... مساعدتكم
أخي الكريم فيه طريقه أخرى.
إذا تقدر تجيب ضمان بنكي من السعوديه، بمبلغ 100.000 ريال مثلا في حسابك او حساب أحد من عائلتك.
وتقدم ع الجامعه عااادي، وتاخذ القبول منهم،
وبعد ما تاخذ القبول، تقدم الطلب ع الملحقيه مرفق معه القبول، ووقتها تكون حطيتهم في الأمر الواقع
وطبعا لازم تكتب في الطلب المبررات بشكل يوحي بأنك مصر على هذا التخصص
ولكن، قبل كل شي، صلِّ لله ركعتين استخاره.
وبالتتوفيق
رد: رفض طلب ضمان مالي بغرض القبول من المدير الاقليمي لتخصص مختلف ... مساعدتكم
الله يجزاك خير يالطيب
فكرة ممتازه و ان شاء الله بسويها اذا قدرت
الله يكتب الخيره مهما كانت
رد: رفض طلب ضمان مالي بغرض القبول من المدير الاقليمي لتخصص مختلف ... مساعدتكم
طيب ادارة المخاطر قريبة من تخصصك
رد: رفض طلب ضمان مالي بغرض القبول من المدير الاقليمي لتخصص مختلف ... مساعدتكم
ايه انا اشوف انه قريبه لكن المدير الاقليمي مو متفهم الموضوع ، للآسف !!
رد: رفض طلب ضمان مالي بغرض القبول من المدير الاقليمي لتخصص مختلف ... مساعدتكم
طيب المدير الاقليمي من هو
وقبل ما تطلع على واشنطن حاول تكلم العمر او ترسل له ايميل يكون افضل
بس ياليت نعرف المشرف
- - - مشاركة محدثة - - -
طيب المدير الاقليمي من هو
وقبل ما تطلع على واشنطن حاول تكلم العمر او ترسل له ايميل يكون افضل
بس ياليت نعرف المشرف
رد: رفض طلب ضمان مالي بغرض القبول من المدير الاقليمي لتخصص مختلف ... مساعدتكم
منور اخوي مبلش
المدير الاقليمي هو الدكتور فهد العتيبي
المدير الاقليمي لكاليفورنيا
و بإذن الله اليوم راح ارسل ايميل للعمر و من بكره الصباح بدق عليه
الله يجزاك خير يالطيب