الخطوات الاخيرة! مالعمل عند الوصول للمطار؟!

السلام عليكم.

انا خلاص ان شاء الله مسافر الاسبوع القادم, و عندي كم سؤال قبل ما امشي.

ورقة ال I-94 هل استلمها في الطيارة؟ ولا اطبع وحدة ولا استخدم نموذجهم الالكتروني؟

اول ما اوصل المطار هل في احد يستقبل الطلاب ولا ادبر نفسي؟

هل احتاج احجز في فندق ولا الي بيستقبلنا "بيزبطنا"؟

انا رايح على حسابي الخاص, هل من الضروري زيارة الملحقة لتفعيل الدراسة ولا الموضوع صار اونلاين؟

انا معي شنطتبن قياس الوحدة 95 انش (الطول في العرض في الارتفاع) وحسب كلام United Airlines انا بدفع 100$ على الوحدة و ماعندي اشكالية, بس ابغى أتأكد اذا احد مر بموقف مشابه, عشان مابغى اتورط و يقولو ارمي وحدة ولا مادري ايش! محدثكم ماله بالسفر والمطارات!

وبس انا اعتبر نفسي جاهز و ان شاء الله تتيسر الامور.

وشكرا!

و عليكم السلام ورحمة الله وبركاته .. اخوي بالنسبه للورقه راح يعطونك اياها في الطياره وراح تعبيها انت بنفسك وما يحتاج تطبع شي .. طبعا بيعطونك نموذجين واحد للجمارك و واحد I-94 .. بالنسبه للاستقبال اذا انت بتوصل مطار واشنطن .. نعم يوجد هناك شخص من الملحقيه مخول باستقبال المبتعثين ونقلهم للفندق والي راح تدفع فلوسه انت .. الملحقيه مو لازم تمرها كل شي اون لاين .. الشناط حاول توريهم كرت الصعود حق الرحله الدوليه ويمكن يمشونك من دورن رسوم اضافيه .. لكن تأكد حتى لو معك ثلاث او اربع شناط .. دامك بتدفع الضريبه عليهم راح يمشونك .. والله يسهل امورك عزيزي وتوصل بالسلامه

يعطيك العافية يا BE OPTIMISTIC يعني خلاص لا اسوي حجوزات ولا شيء, احط رجل على رجل خلاص و اروق لين يوم السفر.

الله يستر بس, باقي ازبط اموري في المدينة الثانية بعد واشنطن وهذ سهلة.

وشكرا

أيه اخوي تطمن وزهب شناطك و حاول تضبط الوزن في كل وحده ما يزيد عن 23 كيلو عشان ما تدقع اكثر من غرامه .. وأعرفكم يالسعوديين ما يسافر الواحد الا شاحن مطبخه معه ههههههههه > عني انا من الحرص ماخذ كاسات معي .. كان امريكا فيها فقر كاسات .. لا وما وصلت هناك الا وهي متكسره :) هذا غير الملاعق والبهارات .. الخ .. ما يستفاد من هذا تطمن كل شي موجود هنا ان شاء الله .. يمكن الي تحتاجه تمر وقهوه وهيل .. واذا كنت تحب بهارات معينه .. غير هذا لا تكثر اغراض.. وتوصل بالسلامه ان شاء الله

لا والله ماني شايل غير ملابس و السوني و لابتوب و برضو شنة ام 23 كيلو ما كفت فأخذت وحدة اكبر, الله يعين على الغرامة بس مو مشكلة.