هل فى رأيك ان الدراسة فى امريكا تجعل الشخص يتخلى عن جزء من دينيه

يقول المثل .. من طلع من داره قل مقداره .. <<< شطحه :)

اقتباس:

---

لو سمحت اخوي ممكن توضح الولايات الي ما فيها عنصرية من ناحية الحجاب و العباة الاسلاميه

---

ابشر و لا يهمك
المسألة بسيطة عشان تعرف الولايات العنصرية من غيرها
كل ما كنت في الشمال و الغرب و الشرق كل ما كانت اقل و كل ما توجهت لـ الوسط و الجنوب كل ما كانت اكثر
حتى الوسط و الجنوب لو لقيت فيها مدن كبيرة مثل دالاس , دنفر , ,, الخ تكون العنصرية فيها اقل بـ كثير من انه تروح لـ مدينة صغيرة او قرية في الولايات هذي
بـ صفة عامة مع كثرة السعوديين خفت المضايقات لحد ما ,, لكن ما تزال موجودة في الوسط و الجنوب
فـ اتجنب الولايات الجنوبية
اتجنب القرى الصغيرة في الوسط الامريكي
و ان شاء الله رح تكون بـ الف خير
شيء ثاني ,, كل ما اتعددت الاعراق في الولاية كل ما كانت نسبة تقبلهم لـ الحجاب افضل ,, لكن في المقابل ترتفع نسبة الجريمة فكون حريص في هـ الناحية
لو اخذت جولة على مبتعث رح تعرف معظم الولايات اللي يتركزوا فيها السعوديين فـ بالتالي يكون اسهل لك الاختيار
لانه سعوديين كثير يعني الولاية امنة و العنصرية قليلة جدا

وش رايك لولاية MA بالنسبة لتقبلهم للنقاب و الحجاب اقصد تغطية الوجه كاملاَ

انا معهدي في كامبرج وبأسكن في بوسطن

وش رايك؟؟؟؟

أولا .. بالنسبه لمسألة تعارض الصلاة مع اوقات الكلاسات .. فأنا ماشوفها مشكله ابدا ..
لان من الأساس اوقات الكلاسات انت اللي تختارها .. بمعنى جدولك الدراسي انت اللي تختاره ..
فإذا كان جدولك يبتدي من الساعه 7 الصباح .. فإحتمال ينتهي الساعه 12 او 1 الظهر كحدد اقصى .. (هذا لو انت منزل فقط 12 ساعه)..
اما اذا كنت تبي تنزل أكثر .. تقدر تختار الاوقات اللي مافيها صلاه .. مثلا الصباح عندك من الساعه 7 الى 12 تقريبا هذي مافيها صلاه ..
ومن بعد وقت صلاة الظهر الى وقت العصر .. هذي عادة فيها 3 الى 4 ساعات تقريبا .. تقدر تاخذ فيها كلاس او كلاسين بعد .. وتخلص وتصلي العصر بوقتها !

بالبدايه انا ماكنت حاط ببالي هالفكره .. لاني كنت مركز على وقت الكلاسات كيف اخليها ورى بعض ماحب أخلي انتظار اكثر من ساعه بين الكلاسات .. علشان اخلص بسرعه ..
وكنت اكلم الدكاتره اللي يصادف كلاساتهم صلاة الظهر .. واقولهم أني مسلم واعلمه بوقت الصلاه بالضبط .. ويسمحون لي .. حتى مايحتاج اني اقطع الشرح .. خلاص بس اطلع من الكلاس وهو يشرح واصلي وارجع وهو باقي يشرح ..
لان عادة الدكاتره ماعليهم منك تطلع تدخل عادي .. اهم شي ماتكون طلعاتك ودخلاتك كثيره .. يعني تطلع مره .. ووقت الطوارئ مرتين مو مشكله ... بس ماتغيب عن الكلاس اكثر من عشر دقايق .. لان اكثر من عشر دقايق يحسبها لك غياب !

لحتى بعد فتره .. لما بديت افهم نظام الساعات والكلاسات واعرف اوقات الصلاه متى تكون بالصيف وبالشتاء .. يعني اخذت على التواقيت بشكل عام .. صرت خلاص احط كلاساتي مع الصبح وبين الظهر والعصر .. ولا ازيدك من الشعر بيت .. اخلص كلاساتي ويبقى على العصر ساعه اكل فيها واخذ شاور وابدل واكون مجهز نفسي لصلاة العصر في الشقه خلاص ! ..

فاكيد راح يكون عندك وقت كافي جدا لو نظمت وقت كلاساتك تكون بالصباح وبين الظهر والعصر ...

لان بامريكا اوقات الصلاه تكون متاخره .. مثلا بالمدينه اللي انا فيها .. صلاة الظهر تكون تقريبا مابين الساعه 1:05 والساعه 1:25 .. والعصر تكون مابين الساعه 4:45 و الساعه 5 ..
فراح تلاحظ ان فيه وقت كافي لكلاس او كلاسين بين الظهر والعصر ..
حتى لو كان يوم جمعه .. يقدر الشخص بانه يخلي كلاساته يوم الجمعه الصباح .. او حتى يقدر يخلي كلاساته بغير يوم الجمعه .. يعني يكون مثلا يومين بالاسبوع او من الاثنين الى الخميس .. والجمعه تكون عطله له ..


فالدراسه ماتغير في الشخص .. إنما الشخص هو اللي يغير في نفسه ..
يعني لو الشخص مثلا يبي يواضب على الصلاه باوقاتها .. فراح يهتم بان تكون دراسته خارج اوقات الصلاه .. بنفس الطريقه اللي ذكرتها فوق .. وبكذا راح يبقى محافظ على الصلاه بوقتها ..
حتى الصيام .. سواء كان رمضان او كان المسلم يؤدي صيام النوافل .. فلن يتغير عليه شيء ..

فالشخص اذا كان متمسك بدينه وإيمانه قوي بالله عز وجل .. صدقني ماراح يتغير وين ماراح ووين ماكان .. فالذهب يبقى ذهب اينما ذهب ! ..

بارك الله فى كل من رد على الموضوع واسائل الله لهم التوفيق والسداد

بسم الله
جميل ان يعود الدين عباده وليس عاده ، فحين ترى البعض يذهب لديزني لاند وانت تتوجه للمسجد فهذه عباده ، حين يطلق البصر في الحلال والحرام ونظرك موجه للأرض فهذه عبادة ، حين تتبرج الفتيات والنساء وأخريات يرتدين الحجاب فتلك عباده . وذلك لا يكون الا بتوفيق من الله ان قسم لنا ولهم من خشيته ما حال بيننا وبين معصيته ولله الحمد والمنه.