الفحص الطبي للدارسين على حسابهم الخاص
السلام عليكم ورحمة الله وبركاته
مثل ماهو موضح بالعنوان يجي على كل شخص يريد الدراسة ان يعمل الفحص هذا
انا بالرياض وحملت نموذج الفحص , وكل اللي اعرفه اني اروح لمستشفى (حكومي) واعبيه
اللي يعرف مستشفى يعرف هالشغلات يعلمنا . احتاج اي شيء ثاني ؟
وكم ياخذ وقت الكشف ؟ في وقتها يخلص ؟
وشكرا
رد: الفحص الطبي للدارسين على حسابهم الخاص
عليكم السلام ورحمه الله وبركاته ، اذا حملت النموذج تروح فيه لوزاره التعليم العالي وعليه صورتك تسوي له تختم ثمن تروح للشرق بالسلي لمستشفى الملك سعود للامراض الصدرية
تسوي كشف وبعد ما تخلص يعطونك ورقه يكون موعد تسليم النموذج بعد اسبوع ، مووفق ياارب
رد: الفحص الطبي للدارسين على حسابهم الخاص
اقتباس:
المشاركة الأصلية كتبت بواسطة يآآسر
عليكم السلام ورحمه الله وبركاته ، اذا حملت النموذج تروح فيه لوزاره التعليم العالي وعليه صورتك تسوي له تختم ثمن تروح للشرق بالسلي لمستشفى الملك سعود للامراض الصدرية
تسوي كشف وبعد ما تخلص يعطونك ورقه يكون موعد تسليم النموذج بعد اسبوع ، مووفق ياارب
الله يجزاك خير ..
طيب ليه وزارة التعليم العالي ! ما يكفي ختم المستشفى ؟
رد: الفحص الطبي للدارسين على حسابهم الخاص
المستشفى ما يقبل النموذج الا لما يشوف ختم الوزاره التعليم العالي : ) طبعا مقرهم في الشمال ..
اميين وايااك
رد: الفحص الطبي للدارسين على حسابهم الخاص
والله يا اخوان انا بالشرقيه ولا ادري عن ختم الوزاره , وانا قدمت على دراسة الحساب الخاص وفحصت بمستشفى حكومي من غير ختم الوزاره ورفعت الطلب على موقع الوزاره وقبلوه
اذا كان في الرياض شي ثاني الله واعلم
للتوضيح انا اقصد بختم وزاره التعليم العالي , بالنسبه لي ما ختمت ولا شي ورفعت الطلب والحمدلله جاني القبول
اتوقع اهم شي عندهم يشوفون الختم حق وزاره الصحه على نتيجة الفحص
والله اعلم
رد: الفحص الطبي للدارسين على حسابهم الخاص
مثل ما قال الأخ ياسر ، تعبي النموذج و تروح لوزارة التعليم العالي - إدارة البعثات بحي الغدير و معك صورة ، راح يدبس الموظف الصورة و يختم على الصورة و النموذج . يقبلون أي مستشفى حكومي ( و لا يقبلون المستوصفات ) . أنا رحت لمستشفى الملك سعود للأمراض الصدرية بحي السلي . الفحص ما ياخذ تقريبا نصف ساعة ، النتيجة بعد أسبوع .
وفقك الله لما يحب و يرضى
رد: الفحص الطبي للدارسين على حسابهم الخاص
فعلا لازم ختم الوزارة , رحت للمستشفى يوم الخميس العصر وما كانوا مداومين , وحصلت موظف وكلمته عن الفحص
وقال لازم ختم من الوزارة على صورتك الموجوده ع النموذج .. وترجع لنا ايام الاسبوع قبل الظهر , وتطلع النتيجة بعد اسبوع
الحين ان شاء الله بروح لهم :)
رد: الفحص الطبي للدارسين على حسابهم الخاص
أنا رحت مستشفى الملك عبد العزيز قالو لي روحي مركز صحي صحيح الكلام هذا ولا ما عندهم خلفيه ويبغون يصرفوني بس ماسويت ختم ع الصورة
رد: الفحص الطبي للدارسين على حسابهم الخاص
دام انهم قالوا هالكلام روحي وجربي لكن ما عندي خلفيه الصراحه عن مركز صحي . .
الامور تستاهل ان شاء الله