استفسار ( عاجل ) بخصوص أكثر من قبول لمعهد اللغة

السلام عليكم ورحمة الله وبركاته..
أرجو من الله أن يكون الجميع بخير و عافية

استفساري الله يحفظكم عجزت أفهمه و ما ودي أسوي شئ مو متأكدة منه

أنا قدمت على معهدين لغة وجاني القبول من الأثنين ، واستخرت بينهم واخترت فيهم واحد وطلعت الفيزا عليه وكل شئ
المهم ، الآن أنا في بلد الابتعاث وأرسلت للمعهد الي أبي أكنسله واعتذرت منهم وطلبت يكنسلون قبولي عندهم بحجة إني أبدرس في معهد ثاني
اليوم الي بعده أرسلوا
:In order to transfer, please send us the acceptance letter to the other school.Thank you.

الي فهمته أنهم يطلبون مني أرسلهم قبولي من المعهد الثاني ( الي بدرس فيه ) عشان يسوون لي تحويل !!

طيب سؤالي :أنا ما درست عندهم فهل من حقهم يسوون لي تحويل ؟ وعلى أي أساس ؟

مو كان من المفترض أطلب منهم يكنسلون قبولي عندهم !! ومن المفترض أنهم يكنسلونه على طول من غير لا يحققون معي أنا وين بدرس !!

ما أدري وش نظامهم ؟ يعني وش المفروض إنه يصير ؟!
هل أرسل لهم قبولي من المعهد الي بدرس فيه ولو إني مو متطمنة ليه بيسوون تحويل !!
لأنهم أرسلوا لي بعدها إنهم ينتظرون ردي وأنا مترددة وطنشت
أذكر في الملتقى د/ ماجد الحربي يقول إذا كان عندكم أكثر من قبول اختاروا واحد وكنسلوا البقية ولا طرى للتحويل طاري
فَ الي مر عليه موضوع مثل موضوعي ياليت يفيدني وجزاه الله خير ..في أمان الله..

اذا كانت فيزتك على المعهد الجديد ماعندك مشكلة لو عندك عشو قبولات الله يوفقك

أخ يوسف الله يجزاك خير و يوفقك

يعني أش ارد على المعهد !! خصوصا أنهم ينتظرون ردي وأنا ما ودي أرسلهم قبولي من المعهد الي بدرس فيه

و غير كذا أبي أتأكد هم كنسلوا قبولي عندهم ولا لا !!

اختي لا تخافين.اهم شي المعهد الي طلعتي الفيزا عليه والباقي بس رسالة منك تخبرينهم انك ماراح تدرسين عندهم مع اعتذار وانك طلعتي الفيزا على معهد ثاني. الله يوفقك

أصلا ما يحتاج ترسلين لهم رسالة رسالة اعتذار حتى....مجرد انه بدأ وقت الدراسة المكتوب في الآي توني وانتي ما وصلتي للمعهد القبول يتكنسل اوتوماتيك

يعني انتي اللي عليك تسوينه الحين اعتذري منهم وقولي انك طلعتي الفيزا على معهد ثاني وهذا الاعتذار مو اجباري مثل ما قلت لك

تحياتي

اقتباس:

---

المشاركة الأصلية كتبت بواسطة Ammoori

أصلا ما يحتاج ترسلين لهم رسالة رسالة اعتذار حتى....مجرد انه بدأ وقت الدراسة المكتوب في الآي توني وانتي ما وصلتي للمعهد القبول يتكنسل اوتوماتيك

يعني انتي اللي عليك تسوينه الحين اعتذري منهم وقولي انك طلعتي الفيزا على معهد ثاني وهذا الاعتذار مو اجباري مثل ما قلت لك

تحياتي

---

فعلآ كلآمه صحيح .. مو لآزم إعتذآر ولآ أي شي ..
أنآ قبل أجي أمريكآ عندي قبول من 5 معآهد وجيت على معهد معين .. مآدري بس أتوقع هم مآفهموآ عليكـ إنكـ حآليآ موجودهـ بأمريكآ وفيزتكـ على آلمعهد أللي إنتي فيه ..
قولي لهم إنكـ تدرسي بآلمعهد وفيزتكـ عليه ..
أو خلآص لآ تردي عليهم .. مو لآزم تعتذري ,, يكفي إنهم أخذوآ منكـ رسوم آلتقديم على آلمعهد ..

لآ تشيلي هم, ولآ تخآفي من هآلموضوع ..
موفقه ,,

آسفة تأخرت في شكر الأعضاء الي دخلوا وردوا علي
أخ يوسف
و Ammoori
وحروف متناثرة
الله يرفع من قدركم و مقداركم و يوفقكم في الدنيا والآخرة . اللهم أمين
في أمان الله