ضايــــــــــق صدري

الحمد لله ، أن شاء الله يكون هالحماس اكبر دافع لك لتحقيق اعلى الدرجات .. وفقك الله

الله يوفقك الجميع وييسرها للكل

جامعي طموح

لك وحشه من زمان ماشفناك ، بشر كيفك وكيف بعثتك

أقول اسكت أنت و اياه و عن التشاؤم و البكاء على الأطلال لا أصفق فيكم

أكثر أسباب ضيقة الصدر للمبتعث هي الوحدة و قلة النشاطات خارج المنزل .. و تذكر الماضي السحيق مع الأهل في الوطن
يا شباب أنتوا ما هاجرتوا إلى زحل .. تراكم فرق كم ساعة بس عن السعودية .. حدها رحلة 15 ساعة و انت عند أهلك ككككك

اطلعوا الله يرحم أبوكم .. أنا ببوسطن و أتفهم الشتاء القارس اللي ما بغى يخلص .. ستة أشهر شتاء أعوذ بالله فكرت أنقل من الولاية و ربي طفشت
لكن ألحين جات الشمس يا زينها .. انزل الحدايق و امش على رجليك .. المشي جدا يعدل المزاج

1- ما تلقون مثل السعوديه لو تلفون الارض
2- اذا كان الضيقه تجيك فجاه وبدون اي سبب !! حتى وانت مروق مع العيال ( افحص فيتامين د3 ) ( ماااااا امزح من واقع خبرة شخصيه وتجربه )
3- الاستغفار 1000 مرة + لو بتزيد الصلاه على الرسول 1000 ( الله صل على محمد ) + لا اله الا انت سبحانك اني كنت من الظالمين ) 1000 في اليوم كلها ما تاخذ نص ساعه من اليم كله !! ///..فيه ذي عجيبه زي الخاتم Amazon.com: BestDealUSA Hand Finger Tally Counter Digital Electronic Head Count Purple: Everything Else
4- الله يصبرنا على ذا الديره والغربه اللي تقطع المخ !

ماتضيق الا وتفرج باذن الله ...

استغلوا اوقات فراغكم بذكر الله وقرائة القران ..
ولن ترون الا إنشراح بالصدر وصحه ونشاط .. باذن الله ..

قال رسول الله صلى الله عليه وسلم ما أصاب أحدا قط هم ولا حزن فقال اللهم إني عبدك وابن عبدك وابن أمتك ناصيتي بيدك ماض في حكمك عدل في قضاؤك أسألك بكل اسم هو لك سميت به نفسك أو علمته أحدا من خلقك أو أنزلته في كتابك أو استأثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي إلا أذهب الله همه وحزنه وأبدله مكانه فرجا).

قلبتو الموضوع شات ههههههه وكل واحد حكى عن همومه أصلا مافي احد مرتاح لا اللي بين أهله ولا اللي بعيد عن أهله ولا احد راضي بحياته الله يسعد ويوفق الجميع.ويوفقني يارب ... الدراسه بصفه عامه بعيد عن الاهل كلها تعب بذات اللي ع حسابه يعاني من بدايه ما يبتدئ بإجراءته الين مايبتعث ويرتاح

ياشباب وش فيكم كذا؟؟
انا الحين متحمس وابي اطلع واسافر واشوف امريكا
واقول بفتك من هالديره وهالزحمات وهالحر؟؟
وانتم متضايقين من البرد؟ والبعثة؟
فعلاااااااااااااااااا مافيه اح مرتاح

والله ياخوك خلك من النفسيات. والله الحااااااااال رهيييييب والوضع اوكيه ويارب لك الحمد مستاااانس الحين عندي اجازة الصيف ثلاث شهور وفللللللللللله يارب لاتغير علي


ياخوك لاتقارن الحياه بديرتنا المخيسه وتكرم عنها الحرمين الشريفين

ومقصد كلامي شد الهمه ودبل الدعسه وتعال باسرع وقت وشفلك بلد درسفليه

يعني دراسه + فله = درسفليه <<<< انا المخترع الوحيدد للكلمه )))))

انشهد انك كفووووووووووووووووووووووو. يالبى التفائل ماشالله طالع مع خشمك ههههههههه الله يديمه عليك

^^^^^^^^^^^^^^^^^^^
ذا الكلام الي يشرح الصدر لاظيق الله صدوركم

اسحبوووو على النفسياااااااات ترا والله توديكم للجحيييييييم. واخرتها تيتي تيتي زي مارحتي طسيتي هههههههه


امزح معكم والمقصد من كلامي مره اخره التفائل زين ياخي قل هي ثلاث او اربع سنين وانا راجع للديره المخيسه لاحق عليها

هههههههههههههه. ينعل ام التناقض ياشيخ. خخخخخخخخخخ

المهم انبسطووووو باي شي يكفي انك تقرا ردي. <<<<<<< اقول بره مكثر بطاطس هههههههههههههه