شرح طريقة صرف مكافأة المرافق بعد صدور قرار مجلس الوزراء

تم التواصل مع احد صحفيي سبق وان شاء الله خير .. عقبال باقي الصحف ..
تبغوا تعرفوا سبب كل الي يصير والله انتم السبب وسكوتكم راح يجبرهم يتمادوا اكثر ... قبل أسبوع صدر أمر صرف راتب شهرين للدفاع المدني .. و اليوم تفعل القرار و بدء الصرف..

ماشاء الله الدكتوره خيريه عندناا في المنتدى {{ والله طفح الكيل }}

همتكم يا جماعه نبغى اكبر عدد من الرسائل
عدد اللي شاهدوا الموضوع اكثر من ١٤٠٠ واللي ارسلوا بس ١٠
تكفون حقنا لا يضيع

تم الإرسال,,
نحن في مملكة الإنسانية!!!

بصراحه شي عجيب يعني الملك اقر الموضوع وامرهم بصرفها يعني العيب من الوزاره والماليه المفروض الشكوى توصل للملك مو الصحافه

تم الارسال الحمدالله وانشالله خير

السلام عليكم ورحمة الله
اشكر كل الشكر صاحب الموضوع على حرصه على هذي الالتفاته ! كما اشكر كل اخواني ايضا

انا كلمت شخص من معارفي صحفي بجريدة الشرق الاوسط وقلت له راح اجيب لك المقال وانت انشره بالجريدة ! بس المشكلة في المقال ! اذا فيه احد يعرف يكتب مقال ويقول الزبدة كلها تكفون ارسلوه لي ع الخاص وان شاء الله تنحل هذي المشكلة


تنبيه / ليلة امس جالس مع واحد من اخوياي ودار بيني وبينه هذا الكلام

قلت له انا ان شاء الله راح اكلم صاحب لي صحفي بجريدة الشرق الاوسط عشان يضع مقال ويكتب عن الزيادة( هو مرافق لزوجته المبتعثة) قالي وليه تسوي كذا تفكر انو راح يلبونك ويصرفون لكم هذي الزيادة ! ؟ قلت له هذا واجبنا واهم شي مانسكت لان الساكت عن الحق شيطان اخرس وهذا حقنا وفيه قرار من مجلس الوزارء والموضوع خالص بس اذا سكتنا لهم راح يتناسون الموضوع ويلفونه بطريقتهم المعتادة ! طلبت منه يساعدني اذا عنده صديق له صحفي بجريدة اخرى لنشر المقال فقال لي الزيادة ماتشملني ليه اتعب نفسي !!! انا تفاجأت بصراحة من رده

ياجماعه يقول الحبيب المصطفى عليه الصلاة والسلام احب ل اخيك المؤمن ماتحبه لنفسك ومومعناتها اذا الزيادة مالي نصيب فيها مااتمناها لاحد غيري !؟

اتمنى من الجميع التفاعل واخذ الامر بعين الاعتبار عشان نوقف هذي المهزلة

واي شخص يعرف يكتب مقال ويرتبه يرسله لي على الخاص وانا راح اشوف جريدة اخرى ان شاء الله

موفقين

جاري الإرسال
شدو حيلكم يامبتعثين

جاري الارسال ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,, تم الارسال بنجاح


وفقك الله وكثر من امثالك


في فمي ماء !!

مشكور ي الغالي فيصل على تفاعلك وانا احاول اصيغلك مقال هذه اليومين وارسله لك على الخاص .. ومشكور مرة اخرى