لي 4 شهور و 90٪ قررت ارجع السعوديه !

أخوي الصبر طيّب ،
وبالبلد اللي انت فيها جمميله وفيها من الوناسه اللي ماتقدر تلحق عليه ،،
بس اصبر إلين تزول هالفتره اللي متعبتك ،،
ولا تكلم أهلك كثير ،
حاول تنشغل بـ نادي رياضي أو نشاطات في المعهد ،،

إذا حسيت أن الوضع مرره واصل حده ،
او حسيت أن فيه خطر على دينك وأخلاقك وأنك لا قدّر الله ممكن تنجرف لأشياء فيها ضياع ، وقتها رجاء أرجع للسعودية ،،

أدرس بكالوريوس في السعوديه خلال الـ أرربعة سنوات الجايه ،،
وبعدها خذ معك شهادة البكالوريوس وروح قدم ع الإبتعاث من جديد ، للماجستير ..
الآن قدامنا 5 سنوات إبتعاث ، وبيمديك ان شاء الله ،،

لكن ، نصيحتي ،، خلك عندك ،،
وبالتوفيق ،،

في بوسطون .....

ارى اخي الدراسة في السعودية افضل خصوصا انك تكون عند الأهل و العادات و التقاليد و الدين الحنيف الصراحة هنا في امريكا الجار لا يعرف جاره و الشعب منعزل كليا
انا لو يحصل لي قبول في جامعة سعودية راح اترك هالغربة و البهدلة الأمريكان يهمهم الفلوووووووووس فقط اما انك تتأخر في الدراسة و تضيع سنوات عمرك فطبيعي عندهم
لأنهم ما يهتمون بالطالب اكثر من اهتمامهم بالأموال ( دولة رأسمالية )

على كل الأحوال الولايات المتحدة الامريكية مجرد اعلام ضخم و نسف للأموال .

السلام عليكم ورحمه الله وبركاته.
حبيت اقولك لا تقرر الان. ارجع السعوديه في اقرب اجازه واجلس مع الاهل. وحاول تفكر بعد ما ترجع للسعوديه في اجازه واذا رجعت حط احتمال انك بترجع امريكا.
من واقع تجربه. صدقني بعد ماترجع السعوديه وتجلس مع الاهل راح تكون مرتاح وتفكر صح وتتخذ قرارك بشكل سليم.
الان عليك الصبر واذا لقيت اجازه قريبه توكل على الله. وبعدها راح تقدر تتخذ قرار سليم.
وممكن تفكر انك تغير اقامتك في امريكا الى مدينه ثانيه او ولايه ثانيه. هذي ممكن تساعدك بعد ماترجع السعوديه وتفكر من هناك.
الله يوفقك.

ياخي وش يحسون الي مافلحووو بالدراسة ويحاولون يحبطون الناس

ياخي مافلحت انت وياه كل ..... وأسكت

لاكن تفشل في دراستك وتحاول تفشل الناس عشان تلاقي احد جمبك ماتحس انك الفاشل الوحيد ليه ياخي الدين التفائل الدين الفزعة الدين الكلام الحسن الدين التشجيع

وش في ..... تحبطون استحو على وجيهكم وارتقوا

ياخي فشلت أفشل لوحدك. طحت طيح لوحدك اطلب الفزعة نجيك طوابير لاكن تفشل وتطيح وتبي تطيح معك ناس كثيييير انت كذا زلابه

ياخي شجع اخوك انت وياه


وبعدين يانهار خلك كفووو والله عيب تفكر بذي الخرابيط ياخي شد حيلك انزل كل أجازه عند اهلك محد قلك بتاخذها طقه وحده الخمس سنين


وانت ببوستن

والله بعيد علي انا بفلوريدا

واليوم الحمدلله جاني القبول من جامعة ديبول الي بشيكاغو. زي ماقلتلك اول غير الديره سوي كل شي لاكن ترجع انت كذا حطمت مستقبلك على كلام فأظي

مو المقصد الأهل لا لالا

اقصد الكلام الفاضي الي هو الشوق

ياخي عندك التانقو او الفايبر برامج اتصال مجانين

كل يوم وانتبوجههم الي ما تطفش

خلك إيجابي بتصرفاتك

ياخي انا أصغر منك بسنه لاكن وش الفرق

انا صامل وابغا أكمل دراسه وارفع رؤوس أهلي ان شالله

وانت لا

لاتزعل من كلامي لاكن والله ابغا أفوقك من الي انت فيه

ياخي كلنا تجينا الهوم سيك

بس فترررررررررررررت اول كم شهر الين ما تتأقلم مع الوضع وعييييييش ياحبيبي احلى حياه بإذن الله


واسف اذا كان كلامي جارح للبعض ولاكن والله من خوفي على الرجال مع اني ما عمري شفته ولا كلمته

اذا تبي ترتاح , شف لك اصدقاء امريكا وصدقني بتحب الجلسه في أمريكا
تطلع معهم و تروح وتجي و تنبسط و تغير جو
الله يوفقك يارب

it's complicated

مثل ما قلت انا سابقا السعوديه ما تلقى مثلها .. وامريكا بالنسبة لي ( منفى) رااااي الشخصي !! ولكن تعتمد على الشخص يحب الوضع هنا ولا لا

اذا مو عاجبك لا ترجع الا :

1- عندك وظيفه مرمووقه في شركه ( ارامكوا - معادن - صداره - سابك )

2- لقيت جامعه في السعوديه قويه

وسلامتك

الاخ الكريم
السلام عليكم

في كلام الاخوة الكرام مايفي ويساعد

ولكن اريد اعلق على فترة قدومك كان في فترة الشتاء وبما انك في ولاية باردة وكان شتاء هذا العام قاسياً
ويوجد مايمسى بكئابة الشتاء وهي حالة تصيب الانسان مع قلة التعرض لضوء الشمس خصوصا في البلدان الاسكندنافية وماشابهها في الطقس

الان الطقس تحسن عندكم حاول تكثر من الانشطة الرياضية والتعرف على صحبة طيبة تخفف عنك قسوة الغربة
وشد حيلك في الدراسة وتخيل صورة تخرجك واسعى لتحقيق هدفك وهذه فرصه يغبطك عليها الكثير فلا تفرط فيها

كحل آخر انتقل إلى ولاية اخرى (مشمسة)
بالتوفيق ونبارك لك قريباً بالتخرج ان شاء الله

لا ترجع انا كنت مثلك. ورجعت للسعوديه. وندمت ندم شديد بعد مضي سنه ونص انا هالحين الحمد الله. جالس اعد أوراقي للعوده لامريكا باذن الله.

انا تفكيري نفس تفكير الاخت خلود
انت عندك فرصه خلي الملحقيه تضمك وبعدين اتزوج وارجع كمل دراستك لان مع الزوجه والونيس بتنسى هم الغربه وتكسر روتين الدراسه بانشغالك في زوجتك وتخططون لمستقبلكم مع بعض

انا اخواني توم في كندا الله يحفضهم راحو بنفس عمره متاقلمين هناك ومبسوطين بالعكس اذا جو السعوديه يطفشون لانهم كونو لهم علاقات هناك مع شباب من نفس المنطقه اللي احنا ساكنين فيها في السعوديه وسارو يعاونون بعضهم في الدراسه ويشجعون بعض فانت اول شي حاول تتعمق اجتماعيا في ناس سعوديين او خليج واتزوج بتلاقي الوضع جدا سار اريح