رد: مشكلتي اعرف انجليزي بس عندي لما اتكلم مع الشخص هنا المشكلة ^_^
اقتباس:
المشاركة الأصلية كتبت بواسطة CooLZizo
السلام عليكم ~
انا الحمدالله لي 4 شهور دارس اللغة و شاد حيلي واحفظ الكلمات واحاول اتكلم مع اي شخص اجنبي او تيتشر عشان اطور نفسي وايضآ اطور نفسي من الافلام السممع اليسنق
بس عندي مشكلة لما اتكلم مع اي شخص احس يختفي كل شي يعني ماقدر انطلق بالكلام مثل عربي :(
مثلآ اقول بالانجليزي ~ ايه انا كنت افعل كذا كذا و مدري ايش بس لما اجي اتكلم ايه انا كنت افعل ....... كذا .. يعني أتأخر برد و احيانآ انسى وش اقول بعدها يعني كأني ثقيل بالكلام استغفر الله .
ياليت تعطوني نصايحكم من عندكم
وشكرآ والله يوفقكم ويوفقني يارب ~
وعليكم السلام ورحمة الله وبركاته ..
حاجتين مهمه .. اذا مسكت عليها باذن الله راح تتقن المحادثه بشكل اسرع ..
الاولى طريقة التفكير لازم تغييرها .. وتخلي تفكيرك باللغه الانجليزية وليس العربيه .. وهذا امره سهل جدا ..
اذا جيت تتكلم .. فقط فكر بالكلمات الانجليزية .. دون اللجوء الى طريقة تفكر اول بالعربي ثم بالانجليزي !
مايحتاج أنك تاخذ المشوار الطويل بعقلك لحتى تترجم بين اللغتين وبعدها تتكلم .. هذا الامر راح يتعبك كثير وراح يبطئ من سرعة التعلم عندك !
لان الترجمة الفوريه العقليه ( تفكر اولا بالعربي ثم تحولها انجليزي) هذي تستخدم فقط ببداية التعليم .. من بعدها اذا تمكن الشخص من اللغه وحصل على قدر كافي من الفهم والكلمات ..
صار خلاص يستوعب المحادثات بسهوله .. وصار يترجم اي كلمة جديده بنفس اللغه بدون اللجوء الى اللغه العربيه ..
هذا راح يسهل عليه عملية الاستيعاب والفهم باللغه الانجليزية وخلال فترة بسيطه راح يكون لسانه مرن جدا جدا بالكلام ..
الثانيه .. تكلم بدون تكلف !
يعني لاتفكر بالقواعد .. ولا تفكر بالكلمات الطويله او العلميه .. فقط تكلم باي طريقه تكون سهله عليك للتواصل مع الباقين ..
دائما فكر "بمخرج طوارئ" بالمحادثات .. مثلا الطرف الاخر يتكلم معك وتبي ترد عليه بس مثلا ماعرفت الكلمه اللي تقولها له ..
رد عليه باي كلمه عامه أو تصف له الشيء بطريقة المقارنه .. مثلا ..
لنفترض ان دار حديث بينك وبين شخص .. ومن ضمن الحديث فيه "عاده" انت تسويها مثلا بس ماتعرف معناها بالانجليزي ..
فبدل ما تقعد ساعه تبحث عن الكلمه .. تقدر تصف هذه العاده للشخص باسهل طريقه ممكنه .. وتلقائيا راح يتجاوب معك ويقولك اها تقصد العاده الفلانيه !
فبالتالي انت حولت الشخص اللي امامك الى دكشنري سريع للترجمه .. تستفيد منه الكلمه اللي تبيها وبنفس الوقت ماتعقد على نفسك بالمحادثه ..
مثلا .. صار بينك وبين شخص نقاش .. انت سمعت منه معلومه بالنقاش وانت تعرف هالمعلومه بالعربي .. بس ماتعرف تقولها بالانجليزي .. لكن هو قالها لك بالنقاش ..
فبدل مثلا ما تقوله عيد اللي قلته او تشرح له ساعه على الشيء اللي قاله ..
تقدر تختصر وتقول مثلا " مثل ماقال فلان .. او .. على حسب كلامك .. الخ " يعني مثل كلمة According to ... او كلمة As you said .. وغيرها من الكلمات ..
تقول الكلمه ثم تكمل برأيك ... ومايحتاج تعيد حديث الطرف الاخر ..
وبهذي الطريقه تتخلص من اكثر العقبات بمسألة المحادثه ..
فدائم تكلم بدون تكلف .. لاتحاول انك تتقن اللهجه .. ولا تحاول انك تتكلم بشكل علمي .. فقط تكلم باسهل طريقه ممكنه .. وبعد مرور من تعويد لسانك على الحديث ..
وبعد ماتتقن الحديث وتتعود عليه .. راح تلاحظ أنك تلقائيا تبتدئ بتنقيح الكلام من الرواسب .. وتحاول تختار كلمات افضل من الكلمات اللي تعودت عليها .. وتقيم حديثك وما الى ذلك من امور .. يعني تطور نفسك بنفسك !
... اضافة ....
طريقة ترديد محادثات الافلام طريقه فعاله .. ولا تحتاج الى طرف اخر .. بل اللعب دور الطرفين بينك وبين نفسك !
فإذا كان عندك مرآه مثلا .. قف امامها ومثل الدورين ! .. دور لك .. ودور لصورتك ! ..
ممكن تكون الطريقه مجنونه نوعا ما .. ولكنها جدا فعاله ..
هذا والله اعلم ..,
رد: مشكلتي اعرف انجليزي بس عندي لما اتكلم مع الشخص هنا المشكلة ^_^
موضوع مهم جدا
استفدت منه كثير
أشكر صاحب الموضوع والاخوان والأخوات اللي أفادونا
تحياتي
رد: مشكلتي اعرف انجليزي بس عندي لما اتكلم مع الشخص هنا المشكلة ^_^
شكرآ لكم على مساعدتكم لي يعطيكم العافيه ~
بس اقتباس:
... اضافة ....
طريقة ترديد محادثات الافلام طريقه فعاله .. ولا تحتاج الى طرف اخر .. بل اللعب دور الطرفين بينك وبين نفسك !
فإذا كان عندك مرآه مثلا .. قف امامها ومثل الدورين ! .. دور لك .. ودور لصورتك ! ..
ممكن تكون الطريقه مجنونه نوعا ما .. ولكنها جدا فعاله ..
المصدر:
http://www.mbt3th.us/vb/forum8/threa...#ixzz2U56yKZZH
حفاظاً على حقوق الكاتب نرجو عدم حذف المصدر مبتعث
Under Creative Commons License: Attribution Non-Commercial No Derivatives
Follow us: @mbt3th on Twitter | mbt3th on Facebook
بس اظاهر لازم اشوف فلم عشان اردد معاه ولا عادي امسك ورقه واتكلم كاني ممثل .؟
بس صحيح انها مجنونه مثل ماقلت @_@ بس طريقة مرره ممتازة ~
تسلم ماتقصر ~
رد: مشكلتي اعرف انجليزي بس عندي لما اتكلم مع الشخص هنا المشكلة ^_^
اقتباس:
المشاركة الأصلية كتبت بواسطة CooLZizo
شكرآ لكم على مساعدتكم لي يعطيكم العافيه ~
بس
بس اظاهر لازم اشوف فلم عشان اردد معاه ولا عادي امسك ورقه واتكلم كاني ممثل .؟
بس صحيح انها مجنونه مثل ماقلت @_@ بس طريقة مرره ممتازة ~
تسلم ماتقصر ~
اللي تحب ... اهم شي تحاول تتقن المحادثه وتنطق الكلمات بشكلها الصحيح ..
يعني بإمكانك تاخذ مشهد من فلم وتكتبه على ورقه (او تحمل الترجمه الانجليزية للفلم وتطبع اي محادثه لاي مشهد تبي) ...
وتكرر المشهد اكثر من مره وتحاول تحاكي الممثل بنفس الاسلوب ..
وتكرر العمليه هذي لحتى تتقن المشهد ويكون سرعة التحدث لديك مطابقة لسرعة التحدث لدى الممثل ..
وهذا يعني انك راح بالبدايه تحفظ نص المشهد .. وتحاول تردد الكلام مع الممثل لحتى ماتطابق الكلام بنفس السرعه ..
وتمشي هالطريقه لاي فلم .. يعني بس مشاهد مو الفلم كامل ! .. اي مشهد يعجبك ويكون غني بالمحادثه بين اثنين .. طبق عليه وتعلم منه ..
وفتره وراح تلاقي لسانك يتأقلم مع اللغه بشكل سريع وتصير المحادثه عندك اسهل ..
لان بهالطريقه راح تبعد مسألة القواعد .. وراح تفكر بس بمحاكاة الممثل وكيف يتكلم .. ولما تتقنها راح تكون في بالك خلاص ..
ولما تنفذ مشهد ثاني غير الاول نفس الشي .. وتحفظ كل مشهد تطبقه .. مع الوقت راح يكون عندك كم هائل من المشاهد والمحادثات ..
وبتلاقي نفسك تتقن كثير من الكلمات والمحادثه عندك تطلع تلقائيا بشكلها الصحيح ..
فيه برنامج باليوتوب اسمه فلمها .. انصحك بمتابعته .. هذا يعلمك كيف تتعلم اللغه الانجليزية من الافلام ..
رد: مشكلتي اعرف انجليزي بس عندي لما اتكلم مع الشخص هنا المشكلة ^_^
لا تحفظ كلمات مفردة ومجردة
حاول تكتب جمل لمن تتعلم الكلمات الجديدة وأربطها باللي حولك
رد: مشكلتي اعرف انجليزي بس عندي لما اتكلم مع الشخص هنا المشكلة ^_^
اقتباس:
المشاركة الأصلية كتبت بواسطة 1OK
اللي تحب ... اهم شي تحاول تتقن المحادثه وتنطق الكلمات بشكلها الصحيح ..
يعني بإمكانك تاخذ مشهد من فلم وتكتبه على ورقه (او تحمل الترجمه الانجليزية للفلم وتطبع اي محادثه لاي مشهد تبي) ...
وتكرر المشهد اكثر من مره وتحاول تحاكي الممثل بنفس الاسلوب ..
وتكرر العمليه هذي لحتى تتقن المشهد ويكون سرعة التحدث لديك مطابقة لسرعة التحدث لدى الممثل ..
وهذا يعني انك راح بالبدايه تحفظ نص المشهد .. وتحاول تردد الكلام مع الممثل لحتى ماتطابق الكلام بنفس السرعه ..
وتمشي هالطريقه لاي فلم .. يعني بس مشاهد مو الفلم كامل ! .. اي مشهد يعجبك ويكون غني بالمحادثه بين اثنين .. طبق عليه وتعلم منه ..
وفتره وراح تلاقي لسانك يتأقلم مع اللغه بشكل سريع وتصير المحادثه عندك اسهل ..
لان بهالطريقه راح تبعد مسألة القواعد .. وراح تفكر بس بمحاكاة الممثل وكيف يتكلم .. ولما تتقنها راح تكون في بالك خلاص ..
ولما تنفذ مشهد ثاني غير الاول نفس الشي .. وتحفظ كل مشهد تطبقه .. مع الوقت راح يكون عندك كم هائل من المشاهد والمحادثات ..
وبتلاقي نفسك تتقن كثير من الكلمات والمحادثه عندك تطلع تلقائيا بشكلها الصحيح ..
فيه برنامج باليوتوب اسمه فلمها .. انصحك بمتابعته .. هذا يعلمك كيف تتعلم اللغه الانجليزية من الافلام ..
فلمها دايم اشوفه واخذ منه نصايح و تعلمت منه كلمات كثيرة ~
يسلمك ربي
- - - مشاركة محدثة - - -
اقتباس:
المشاركة الأصلية كتبت بواسطة الكويكبي
لا تحفظ كلمات مفردة ومجردة
حاول تكتب جمل لمن تتعلم الكلمات الجديدة وأربطها باللي حولك
انا لما احفظ كلمات جديدة اجيب جملة معاها بدون ماكتبها يعني اجيب مثال
يعطيك العافيه ~