بقابل وكيل البعثات د.ناصر بسبب انهاء البعثه بدون سبب!

السلام عليكم والرحمه....


يا اخوان الشكوى لله ما ادري من وين ابتدي... امس تفاجات بطلب من الوزاره انهاء بعثه وواصله لتقييم من قبل اللجنه!

انا كنت بامريكا قبل اسبوعين والدوله اصرفت لي تذكره بسبب ظروف خاصه والمشرفه قالتلي ابد كلنا معك لاتهتم واتفاجا بطلب انهاء بعثه!!!! بعد ما رجعت للسعوديه...

الشكوى لله انا لما شفت الطلب من امس ما اقدر اكل او اعمل اي شي . يعني سهله عندهم يحطمون مستقبل طالب بكل ها السهوله ولا المشكله ما احد تكلم معي عن الاسباب!

بكره راح اسافر للرياض ويوم السبت ابغى اتكلم مع اي مسؤؤل راح اطلع بنتيجه معهم ؟ والا خلاص بما ان الطلب راح للوزاره كل شي انتهى؟؟؟؟ هل الدكتور ناصر يقدر يفيدني باي شي واقدر اقابله يوم السبت ؟

تكفون يا اخوان انا ملخبط وما ادري وش اعمل بالضبط؟؟؟؟

مافهمت انت طلبت انهاء او طلبت تاجيل

^^^^^^
انا طلبت تاجيل لاكن تفاجات بوجود انها بعثه باسباب سلوكيه ؟ كيف هو الدكتور متفهم ؟

اها ممكن انك تشاديت بالكلام مع احد او ايش
المفروض تتاجل ماتنتهي بس كلم الدكتور وشوف انا بصراحه ماعرفه

اولا استخر الله .. ثم .. اذهب لهم وتحدث مع احد المسؤولين بهذا الخصوص ..

وباذن الله الامور تتحسن ويعدلون الطلب ...

بما انه وصلت لتقييم من قبل اللجنه!

اكيد انها شكوه والمشرفه ضحكت عليك عشان يبغون انك تنزل السعوديه

الله يعيننننك ،،

لك مني دعوه ان ربي يسهل امرك

اخوي رووووح وطالبهم

ترا لسا ماصار شي الحق

اي والله شكوى ... طيب ليش ما رجعتلي قبل لا ترسل شكوى .. انا انظلمت بانها الابتعاث بس وش اقول الشكوى لله...

طبعا احاول اكلمها لكن ماترد والحين وصلت للملحقيه الله يستر.. رحت للوزاره لكن لا حياه لمن تنادي من مكتب لمكتب اخر شي يرجعوني للمكتب الاول وهكذا من الساعه 10 الى ما انتها الدوام ... لا والي يقهرك تسمعهم يسولفون سوالف استراحه ولما تدخل عليه وتقوله لوسمحت في مشكله كبيره انهاء ابتعاث وابغا اخذ من وقتك دقايق يرد بكل بروده اعصاب مشغول!!

مشكور للي ردو والله ما انسى جميلكم خصوصا الي دعالي لاني من جد محتاج دعوه....

لا حول ولا قوة الا بالله العظيم. الله يقويك وينصرك اخوي. انا تقريبا نفس وضعك موقف عليا الصرف من شهرين إلى الأن وناوي أروح للملحقية.
نصيحتي لك لا تتنازل عن حقك معاهم مهما كان. سياسة التطفيش وتقفيل الأمور في وجيهنا ما راح تمشي معانا. خليك ملح على حقك معاهم.

من قلبي والله بادعيلك اخوي بانوا ربنا يسهلها معاك ويفتحها في وجهك يا رب