الأعضاء الإشتراك و التسجيل

الملتقيات
ADs

استفسار بخصوص تصديق القبول

استفسار بخصوص تصديق القبول


NOTICE

تنبيه: هذا الموضوع قديم. تم طرحه قبل 1706 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية matesol
    matesol

    مبتعث جديد New Member

    matesol الولايات المتحدة الأمريكية

    matesol , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى E , بجامعة portland
    • portland
    • E
    • ذكر
    • port land, porland
    • السعودية
    • May 2013
    المزيدl

    May 23rd, 2013, 11:54 PM

    السلام عليكم ورحمة الله وبركاته
    انا ماني عارف كيف ابدأ من قوة الغباء في وزارة التربية والتعليم والملحقية القافية والتعليم العالي
    وربي ماراح نطور دام في غباء مثل كذا
    انا ياناس حصلت على قبول من جامعة لوس انجلس ولما اردت اقدم اجازة دراسية من التربية والتعليم رفضوا لازم يكون القبول مصدق قلت لهم موقع التعليم العالي موقع معتمد وفيه الجامعات الموصى بها
    طالعوا عليه وبتحصلوا فيه الجامعه والتخصص موصى به رفضوا قالوا لازم تصدقه قلت مو مشكله ربعنا متخلفين وش نسوي لازم نصدقه قلت طيب كيف اصدقه من اي جهه قالو مانعرف قلت اجل من الي يعرف ؟؟؟
    رحت وزارة التعليم العالي قلت الجامعه هذه من جامعاتكم وموصى بها بس صدقوا عليها انها معتمده والتخصص معتمد رفضوا التصديق قالوا التصديق قبل عصر الانترنت الحين في انترنت وحنا مانتعامل مع اشخاص لازم جهة عملك هي الي تخاطبنا وحنا نرد عليهم . قلت مو مشكله وقلت التعليم العالي يبغون خطاب من جهتك يادارة التربية والتعليم رفضوا قالو مانقدر نتعدى صلاحيات مانقدر نعطي خطاب
    طيب انا واشسوي في الحاله هذي اذا التعليم العالي الي طبعا عالي بالاسم فقط رفض يصدق جامعاته الي هو اختارها وادارة التربية والتعليم في الخرج مايعرفون يشغلون جهاز كمبيوتر انا وشذنبي ؟
    قلت مالي الى الملحقية الثقافيه لكن طلعت الملحقية التخلفيه
    راسلتهم ويرسلون لي قبول اللغة معتمد وادارة التربية والتعليم تبي تصديق على الجامعه نفسها وعلى التخصص نفسه
    ومن ثلاث اشهر وانا في الموال هذا وماقدرت اصدق القبول
    وكل شوي طالع للرياض وراجع للخرج وليت تعب مع نتيجه
    لكن ماقول غير حسبي الله ونعم الوكيل
    خلاصة الكلام الي في امريكا او في التعليم العالي او عنده واسطه او اي طريقه يساعدني فيها يصدق القبول بعطيه حقه
    الله يجزاكم خير
    باقي عن الدراسه شهر واحد فقط وانا ماقدرت افتح ملف في الملحقيه بسبب الاجازه لاني موضف
    تكفون ساعدوني
  2. اااااه بس

    متى يخلص هالكابوس

    والله ياخوي مابيدي حيله الا اني ادعيلك

    كل جهه متخلفه أكثر من الثانيه

    لكن دامهم متخلفين كذا جرب تكون على نفس مستوى تخلفهم يمكن يمشي معهم
    جرب أطبعه الصفحة الي فيها تخصصك واسم الجامعه من موقع الجامعات الموصى بها ووريهم الورقة

    يمكن تضبط

    حسبي عليهم وبس
    7 "
  3. واضح قصدك
    نقول ان شالله بس للاسف داخليا متشائم ماخفي عليك
    تم رفع المكافأة الى 513 ريال للي يقدر يساعدني
    تكفون احد عنده واسطه شي احس الشغله فيها تعمد كانهم مايبغون الموظف يبتعث بالاتفاق بس مايقدرون يعلنونها
    كأنهم يقولون هذي علبة ببسي اشربها بس مكبلين يدينك ماتقدر
    ياليتني قطري ولا اماراتي هذا الي اقوله بس
    7 "
  4. اهلا وسهلا أخي السائــل ..

    قبل الإجابه على سؤالك ... ... أولا الإجازة الدراسيـــــه ليست بالأمر السهل الي تجعل كل معلم يطلبها وتعطى له ... لأني معلم والان أدرس ماستر في أمريكا ولكن إجازتي ليست دراسيه إنما إستثنائيه بدون راتب ولا تحسب لي خبره ..

    لذلك إذا أنك معلـــم وتبي إجازة دراسيه أمامك شروط راح يخرج نخل في رأسك وتحققها ... شرط تصديق الشهاده الي متعبك يعتبر شرط بسيط أمام الشروط التي تنتظرك ..

    إذا إنك معلـــم أشتغل على الشروط الأخرى ... لأنها هي العقيه الحقيقه التي تجعل من طلب الإجازة الدراسيه أمر مستحيـــــــل .... وزارة التعريه والتهديــــم متعبه جدا ومتخلفه لدرجة الجنون

    ثانيا في آخر كلامك تقول باقي على الدراسه شهر وماقدرت أفتح ملف في الملحقيه بسبب الإجازة ؟؟

    أصلا الملف ماتفتحه إلا بعد دخولك أمريكا ... يعني مافي شي إسمه أفتح ملف وانا في الخــــــرج .. فاهم يا أستاذ !!!

    أعيد وأكرر ... إذا أنك معلـــــم وتريد إجازة دراسيه من المستحيل الحصول عليهـــــــــــا .... والبديل هو إجازة إستثنائيه ولا راح يطلبون منك لا تصديق شهاده ولا غيره ...
    7 "
  5. aabdulfatah@sacm.org

    راسل هذا الايميل

    الاستاذه عبير ما راح تقصر معك

    ارسل القبول على ايميلها وهي تصدقه وترسله لك

    - - - مشاركة محدثة - - -

    aabdulfatah@sacm.org

    راسل هذا الايميل

    الاستاذه عبير ما راح تقصر معك

    ارسل القبول على ايميلها وهي تصدقه وترسله لك
    7 "
  6. خذ ظرف من جهه و حط فيه وريقاتك و قدمه للجهه الثانيه و اتوقع انها تمشي الحركه هذي . و اذا حصل تخلي اي احد من الجهه الي تاخذ منها الظرف يوقع على القبول لو الفراش او مراجع جنبك .

    سبق وسويت الحركه هذي في الجامعه و ان شاء الله تمشي معك .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.